প্রধানমন্ত্রীগী লোইশঙ
প্রধান মন্ত্রীনা জর্মনিগী চান্সেল্লর উনখ্রে
Posted On:
10 SEP 2023 8:01PM by PIB Imphal
সেপ্তেম্বর ১০,২০২৩দা নিউ দিল্লিদা জি-২০ মীফম নাকলদা প্রধান মন্ত্রী শ্রী নরেন্দ্র মোদীনা জর্মনিগী চান্সেল্লর ওলাফ স্কোলজ উনখ্রে। মহাক্না ফেব্রুৱারি ২০২৩দা ভারত্তা লাক্লম্লবা মতুংদা, হন্দক্কী অসিনা চান্সেল্লরনা চহি অসিদা ভারত্তা লাকপা অনিশুবা খোঙচৎনি।
ভারতনা মাইপাক্না জি-২০গী প্রসিদেন্ত ওইবদা চান্সেল্লর ওলাফ স্কোলজনা থাগৎপা ফোঙদোকখি। তোঙান-তোঙানবা জি-২০ মীফমশিং অমসুং থৌরমশিংদা শরুক য়াদুনা ভারতনা জি-২০গী প্রসিদেন্ত ওইবদা জর্মনিনা শৌগৎপগীদমক প্রধান মন্ত্রীনা থাগৎপা ফোঙদোকখি।
লৈবাক অনিগী মরক্তা লৈনরিবা অচেৎপা মরীশিংদা খুমাঙচাউশিনবা লুচিংবশিংনা হন্না য়েংশিনখি। ঙাক-শেন, তুংকোইনা চৎনবা য়াগদবা চাউখৎ-থৌরাংগী থবকশিং, অতাংবা মিনরেলশিং, হৈথোই-শিংথোইবা মীওইশিং চৎথোক-চৎশিন তৌনবা অমসুং লাইরিক-লাইশুগী লমদা মতেং পাংনবা হেনগৎহন্নবা লম্বীশিং মখোয়না খন্নখি।
লমদম লমদমগী অমসুং লৈবাক অনিনা দরকার ওইবা মালেমগী ওইবা ৱাফমশিংসু লুচিংবশিংনা খন্নখি।
ইন্তরগভর্নমেন্তেল কম্মিসনগী মথং তাঙ্ককীদমক মথং চহিদা ভারত্তা লাক্নবা প্রধান মন্ত্রীনা চান্সেল্লর ওলাফ স্কোলজদা চেবাউ পীখি।
*****
(Release ID: 1956214)
Visitor Counter : 128
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam