সেপ্তেম্বর 10, 2023দা নই দিল্লীদা পাঙথোক্লিবা G-20 সম্মিৎ মনুংদা রিপব্লিক ওফ ইন্দিয়াগী প্রধান মন্ত্রী, হিস এক্সিলেন্সী শ্রী নরেন্দ্র মোদীনা ফেদরেতিব রিপব্লিক ওফ ব্রাজিলগী রাস্ত্রপতি, হিস এক্সিলেন্সী লুইজ ইনাসিও লুলা দি সিলবাগা উন্নখ্রে।

2023দা ব্রাজিল অমসুং ভারতকী দিপ্লোমেতিক মরীশিংনা চহি 75 মপুং ফারকপদা লুচিংবা অনিনা শান্তি, কোওপরেসন অমসুং সস্তেনেবল দিবেলপমেন্ত ফংনবা হোৎনবা য়াওনা কম্মন ভেল্যুশিং অমসুং শিয়র ওবজেক্তিবশিংদা য়ুম্ফম ওইদুনা বাইলেতরেল মরীশিং অসি খুমাং চাউশিনখি হায়না ফোঙদোকখি। মখোয়না ব্রাজিল-ইন্দিয়া স্ত্রেতেজিক পার্তনরশিপ খুমাং চাউশিনহন্নবা অমসুং গ্লোবেল এফিয়র্সতা মখোয়না লৌরিবা অখন্নবা থৌদাং লেপ্তনা লৌনবা মখোয়গী ফিরেপ নৌনা ফোঙদোকখি। নাকল অনিমক্না তোঙান-তোঙানবা ইন্সতিত্যুস্নেল দাইলোগ মেকানিজমশিংগী মখাদা খুমাং চাউশিনবা ঙমখিবা অসিদা অপেনবা ফোঙদোক্নখি।

লুচিংবা অনিনা ইন্তর্নেস্নেল পীচ অমসুং সেক্যুরিতীদা থেংনরিবা মতম অসিগী শীংনবশিং অদু কোকহন্নবা মখোয়গী ইফিসিএন্সী, ইফেক্তিবনেস, রিপ্রজেন্তেতিবনেস অমসুং লেজিতিমেসী হেনগৎহন্নবগীদমক চাউখৎলক্লিবা লৈবাকশিংনা নন-পর্মিনেন্ত অমসুং পর্মিনেন্ত কেতগোরী অনিমক্তা রিপ্রেজেন্ত তৌবা হেনগৎহনবগা লোয়ননা অনিমক অসিদা পাকথোক চাউথোকহনবা য়াওনা সেক্যুরিতী কাউন্সিলদা কমপ্রিহেন্সিব রিফোর্ম পুরক্নবা মখোয়গী ফিরেপ নৌনা ফোঙদোকখি। মখোয়না মখোয়গী লৈবাকশিংনা চাউথোক্লবা UNSCদা পর্মিনেন্ত মেম্বরশিপ ফংনবা হোৎনবা মখোয়গী ম্যুচুএল সপ্পোর্ত পীরি হায়না নৌহৌনা ফোঙদোকখি।

লুচিংবশিংনা হায়খি মদুদি ব্রাজিল অমসুং ভারতনা G-4 অমসুং L.69গী ফ্রেমৱার্ক্তা পুন্না মখা তানা থবক তৌমিন্নগনি। মখোয়না সেক্যুরিতী কাউন্সিল রিফোর্মগী মতাংদা চাং নাইনা বাইলেতরেল কোওর্দিনেসন মীতিংশিং পাঙথোকপদসু য়ান্নখি। লুচিংবা অনিনা তেঞ্জিবল ওইবা খুমাং চাউশিনবা ঙমদ্রবা UN সেক্যুরিতী কাউন্সিল রিফোর্মগী ইন্তর-গভর্নমেন্তেল নেগোসিএসনশিংদা পেরালাইসিস ওইদুনা লৈরিবা অসিদা নুংনাংবা ফোঙদোকখি। মখোয়না অকক্নবা মতম অমগী মনুংদা ফল পুরকপবা ঙম্নবা পান্দম থম্মিবা রিজল্ত-ওরিয়েন্তেদ প্রোসেস অমগী মাইকৈদা চংশিনবগী মতম ওইরে হায়না য়ান্নখি।

পি.এম. মোদীনা রাস্ত্রপতি লুলানা 2028-2029 তর্মগী ওইনা UNSCদা নন-পর্মিনেন্ত সীৎকীদমক ভারতকী কেন্দিদেচর অসিবু ব্রাজিলনা শৌগৎলি হায়না লাউথোকখিবা অদুবু তরাম্না ওকখি।

লুচিংবা অনিমক্না অফবা অমসুং খেন্নবা লৈতবা ইনর্জী ত্রাঞ্জিসন অমা অথুবদা মথৌ তাই ফোঙদোকখি। মখোয়না ত্রান্সপোর্ত সেক্তরদা মরু ওইনা চাউখৎলক্লিবা লৈবাকশিংদা দিকার্বোনাইজ তৌবদা বাইওফ্যুলশিং অমসুং ফ্লেক্স-ফ্যুল ভেহিকলশিংগী মরু ওইবা থৌদাং অদু ফোঙদোকখি। মখোয়না গভর্নমেন্তেল অমসুং প্রাইবেৎ সেক্তরশিং অনিমক য়াওদুনা বাইওইনর্জীদা বাইলেতরেল ইনিসিএতিবশিং পাইখৎলিবা অসিবু থাগৎখি অমসুং লৈবাক অনিমক্না ফাউন্দিং মেম্বর ওইরিবা ভারতকী G20 প্রসিদেন্সীগী গ্লোবেল বাইওফ্যুল্স এলায়েন্স লিংখৎপদা নুংঙাইবা ফোঙদোকখি।

লুচিংবা অনিমক্না সস্তেনেবল দিবেলপমেন্ত অমসুং লায়রবা কোকহন্নবা খোঙথাংশিংগী হীরমদা থেংনরিবা ঐখোয়গী মতম অসিগী খ্বাইদগী চাউবা শীংনবশিংগী মনুংদা ক্লাইমেৎ চেঞ্জ অসি অমনি হায়না ফোঙদোকখি। লৈবাক অনিমক্না ক্লাইমেৎকী লমদা মখোয়গী বাইলেতরেল কোওপরেসন পাকথোক চাউথোক্নবা, চেৎশিনহন্নবা অমসুং দাইভর্সিফাই তৌনবা লোয়ননা য়ুনাইতেদ নেসন্স ফ্রেমৱার্ক কনভেন্সন ওন ক্লাইমেৎ চেঞ্জ (UNFCCC), মাগী ক্যোতো প্রোতোকল অমসুং মাগী পেরিস এগ্রীমেন্তগী মখাদা গ্লোবেল গভর্নান্স মপাঙ্গল কনখৎহন্নবা মাইকৈদা মখোয়গী অপুনবা খোঙথাংশিং লৌখৎনবা মখোয়গী ফিরেপ ফোঙদোকখি। ইন্তর্গভর্মেন্তেল পেনেল ওন ক্লাইমেৎ চেঞ্জ (IPCC)গী তরুক শুবা এসেসমেন্ত রিপোর্ত (AR6)না ফোঙদোকখিবা গ্রেবিতী অমসুং সেন্সকী মথৌ তাবা অদু খঙনবা ইক্বিতী অমসুং লৈরিবা খ্বাইদগী ফবা সাইন্স অসি য়েংলগা মাগী পেরিস এগ্রীমেন্তগী কনভেন্সন অমসুং গোলশিংগী অপুনবা পান্দমদা মালেমগী মীয়ামবু পুনশিনবগা লোয়ননা COP28 দগী COP30 ফাওবদা UNFCCC মলতিলেতরেল প্রোদেসনা ক্লাইমেৎকী কোর্স-করেক্সন অমগীদমক লম্বী য়াৎপা ঙম্নবা পুন্না থবক তৌমিন্ননবা মখোয়না ৱাশক লৌখি। গ্রুপ ওফ 77 অমসুং চিআ অমদু BASIC গ্রুপকী লৈবাকশিংগী মরক্তা পুন্না থবক তৌমিন্নবা য়াওনা লৈবাকশিংগী মরক্তা লৈরিবা খেন্নবশিং অসি কোকহন্নবা ক্লাইমেৎ চেঞ্জকীদমক পাইখৎপা মলতিলেতরেল রেস্পোন্স হেনগৎহন্নবা মখোয়গী  ফিরেপ অদু নৌহৌননা ফোঙদোকখি। ভারতনা BASICকী ব্রাজিলগী প্রসিদেন্সীবু তরাম্না ওকখি অমসুং 2025গী UNFCCC  (COP30)গী 30শুবা কনফরেন্স ওফ দি পার্তীজকী ব্রাজিলগী প্রোস্পেক্তিব প্রসিদেন্সীবুসু শৌগৎখি। লৈবাক অনিমক্না মখোয়গী থর্দ কন্ত্রীশিংদা ISA (ইন্তর্নেস্নেল সোলর এলায়েন্স) অমসুং CDRI (কোলিজন ফোর দিজাস্তর রেজিলিএন্ত ইনফ্রাস্ত্রকচর)গী পার্তনরশিপতা জোইন্ত প্রোজেক্তশিং হেনগৎহন্নবা য়ান্নখি।

মেজর গ্লোবেল ফুদ প্রদ্যুসরশিং ওইনা মখোয়না লৌরিবা থৌদাংশিংগী মতাংদা পল্লদুনা লুচিংবশিংনা লৈবাক অনিমক্কী অমসুং মালেমগী ফুদ অমসুং ন্যুত্রিস্নেল সেক্যুরিতী ঙাকশেনবগী পান্দমগা লোয়ননা মলতিলেতরেল লেবেল য়াওনা সস্তেনেবল এগ্রিকলচর অমসুং রুরেল দিবেলপমেন্তদা কোওপরেসন হেনগৎহন্নবা মখোয়গী ফিরেপ নৌনা ফোঙদোকখি। মখোয়না ওপন ওইবা, অথিংবা লৈতবা অমসুং থাজবা য়াবা ফুদ সপ্লাই চেনশিংগী মথৌ তাবা অদু থমখি অমসুং ইন্তর্নেস্নেল কম্ম্যুনিতীদা এগ্রিকলচরেল ত্রেদ অসি মলতিলেতরেল ত্রেদ রুলশিং য়েংলগা য়ুনিলেতরেল রেস্ত্রিক্সনশিং অমসুং প্রোতেক্সনিস্ত মিজরশিংনা অকাইবা পীদনবা ফোঙদোকখি। লুচিংবা অনিনা এগ্রিকলচর অমসুং এনিমেল হসবেন্দরী প্রদক্তশিং ললোনবদা মতেং পাংনবা জোইন্ত তেক্নিকেল কম্মিতিশিং শেমখিবদা অপেনবা ফোঙদোকখি।

বাইলেতরেল ত্রেদ অমসুং ইনভেস্তমেন্তদা হন্দক হেনগৎলক্লিবা অসি খঙলদুনা লুচিংবশিংনা ব্রাজিল অমসুং ভারতকী মরক্তা ইকনোমিক একচেঞশিংনা গ্রোথ হেনগৎহনবগী পোতেন্সিএল লৈ হায়বা ৱাফম অসি য়ান্নখি।

ভারত অমাউং মর্কোসুরগী মরক্তা ত্রেদ হেনগৎলক্লিবা অসিদা অপেনবা ফোঙদোক্লদুনা লুচিংবা অনিনা মসিগী ইকনোমিক পার্তনরশিপ অসিগী মপুং ফাবা পোতেন্সিএল অদু শীজিন্ননবা ব্রাজিলগী মর্কোসুর প্রসিদেন্সী মনুংদা ইন্দিয়া-মর্কোসুর PTA পাকথোক চাউথোকহন্নবা পুন্না থবক তৌবদা য়ান্নখি।

মখোয়না প্রাইবেৎ সেক্তর কোল্লাবোরেসনগীদমক দেদিকেতেদ ফোরম অমা ওইনা ইন্দিয়া-ব্রাজিল বিজিনেস ফোরম লিংখৎপবু তরাম্না ওকখি।

লুচিংবশিংনা মিলিতরী এক্সর্সাইজশিংদা শরুক য়াবা, হায়-লেবেল দিফেন্স দেলিগেসনশিংগী এক্সচেঞ্জ অমসুং অমনা অমগী দিফেন্স এক্সপোজিসনশিংদা সবস্তেন্তিব ইন্দস্ত্রী প্রজেন্স লৈহনবা য়াওনা ভারত অমসুং ব্রাজিলগী মরক্তা দিফেন্স কোওপরেসন হেনগৎলকপপু তরাম্না ওকখি। লুচিংবশিংনা তেক্নোলোজিকেল্লী এদভান্স দিফেন্স প্রদকশিং কো-প্রদ্যুস তৌবা অমসুং সপ্লাই চেন রেজিলিএ্স শেমগৎনবা অনৌবা কোল্লাবোরেসন এভেন্যুশিং এক্সপ্লোর তৌনবা অমসুং জোইন্ত প্রোজেক্তশিং হৌনবা নাকল অনিমক্কী দিফেন্স ইন্দস্ত্রীশিংবু পুক্নিং থৌগৎখি।

লুচিংবশিংনা ইন্দিয়া-ব্রাজিল সোসিএল সেক্যুরিতী এগ্রীমেন্তদা এন্ত্রী তৌনবা দোমেস্তিক প্রোসিজরশিং পাইখৎপদা অপেনবা ফোঙদোকখি।

রাস্ত্রপতি লুলানা পি.এম. মোদী অমসুং ভারতপু থাগী খা থংবা পোলর রিজনদা চন্দ্রয়ান-3গী লেন্দিং তৌবগী পুৱারী ওইরবা মাইপাকপা লোয়ননা ভারতকী অহানবা সোলর মিসন, আদিত্য-L1না মাইপাক্না লোঞ্চ তৌখিবা অসিগীদমক নুংঙাইবা ফোঙদোকখি, মসি স্পেস এক্সপ্লোরেসনদা শীংথানীংঙাই ওইবা মরু ওইবা মাইপাকপনি।

IBSA ফোরমগী 20 শুবা কুমওন পালন তৌরদুনা লুচিংবশিংনা IBSA পার্তনর আহুমগী মরক্তা অৱাংবা থাক্কী দাইলোগশিং তৌনবা ৱাশক লৌখি অমসুং মলতিলেতরেল অমসুং প্লুরিলেতরেল বোদীশিং য়াওনা গ্লোবেল স্তেজধা গ্লোবেল সাউথকী অপাম্বশিং ঙাকশেনবা অমসুং খুমাং চাউশিনহনবদা IBSA অসি স্ত্রেতেজিক ওইনা মরু ওই হায়না নৌনা ফোঙদোকখি। পি.এম. মোদীনা ব্রাজিলগী IBSA চিয়রশিপপুসু মপুং ফানা শৌগৎখি।

খা অফ্রিকাদা হন্দক পাঙথোকখিবা BRICS সম্মিৎকী মতাংদা লুচিংবা অনিমক্না মাগী পোজিতিব আউৎকমশিং মরু ওইনা য়ুনাইতেদ নেসন্স সেক্যুরিতী কাউন্সিল রিফোর্ম তৌনবা সপ্পোর্ত হেনগৎহনবা অমসুং লৈবাক তরুক্না  BRICSকী ফুল মেম্বরশিং ওইহন্নবা বর্তন তৌখিবা অদুগী মতাংদা ফোঙদোকখি।

রাস্ত্রপতি লুলানা পি.এম. মোদীবু ভারতকী মাইপাক্লবা G20 প্রসিদেন্সীগীদমক নুংঙাইবা ফোঙদোকখি অমসুং দিসেম্বর 2023দগী হৌগদৌরিবা ব্রাজিলগী G20 তেনর মনুংদা ভারতকা লোয়ননা চুংশিন্ননবা ৱাশকখি। লুচিংবা অনিমক্না G20দা চাউখৎলক্লিবা লৈবাকশিং মথং-মথং প্রসিদেন্সীশিং পাইরিবা অসিবু তরাম্না ওকখি, মসিনা গ্লোবেল সাউথনা মালেমগী গভর্নান্সতা ইথিল পীবা হেনগৎহল্লি। ব্রাজিলগী প্রসিদেন্সী মনুংদা IBSA লৈবাক অহুম য়াওবা G20 ত্রোইকা অমা শেম্বদা অপেনবা ফোঙদোকখি।

***