লাক্লিবা সেপ্তেম্বর ২৩ দগী ওক্তোবর ৮ ফাওবা চাইনাগী হাংঝৌদা পাংথোক্কদৌরিবা এসিয়ান গেমস ২০২দা শরুক য়াগদৌরিবা ভারতকী কন্তিনজেন্তগী ওফিসিএসল সেরিমোনিএল দ্রেস অমসুং শান্নবগী পোৎলমশিং সেপ্তেম্বর ৫,২০২৩ দা ইন্দিয়ান ওলেম্পিক এসোসিএসন্না ফোঙখ্রে।

য়ুনিয়ন স্পোর্তস মিনিস্তর শ্রী অনুরাগ সিংহ থাকুর অমসুং আই.ও.এগী প্রসিদেন্ত অমসুং শক্নাইরবী লমজেল্লোয় পি.তি উশা অমসুং অতোপ্পা সেনিয়র ওফিসিএলশিং শরুক য়াদুনা আই.ও.এনা শান্নরোয়শিং লমথাবগী থৌরম অমশু পাংথোকখ্রে।

ভারতকী শান্নরোয় কাংবু অদু ভারতকী হোক্কি গোলকিপ্পর আর.আর শ্রীজেস(নুপা), সবিতা পুনিয়া(নুপী)না লমজিংখি, সুতিংগী মনু ভাকর অমসুং এসিয়ান গেমস ২০১৮গী সোত পুত গোল্দ মেদালিস্ত তাজিন্দরপাল সিংহ তুর অতোপ্পা শান্নরোয়শিংগী মনুংদা য়াওখি। নেসনেল ইন্সতিতুৎ ওফ  ফেসন তেক্নোলোজিনা দিজাইন তৌবা সেরিমোনিএল দ্রেস অদুদা নুপীশিংগী খাকিগী সারি অমসুং নুপা শান্নরোয়শিংগী খাকি কুর্তা য়াওরি।

নুপা শান্নরোয়শিংগী বন্ধগালা জেকেত অমসুং নুপীশিংগী হায় নেক ব্লাউজতা ভারতকী মোতিফশিং অমসুং প্রিন্তশিং য়াওরি অমসুং মালেমগী থাক্তা ভারতকী ইনাকখুল্লবা নাৎকী শক্তমশিং উৎলি। ফিজোলশিং অদু অমুক হন্না শীজিন্নবা য়াবা ফিনা তুবনি।

থৌরম অদুদা ৱা ঙাংবদা শ্রী অনুরাগ থাকুরনা হায়খি মসি শুপ্নগী য়ুনিফোর্ম অমা নত্তে; মসি ঐখোয়গী শান্নরোয়শিংগী চাউথোকচবা অমসুং মশক তাকপগী খুদম অমনি। ভারতনা মশাগী ওক্নবা পুথোকচবা অদু য়ুনিয়ফোর্ম অসিনা চাউথোক্না মশক তাক্লে অমসুং লৈবাক অসিগী মখল কয়াগী চৎনবীশিং অমসুং দিজাইনদা মাংজিল থাবা অদু উৎলে। কাংবু অসিনা নহা ওইরিবা অমসুং অনৌবা ভারত অমা মহুৎশীনগনি হায়না ঐনা থাজবা থম্লি। ঐখোয়না পুৱারি ওইনা শান্নবা ঙমগনি অমসুং মেদল মশিং খ্বাইদগী য়াম্না পুরকপা ঙমগনি। ঐখোয়গী শান্নরোয়শিংগী লেপ্নবা অমসুং মখোয় থাগৎনবা ঐনা লৈবাক মীয়ামদা তকশিল্লি।

শান্নবগী পোৎলমশিং জে.এস.দব্লিউ ইন্সপাইয়রনা শেমখি, শান্নরোয়শিংগী ওফিসিএল স্পোর্ত ফিজোল কাস্মিরগী দিজাইন্নর আকুইব ৱানিনা দিজাইন তৌখি। শান্নরোয় খুদিংমক্না মখোয়গী পোক্নফম রাজ্যগী শক্তম অমা মখোয়গা লোয়ননা শান্নবুংদা থোক্নবা ভারতকী খেন্নবা অমসুং অপুনবগী শক্তম আর্ত ফোর্মশিং ওইনা হাপ্লি।

দোক্তর পি.তি উশানা হায়খি ভারতকী মিংচৎ পুরক্নবা শান্নরোয় খুদিংমক খ্বাইদগী ফজবা থাক্তা শানগনি হায়না মহাক্না থাজবা থম্লি। ঐখোয়না মতম শাংনবা এসিয়ান গেমস ২০২২ ঙাইদুনা লাক্লি অমসুং ভারতনা লৈবাক অসিগী খ্বাইদগী য়াম্না শান্নরোয় ৬৩৪গী কাংবু অমা থারি। কাংবু অসিনা ভারতকী খ্বাইদগী য়াম্বা মেদল ফংগনি হায়না ঐখোয়না থাজবা থম্লি। ঐখোয়না থবক খুদিংমক্তা শান্নরোয়শিং ময়াইদা থম্লি অমসুং মখোয়গী য়াইফনবা থবকশিং মপুংফানা পায়খৎলে।

মেম্বর ৩৩ য়াওদুনা, হাংঝৌদা শরুক য়াগদৌরিবা অসিদা এথলেতিক্সকী মথংদা রোৱিং লৈরি। মসিগী মথক্তা, মেম্বর ১৫গী ইস্পোর্তস কাংবুসু গেমস অসিদা অহানবা ওইনা হাপ্পা মশান্না অসিদা শরুক য়াগনি।

এসিয়ান গেমস ২০১৮দা ভারতনা সনাগী মেদল ১৬ য়াওনা পুন্না মেদল ৭০ ফংখি।

এসিয়ান গেমস ২০২২ দা জ.এস.দব্লিউ, রিলাইন্স ফাউন্দেসন, অদানি স্পোর্তসলাইন অমসুং সামসোনাইতনা প্রিন্সিপাল স্পোন্সরশিং ওইরি অমসুং বোরোসিল, স্কেচরস, অমুল, এস.এফ.এ, আইনোক্স গ্রুপ অমসুং লিলা পেলেস হোতেলস এন্দ রিসোর্তসনা এসোসিয়েত স্পোন্সরশিং অমসুং পার্তনরশিং ওইরি।

ইন্দিয়ান ওলেম্পিক এসোসিএসন অসি গভর্নিং বোদি অমনি, মসি ইন্তরনেসনেল ওলেম্পিক কম্মিতি, কম্মনৱেল্থ গেমস ফেদেরেসন, ওলেম্পিক কাউন্সিল ওফ এসিয়া অমসুং এসোসিএসন ওফ নেসনেল ওলেম্পিক কম্মিতিগী এফিলিয়েতেদ মেম্বর অমনি। ১৯২৭দা লিংখৎখিবা ইন্দিয়ান ওলেম্পিক এসোসিএসন য়ুথ এফেয়ার্স অমসুং স্পোর্তস মিনিস্ত্রিনা শকখঙলে। এসোসিএসন অসিনা ভারতকী শান্নবগী থবক থৌরমশিংগী অশীন-অরাং, শান্নরোয়শিংগী য়াইফনবা থবকশিং, ওলেম্পিক গেমস, কম্মনৱেল্থ গেমস, এসিয়ান গেমস অমসুং আই.ও.সি, সি.জি.এফ, ও.সি.এ অমসুং এ.এন.ও.সিগী মালেমগী শান্নবগী থৌরমশিংদা শরুক য়াবা তিমশিং য়েংশিনবগী থবক পাংথোক্লি। আই.ও.সিগী মেম্বর অমা ওইনা, ইন্দিয়ান ওলেম্পিক এসোসিএসনগী মরুওইবা পান্দমদি লৈআক অসিদা ওলেম্পিক্কী ইহৌ চাউখৎহনবা অমসুং য়োকখৎপা অমসুং ঙাক-শেনবনি। স্পোর্তস ইজুকেসন অমসুং ওলেম্পিক স্তদিজ চাউখৎনবা ইন্দিয়ান ওলেম্পিক এসোসিএসন্না মরী লৈনবশিংগা লোয়ননা থবক কয়া পায়খৎলে।

****