প্রধানমন্ত্রীগী লোইশঙ
প্রধান মন্ত্রীনা য়ুনাইতেদ কিংদমগী প্রধান মন্ত্রীগা উনবা
Posted On:
09 SEP 2023 7:53PM by PIB Imphal
প্রধান মন্ত্রী শ্রী নরেন্দ্র মোদীনা সেপ্তেম্বর 09, 2023দা নই দিল্লীদা পাঙথোক্লিবা G20 সম্মিৎ মনুংদা য়ুনাইতেদ কিংদমগী প্রধান মন্ত্রী, ঐচ.ই. শ্রী ঋশি সুনাক্কা বাইলেতরেলগী মীফম অমা পাঙথোকখ্রে। মসি প্রধান মন্ত্রী সুনাকনা ওক্তোবর 2022দা প্রধান মন্ত্রী ওইরবা মতুংদা ভারত্তা লাকপা অহানবা খোঙচৎনি।
প্রধান মন্ত্রীনা G20গী তোঙান-তোঙানবা মীফমশিং অমসুং ইভেন্তশিংদা অৱাংবা থাক্তা শরুক য়ারক্লিবা ভারতকী G20 প্রসিদেন্সী মনুংদা পীরকখিবা UK গী মতেংবুসু থাগৎখি।
লুচিংবা অনিনা ইন্দিয়া-UK কমপ্রিহেন্সিব স্ত্রেতেজিক পার্তনরশিপ লোয়ননা রোদমেপ 2023 মরু ওইনা ইকনোমী, দিফেন্স অমসুং সেক্যুরিতী, তেক্নোলোজী, গ্রীন তেক্নোলোজী অমসুং ক্লাইৎ চেঞ্জ, হেল্থ অমসুং মোবিলিতী সেক্তরশিং অসিগী বাইলেতরেল কোওপরেসনগী তোঙান-তোঙানবা লমশিংদা খুমাং চাউশিনবদা অপেনবা ফোঙদোকখি। লুচিংবা অনিমক্না মরু ওইবা অমসুং নাকল অনিমক্কী ওইবা ইন্তর্নেস্নেল অমদি রিজনেল ইস্যুশিংগী মতাংদসু ৱাখল্লোন ফোঙদোক্নখি।
লুচিংবা অনিমা ফ্রী ত্রেদ এগ্রীমেন্ত নেগোসিএসনশিংদা খুমাং চাউশিল্লিবা অসিসু হন্না য়েংশিনখি অমসুং লেমহৌরিবা ইস্যুশিং অসিসু অথুবদা ৱারোইশিন পুরক্তুনা বেলেন্স ওইবা, নাকল অনিমক্তা কান্নবা পীরিবা অমসুং তুংলমচৎতা কান্নরবা ফ্রী ত্রেদ এগ্রীমেন্ত অথুবদা লোইশিন্নবগী থাজবা থমখি।
প্রধান মন্ত্রী মোদীনা পি.এম. সুনাকপু হেন্না কুপ্না খন্ননবা নাকল অনিমক্কী খুদোংচাগদবা তাং অমদা অথুবদা বাইলেতরেল বিজিৎ অমগীদমক বর্তন তৌখি। প্রধান মন্ত্রী সুনাক্না বর্তন অদু তরাম্না ওকখি অমসুং পি.এম.দা মাইপাক্না G20 সম্মিৎ পাঙথোক্নবা য়াইফ মঙ্গোল পীখি।
***
(Release ID: 1955961)
Visitor Counter : 152
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam