ISROগী থাজবা থম্মিবা ৱার্কহোর্স, পোলর সেতলাইৎ লোঞ্চ ভেহিকল (PSLV-XL)না ঙসি শ্রীহরিকোতাদগী ভারতকী অহানবা সোলর মিসন – আদিত্য L1 লোঞ্চ তৌখিবা অসি কেন্দ্র মন্ত্রী, দা. জিতেন্দ্র সিংহনা ভারতকী “চাউথোকচনীংঙাই ওইবা মীকুপনি” হায়না ফোঙদোকখ্রে।

ISTদা পুং 1 pm রোম তারকপদা PSLV-C57 না আদিত্য L1 হেক ইজেক্ত তৌখিবগী মতুংদা মিসন কন্ত্রোল রুমদা ISROগী বিজ্ঞানিক অমসুং ইঞ্জিনীয়রশিংদা ৱা ঙাংবদা মহাক্না হায়খি, “মালেম পুম্বনা মসিবু পাখৎনা য়েংনখি অদুবু ভারতকী ওইনদি চাউথোকচনীংঙাই ওইবা মীকুপ অমা ওইখি”

,ওসাইন্স এন্দ তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); MoS PMO, পর্সনেল, পব্লিক গ্রীভান্সেস, পেনসন্স, এতোমিক ইনর্জী এন্দ স্পেস, দা. জিতেন্দ্র সিংহনা হায়খি, “ভারতকী বিজ্ঞানিকশিংনা চহি কয়া-কয়া অয়ুক নুমিদাং খাইদনা হোৎনখি। অদুবু হৌজিক্তি পুম্নমক অদু মরম চাই উৎনবা, লৈবাক অসিদা শকখিবা ৱাশক থবক ওইনা উৎনবী মীকুপ অদু লাক্লে”।

“ভারতকী স্পেস সেক্তরগীদমক অনৌবা বিস্তাশিং হাংদোক্তুনা অমসুং ঐখোয়দা অতিয়ানা অরোইবা পনখৈ নত্তে হায়বীদুনা” মসিবু ওইথোকহনবগীদমক প্রধান মন্ত্রী শ্রী নরেন্দ্র মোদীবু দা. জিতেন্দ্র সিংহনা থাগৎপা ফোঙদোকখি।

মহাক্না হায়, “থৱানমীচাকশিং য়ৌবা ঙম্নবা অমসুং তাইবংপালগী অঙকপশিং থীদোক্নবা ঐখোয়দা থাজবীবা, ঐখোয়দা থাজবা থমখিবগীদমক পি.এম. মোদীবু থাগৎচরি। অমসুং ঐখোয়গী স্পেস ফ্রেতর্নিতীগী তৌবা ঙম্বা মতিক ময়াই  অসি পুথোকপা ঙমহনখিবগীদমক্তসু থাগৎচরি”।

দা. জিতেন্দ্র সিংহন হায়খি, “মাইপাক্না চন্দ্রয়ান-3 লেন্দিং তৌখিবগী হেক মতুংদা আদিত্য L1 মাইপাক্না লোঞ্চ তৌখিবা অসি ‘হোল ওফ সাইন্স অমসুং হোল ওফ নেসন’ এপ্রোচকী খুদম অমনি”।

মহাক্না মখা তারদুনা হায়, “বিজন অসি থবক ওইনা পাঙথোকপগী ISROবু থাগৎপগা লোয়ননা লৈবাক শিনবা থুংবদগী সাইন্স ইন্সতিত্যুতশিংনা হীরম অমা নত্ত্রগা অমদা, পীকনা নত্র্রগা চাউনা বিজন অসিদা শরুক তম্নবা মাংদা থোরকখি। মমিং ওইনা খরা পল্লবদা – দি ইন্দিয়ন ইন্সতিত্যুত ওফ এস্ত্রোফিজিক্স, বেঙ্গলুরু, দি নেস্নেল এরোস্পেস লেবোরেতোরীজ, দি তাতা ইন্সতিত্যুত ওফ ফন্দমেন্তেল রিসর্চ, মুম্বাই, NGRI নাগপুর, IIT খরাগপুর, IIT মদ্রাস, IIT দিল্লী, IIT মুম্বাই, অমসুং লোইবা নাইদে”।

মসি তীম এফর্ত অমনি হায়না ফোঙদোক্লদুনা দা. জিতেন্দ্র সিংহনা আদিত্য L1 লোঞ্চ তৌখিবা নুমিৎ অসি ‘কাউঙমলরোইদবা নুমিৎ অমনি” হায়না ফোঙদোকখি।

মহাক্না হায়খি, “সেপ্তেম্বর 2, 2023 নুমিৎ অসি অমৃতকালগী মথংগী চহি 25দা ঐখোয়না চংলকপদা অমসুং মালেমগী ফম্পাক্তা ফীদম্নফম ওইবা মফম অমা য়ৌনবা অমসুং কনবা ঙম্নবা ইমা ভারতনা মাগী মচা করোর 140গী অপুনবা ফিরেপ অমসুং অপুনবা খোঙথাংগা লোয়ননা ৱাশক শক্লিবা মতম অসিদা কাউঙমলরোইদবা নুমিৎ অমা ওইরি

ISROনা আদিত্য – L1 অসি PSLV-C57না মাগী লৈফম থোকপা ওর্বিৎতা সেতলাইৎনা “চপ চানা” থমদুনা মাইপাক্না লোঞ্চ তৌখ্রে হায়না ফোঙদোকখি। মসিগ লোয়ননা ভারতকী অহানবা সোলর ওবজর্বেতরীনা সন-আর্থ L1 পোইন্তগী লমথুংফম অসিদা মাগী খোঙচৎ হৌখ্রে।

দিপ্লোই তৌখিবা মাগী সোলর পেনেলশিংগা লোয়ননা আদিত্য-L1না পাৱর পুথোকপা হৌখ্রে হায়না ISROনা ফোঙদোকখি।

আদিত্য L1 অসি নুমিৎকী মরমদা থীজিন্নবা অহানবা স্পেস-বেজ ইন্দিয়ন মিসন ওইরি। তোঙান-তোঙানবা ওর্বিৎতা কোইনা চৎপা খোঙচৎ অমসুং মথংগী থা মরি চংগদবা ক্রুজ ফেসকী খুত্থাংদা স্পেসক্রাফ অসি পৃথিবীদগী মিলিয়ম 1.5 km লাপ্না লৈবা সন-আর্থ সিস্তেমগী লেগ্রেঞ্জ পোইন্ত 1 (L1)গী অকোইবদা লৈরিবা হেলো ওর্বিৎ অমদা থমগনি।

L1 পোইন্তগী অকোইবদা হেলো ওর্বিৎতা সেতলাইৎ অমা থম্বা অসিনা ওকুলতেসন/ইক্লিপ্স অমত্তা য়াওদনা নুমিৎ লেপ্পা লৈতনা য়েংবগী অচৌবা খুদোংচাবা ফংগনি। মসিনা সোলর এক্তিবিতীশিং অমসুং রিএল তাই, ওইনা স্পেস ৱেদরদা মসিনা পীরিবা ইফেক্ত অদু য়েংশিনবগী অচৌবা খুদোংচাবা অমা পীরগনি।

স্পেসক্রাফ অসিনা ইলেক্ত্রোমেগনেতিক অমসুং পার্তিকেল অমদি মেগনেতিক ফিল্দ দিতেক্তরশিং শীজিন্নদুনা নুমিৎ (কোরোনা)গী ফোতোস্ফিয়র, ক্রোমোস্ফিয়র অমসুং খ্বাইদগী মপাল থংবা কুময়োমশিং য়েংশিন্নবা পেলোদ তরেৎ পুরি।

স্পেসিএল বেন্তেজ পোইন্ত L1 শীজিন্নদুনা পেলোদ মরিনা হকথেংননা নুমিৎ য়েংগনি অমসুং লেমহৌরিবা পেলোদ অহুমনা লেগ্রেঞ্জ পোইন্ত L1দা লৈরিবা পার্তিকলশিং অমসুং ফিল্দশিংগী ইন-সিতু স্তদীশিং তৌগনি, মসিনা ইন্তর্প্লেনরী মেদিয়মদা সোলর দাইনামিক্সকী প্রোপেগেতরী ইফেক্তকী মরু ওইবা সাইন্তিফিক স্তদীশিংগী মরমদা ই-পাউ পীরগনি।

আদিত্য L1 মিসন্না কোরোনেল হীতিংগী প্রোব্লেম, কোরোনেল মাস ইজেক্সন, প্রি-ফ্লের অমসুং ফ্লের এক্তিবিতীশিং অমসুং মখোয়গী করেক্তরিস্তিক্স, স্পেস ৱেদরগী দাইনামিক্স, পার্তিকলশিং অমসুং ফিল্দশিংগী প্রোপাগেসন অসিনচিংবগী মরমদা খঙনবা মরু ওইবা ই-পাউশিং পীরগনি।

*****