প্রধানমন্ত্রীগী লোইশঙ
azadi ka amrit mahotsav g20-india-2023

ইন্দিয়া-সাউদি অরাবিয়া স্ত্রাতেজিক পার্তনরশিপ কাউন্সিলগী অহানবা মীফমদা ফোঙদোকখিবা প্রধান মন্ত্রীগী হৌদোকপগী ৱারোল

Posted On: 11 SEP 2023 3:34PM by PIB Imphal

ইকায়খুম্নরবা রাজকুমার,

লৈবাক অনিগী মীহুৎশিং,

মেদিয়াগী মরুপ-মপাংশিং,

ঙসি ইন্দিয়া-সাউদি অরাবিয়া স্ত্রাতেজিক পার্তনরশিপ কাউন্সিলগী লুচিংবশিংগী অহানবা মীফমদা শরুক য়াবা অসি ঐ হরাওই।

২০১৯দা ঐগী সাউদি অরাবিয়া খোঙচৎ মনুংদা ঐখোয়না কাউন্সিল অসি লাউথোকখিবনি।

হায়রিবা চহি ৪ অসিদা, কাউন্সিল অসি ঐখোয়গী অচেৎপা মরী মখা তানা মপাঙ্গল কনখৎহন্নবা মপুংফারবা পাম্বৈ অমা ওইরক্লে।

কাউন্সিল অসিগী মখাদা কম্মিতি অনিগী মীফম কয়া পাংথোক্তুনা হিরম খুদিংমক্তা লৈবাক অনিনা মতেং পাংনবা হেনগৎলকপদা ঐ হরাওই।

হোংলক্লিবা মতমগী দরকার ওইবা মতুংইন্না, ঐখোয়গী মরীশিংদা ঐখোয়না অনৌবা অমসুং মতমগা চুনবা মরীশিং হাপচিল্লে।

সাউদি অরাবিয়া অসি ভারতকী মরুওইবা মরুপশিংগী মনুংদা অমনি।

মালেমদা খ্বাইদগী চাউবা অমসুং য়াংনা চাউখৎলক্লিবা ইকোনোমিশিং ওইনা, ঐখোয় অমগা অমগা মতেং পাংনবা অসি লমদম অসি শীনবা থুংনা শান্তি অমসুং তুংদু লৈতাবা পুরক্নবা মরুওইবনি।

রাজকুমারগা উনবা অসিদা ঐখোয়গী অচেৎপা মরী মথংগী থাক্তা পুখৎনবা থবক কয়া ঐখোয়না মশক খঙদোক্লে।

ঙসি ঐখোয় উনবা অসিনা, ঐখোয়গী মরীশিংদা অনৌবা থৌনা অমা, অনৌবা মাইকৈ অমা তাক্লগনি অমসুং মীওইবা খুন্নাইগী য়াইফনবা মখা তানা পুন্না থবক তৌমিন্নবা ঐখোয়দা ইথিল পীরগনি।

ভারত, ৱেস্ত এসিয়া অমসুং য়ুরোপকী মরক্তা ইকোনোমিক কোরিদোর অমা হৌদোক্তুনা ঙরাং ঐখোয়না পুন্না পুৱারি ওইরবা থবক অমা হৌদোক্লে।

মসিগী কোরিদোর অসিনা লৈবাক অনি শম্নবতা নত্তনা, ভারত, ৱেস্ত এসিয়া অমসুং য়ুরোপকী মরক্তা শেন-থুমগী মতেং পাংনবা, ইনর্জি, দিজিতেলগী শম্নবা হেনগৎহনগনি।

ইকায়খুম্নরবা রাজকুমার,

অদোমগী লুচিংব মখাদা অমসুং অদোমগী ভিজন ২০৩০গী খুৎথাংদা সাউদি অরাবিয়া য়াংনা শেন-থুম অমসুং খুন্নাই চাউখৎলকপদা ঐনা অদোম থম্মোয় শেংনা থাগৎচরি।

সাউদি অরাবিয়াদা লৈরিবা ভারতমচাশিং য়াইফনবা অমসুং অশোই-অঙাম থোক্তনবা অদোম্না পীরিবা থাজবশিংগীদমক ঐখোয়না অদোমগী মফমদা তৌবীমল খঙবা উৎচরি।

লমদম অসিগী অমসুং মালেমগী তুংদু-লৈতাবা, নুংঙাই-য়াইফবা অমসুং মীওইবা খুন্নাইগী য়াইফনবা ভারত অমসুং সাউদি অরাবিয়াগী মরক্তা লৈনরিবা মরুপ-মপাং ওইবা মরী অসি য়াম্না মরুওই।

জি-২০ মীফম মাইপাক্না পাংথোকপগীদমক ঐনা অমুক হন্না রাজকুমার অমুক হন্না থাগৎচরি।

অদোমগী হৌদোকপগী ৱারোল ফোঙদোক্নবা ঐনা অদোমগী মফমদা খঙহঞ্জরি।

 

*****



(Release ID: 1956337) Visitor Counter : 113