চহি অসিগী মে থাদা ভারতনা ৭৬শুবা কান্স ফিল্ম ফেস্তিবেল মাইপাক্না শরুক য়াখ্রবা মতুংদা, সেপ্তেম্বর ৭, ২০২৩দগী হৌগদৌরিবা ৪৮শুবা তোরোন্তো ইন্তরনেসনেল ফিল্ম ফেস্তিবেল শরুক য়ানবা ভারতনা থৌরাং তৌরে। চহি অসিদা, ভারত অসি হৈথোই-শিংথোইবশিং, কন্তেন্ত অমসুং হরাও-কুহ্মৈগী মফম অমনি হায়না উৎনবা মীৎয়েং থম্লি। তোরোন্তো ইন্তরনেসনেল ফিল্ম ফেস্তিবেলদা ভারতকী ওফিসিএল দেলিগেসন অসি ভারত সরকারগী ইনফোর্মেসন অমসুং ব্রোদকাস্তিং মিনিস্ত্রিগী জোইন্ত সেক্রেতরি(ফিল্মস) অমসুং নেসনেল ফিল্ম দিবলপমেন্ত কোর্পোরেসন(এন এফ দি সি)গী মেনেজিং দিরেক্তর শ্রী প্রিথুল কুমারনা লুচিংগনি। তোরোন্তো ইন্তরনেসনেল ফিল্ম ফেস্তিবেলদা ভারতনা শরুক য়ানবা থৌরাং তৌবদা এন.এফ.দি.সিনা ইনফোর্মেসন অমসুং ব্রোদকাস্তিং মিনিস্ত্রিগী নোদেল এজেন্সিনি।

লৈবাক অসিনা শরুক য়ানবা থৌরাং তৌদুনা, লৈবাক অসিগী হৈথোই-শিংথোইবা অমসুং তেক্নোলোজিগী মপাঙ্গলশিং উৎথোক্নবা ভারতনা তোঙান-তোঙানবা থৌরমশিং পাংথোক্কনি অমসুং ভারতকা লোয়ননা পুন্না ফিল্মশিং পুথোকমিন্ননবা অমসুং ভারতকী মফমশিংদা ফিল্ম নম্নবা মালেমগী ফিল্মগা মরী লৈনবশিং চেবাউ পীগনি। অখন্নবা ‘কম, ফিল্ম ইন ইন্দিয়া’ মিংথোনবা থৌরম অমা পাংথোক্তুনা ভারতকী ফিল্মগী থৌশিলশিং, মালেমগী ফিল্মগী মীওইশিংনা ভারত্তা য়াম্না লাইনা ফিল্ম নম্বা য়ানবা পায়খৎলিবা ভারতকী শিঙ্গল ৱিন্দো মেকানিজম উৎকনি। ভারত অমসুং কনাদাগী ফিল্মগী মাইপাকপশিং হরাওবা ফোঙদোকপা ওইনা, ফিচর, সোর্ত ফিল্মশিং, এনিমেসন প্রোজেকশিং, ও.তি.তি কন্তেন্ত অমসুং ৱেব প্রোজেকশিংগুম্বা মেদিয়মশিংদা লৈবাকশিংনা ফিল্ম পুথোক্নবগী খুদোংচাবশিং মশক খঙদোক্কনি অমসুং য়োকখৎকনি। এন.এফ.দি.সি, ওন্তারিও ক্রিয়েতস, তেলিফিল্ম কনাদা, ভারতকী প্রদুসরশিং অমসুং কনাদাগী প্রদুসরশিং শরুক য়াগনি।

ভারতনা তোরোন্তো ইন্তরনেসনেল ফিল্ম ফেস্তিবেল শরুক য়াবা অসিদা নেসনেল ইন্সতিতুৎ ওফ দিজাইন, অহমেদবাদনা দিজাইন তৌবা ভারতকী পেভিলিয়ন হাংদোক্কনি। ভারত অসি ৱারি লিবা মীওইশিংগী লৈবাক অমনি হায়বা থৌরম অমা পাংথোক্কনি অমসুং মালেমগী শক্নাইরবশিংগা মীফম কয়া পাংথোক্নবা থৌরাং তৌরি।

চহি অসিদা, ভারতকী ফিল্ম ৬ তোরোন্তো ইন্তরনেসনেল ফিল্ম ফেস্তিবেলগী ওফিসিএল সেলেক্সন্দা য়াওরে। ফিল্মশিং অদুদি তারসেম সিংহ ধান্দৱারনা দিরেক্সন পীবা দিয়ার জাসি, নিখিল নাগেস ভাতনা দিরেক্সন পীবা কিল, কারন বোলানিনা দিরেক্সন পীবা থেঙ্ক য়ু ফোর কমিং, কিরান রাওনা দিরেক্সন পীবা লোস্ত লেদিজ, জয়ান্ত দিগম্বর সোমালকারনা দিরেক্সন পীবা স্থাল/এ মেতচ, অনন্দ পাতৱারধানগী বসুধাইব কুতুম্বকম/দি ৱার্ল্দ ইস ফেমিলিনি। সুসি নগেসন্না দিরেক্সন পীবা দিল হায় গ্রে মার্কেত সেক্সন্দা উৎকনি।

***