সাইন্স অমসুং তেক্নোলোজিগী রাজ্য মন্ত্রী(মনিংতম্বা); পি.এম.ও, পর্সোনেল, পব্লিক গ্রিভান্সেস, পেন্সন্স, স্পেস অমসুং এতোমিক ইনর্জিগী রাজ্য মন্ত্রী দোক্তর জিতেন্দ্র সিংহনা হায়খি ঙরাং লোইশিনখিবা জি-২০ মীফমদা, ভারতকী তেক্নোলোজিগী তৌবা ঙম্বা অমসুং শেন-থুমগী মপাঙ্গল উৎখ্রে।

ঙসি নিউ দিল্লিদা সি.এস.আই.আর-নেসনেল ইন্সতিতুৎ ওফ সাইন্স কম্মুনিকেসন এন্দ পোলিসি রিছার্সকী ৱান ৱিক ৱান লেব থৌরম হৌদোকপদা ৱা ঙাংবদা দোক্তর জিতেন্দ্র সিংহনা হায়খি প্রধান মন্ত্রী নরেন্দ্র মোদীগী মখাদা, সরকার অসিনা মমাঙঙৈগী লৌশিং অমসুং অনৌবা মতমগী তেক্নোলোজিগী পুনশিনহল্লে। তি.কে.দি.এল(ত্রেদিসন অন্দর প্রাইমেল নোলেজ দিজিতেল লাইব্রেরি) হায়না খঙনবা ঐখোয়গী মমাঙঙৈগী লৌশিংগী লাইব্রেরি লৈজরি। ভারত মন্দাপম নত্ত্রগা সরকার অসিনা নৌনা শাবা মোনুমেন্তশিংদা মীরোল কয়াদগী থংথরকপা অরিবা লৌশিংগা খ্বাইদগী নৌবা সাইন্তিফিক ওইবা লৌশিং অমসুং তেক্নোলোজি অমসুং আর্কিতেকচর পুনশিল্লি।

জি-২০ মীফমা নিউ দিল্লি দিক্লারেসন চৎনখিবা অসি ভারতকী ‘লাইফস্তাইল ফোর ইনভাইরোনমেন্ত মিসন’(লাইফ) থবক ওইনা পাংথোক্নবা অমসুং য়ু.এনগী এস.দি.জিশিং ফংনবা মাইকৈদা আর্তিফিসিএল ইন্তিলিজেন্স শীজিন্নবা হেনগৎহন্নবা থবক অমনি। ‘গ্রিন দিবলপমেন্ত পেক্ত’ চৎনদুনা, তুংকোইনা চৎনবা য়াবা অমসুং অকোয়বগী ফিবম শোকহন্দবা চাউখৎপা পুরক্নবা জি-২০না মসিগী ৱারেপ অমুক চেৎশিনহল্লে।

গ্লোবেল দিজিতেল পব্লিক ইনফ্রাস্ত্রকচর রিপোজিতোরি(জি দি পি আই আর) অমা শেমগৎনবা ভারতকী থৌরাং জি-২০না মতেং পাংলে অমসুং দব্লিউ.ঐচ.ও ফ্রেমৱার্ক অমগী মখাদা গ্লোবেল ইনিসিয়েতিপ ওন দিজিতেল হেল্থ লিংখৎপা তরাম্না ওক্লে।

জি-২০ মীফমগী নাকলদা প্রধান মন্ত্রীনা মরুওইবা থৌদাং লৌদুনা শিঙ্গাপুর, বাংলাদেস, ইতালি, য়ু.এস.এ, ব্রাজিল, অর্জেন্তিনা, মাউরিসিয়স অমসুং য়ু.এ.ইগী লুচিংবশিংনা গ্লোবেল বাইওফুয়েল এল্লাইন্স(জিবিএ) হৌদোকপা অসি অচৌবা মাইপাকপা অমনি। বাইওফুয়েলশিং খুমাঙচাউশিন্নবা অমসুং পাক-চাউনা শীজিন্নবা হেনগৎহন্নবা মালেমগী ওইনা মতেং পাংনবা হেনগৎহন্নবা এল্লাইন্স অসিনা পান্দম থম্লি।

দোক্তর জিতেন্দ্র সিংহনা হায়খি প্রধান মন্ত্রী মোদীগী মখাদা লৈবাক অসিদা হিরম অসিদা থবক কয়া পায়খৎপদা ঐ হরাওই। মসি ঐখোয়না  চহি কয়া পাংথোক্তুনা লাক্লবা থবক তৌবগী মখল অমদা অওনবা অমা পুরকপনি। অনুসন্ধান নেসনেল রিছার্স ফাউন্দেসনগী ফন্দিংগী চাদা ৭০ ফাবা সরকার নত্তবা অতোপ্পদগী লাক্লগনি।

‘ৱান ৱিক ৱান লেব’(ও দব্লিউ ও এল) থৌরম মাইপাক্লবা মতুংদা, তোঙান-তোঙানবা সি.এস.আই.আর লেবশিংগী থবকশিং পুন্নবা ‘ৱান মন্থ ৱান থিম’ থৌরম পাংথোক্নবা দোক্তর জিতেন্দ্র সিংহনা হৌদোকখ্রে

মহাক্না হায়খি সি.এস.আই.আর অমমমগী তোঙানবা য়ু.এস.পি লৈজরবসু, মখোয় অয়াম্বগী মান্নবা থিম লৈরি… তুংদা মথংগী তাঙ্কক্তা, ঐখোয়না থিমশিংদা য়ুম্ফম ওইদুনা খর হেন্না পাক-চাউনা কোনশিনগনি। ইসরো, দি.এস.তি, সি.এস.আই.আরগী নেসনেল এরোস্পেস লেবশিং, তাতা ইন্সতিতুৎ অসিনিচিংবা দিপার্তমেন্ত পুম্নমক পুন্দুনা থবক তৌমিন্নবা অদু অদিত্য মিসন্না উৎলে।

দোক্তর জিতেন্দ্র সিংহনা হায়খি সি.এস.আই.আর-নেসনেল ইন্সতিতুৎ ওফ সাইন্স কম্মুনিকেসন এন্দ পোলিসি রিছার্স অসি মৈরা অমা ওইবা য়াগনি অমসুং সি.এস.আই.আর লেবশিংনা মাইপাকপগী ৱারি ১০/১০ ফোঙগদবনি। অনৌবা ৱাখল্লোন অসি বিনিফিসিরিশিংদা য়ৌহনগদবনি। ফংফম থোকপা মীওইশিংদা য়ৌহন্দ্রবদি মমল য়াম্লবা চাংয়েং অমা পাংথোকপগী মাইপাকপা অদু ফংবা ঙম্লোই।

থৌরম অদুদা দোক্তর জিতেন্দ্রনা সাইন্স মেদিয়া কম্মুনিকেসন সেল শঙ্গাগনি অমসুং সি.এস.আই.আর-নেসনেল ইন্সতিতুৎ ওফ সাইন্স কম্মুনিকেসন এন্দ পোলিসি রিছার্সকী চেফোঙ কয়া ফোঙখি। থৌরম অদুদা শরুক য়াখিবা শক্নাইরবশিংগী মনুংদা দোক্তর এন কালাইসেলভি, সেক্রেতরি, দি.এস.আই.আর অমসুং দি.জি সি.এস.আই.আর, প্রোফেসার ভেনু গোপাল অচান্তা, দিরেক্তর সি.এস.আই.আর-এন.পি.এল অমসুং প্রোফেসার রঞ্জনা অগরৱাল, দিরেক্তর, সি.এস.আই.আর-নেসনেল ইন্সতিতুৎ ওফ সাইন্স কম্মুনিকেসন এন্দ পোলিসি রিছার্স য়াওখি।

*****