কেন্দ্রগী এজুকেসন অমসুং স্কিল দিবলপমেন্ত & ওন্ত্রেপ্রিন্যুরশিপ মন্ত্রী শ্রী ধর্মেন্দ্র প্রধাননা ঙসি অরবিন্দো ভবন, কোলকাতাদা অরবিন্দো ঘোসকী মফমদা শ্রদ্ধাঞ্জলী কৎখ্রে। মন্ত্রীনা প্রধান মন্ত্রী শ্রী নরেন্দ্র মোদীনা হৌদোকখিবা মেরী মাতী মেরা দেশ কেম্পেনগী শরুক ওইনা অরবিন্দো ভবনদগী লৈবাক লৈহাও লৌখি।

থৌরমদা ৱা ঙাংলদুনা শ্রী প্রধাননা হায়খি মদুদি শ্রী অরবিন্দোগী ৱাখল্লোনশিং, ফিদম্নিঙাইশিং অমসুং থৌদাংশিংনা ঐখোয়গী লৈবাক্কী পন্থুংফম শেম্বদা মরুওইবা থৌদাং অমা লৌরি। কোলোনিএলগী ওইবা ৱাখল্লোনদগী ফ্রী ওইহনবা খ্বাইদগী কনবা খোঞ্জেলশিংগী মরক্তা মহাক অমনি হায়না মন্ত্রীনা মখা তাখি। মন্ত্রীনা হায়খি মদুদি মেরী মাতী মেরা দেশ খোংথাংগী শরুক অমা ওইনা কোলকাতাদা শ্রী অরবিন্দোগী পোক্নফমদগী শেংলবা লৈবাক লৈহাও লৌবা ফংজবা মহাক মশামক্কী লাইবক ফবনি। ‘শ্রেস্থ ভারত’ অমগীদমক মহাক্কী মীৎয়েং অদুনা ঐখোয়বু মতম পুম্বদা লমজিং লমতাকপীরগনি।

শ্রী প্রধাননা ফোংদোকখি মদুদি নেস্নেল এজুকেসন পোলিসী ২০২০, অসি শ্রী অরবিন্দোগী রেয়েল এজুকেসনগী মীৎয়েংগা পাংখকনি, মদুনা অঙাংশিংগী দিবলপমেন্তগীদমক নিংথিজনা কোইশিল্লবা ফ্রী অমসুং ক্রিয়েতিব এনভাইরনমেন্ত অমা ফংহল্লি। মন্ত্রীনা মথংগী চহি ২৫দা চাউখৎপা ভারত অমা ওইহন্নবা ‘পাঞ্চ প্রন’ (রিজোলব মঙা) অমুক হন্না ফোংদোকখি। মহাক্না হায়খি মদুদি আজাদী কা অমৃত মহোতসব মনুংদা লৈবাক পুম্বনা জাতি অমসুং ধর্ম্মমত থাদোক্তুনা নেস্নেল ইন্তিগ্রিতী উৎখি। মহাক্না হায়খি, ঐখোয়না লৈবাক শেমগৎপা, কোলোনিএলগী ওইবা ৱাখল্লোনদগী নিং তম্বা, ভারতকী কলচর অমসুং হেরিতেজ সপোর্ত তৌবা, নেস্নেল য়ুনিতীগী লেপ্পা অমসুং নিংতম ইহৌদা থৱায় থাখ্রবা মখোয়শিং অদুবু নিংশিংবগী ৱাশক লৌরসি।

পুরক্লিবা লৈবাক লৈহাও অদু দিল্লীদা দিবলপ তৌগদৌরিবা অমৃত ভতিকাগী শরুক অমা ওইগনি।

*****