آزادی کا امرت مہوتسو منانے کے لیے بھارتی بحریہ نے مختلف اسٹیشنوں پر منعقدہ انٹر اسکول کوئز مقابلوں کو قومی سطح کے اسکول کوئز مقابلے – دی انڈین نیوی کوئز کروائے۔ اس سال بھارت کی جانب سے جی 20 کی صدارت سنبھالنے کے بعد تھنک ایک بین الاقوامی ایونٹ بن گیا ہے اور اس کا نام ’’جی 20 تھنک‘‘ رکھ دیا گیا ہے۔ یہ تقریب جی 20 سیکریٹریٹ کے زیر اہتمام اور این ڈبلیو ڈبلیو اے (نیوی ویلفیئر اینڈ ویلنس ایسوسی ایشن) کے اشتراک سے منعقد کی جارہی ہے اور اس میں دو سطحیں قومی اور بین الاقوامی ہوں گی۔

جی 20 تھنک کے قومی راؤنڈ میں نویں سے بارہویں جماعت تک پڑھنے والے اسکولی بچے شرکت کریں گے۔ کوئز کے لیے 11700 سے زیادہ اسکولوں نے اندراج کرایا ہے۔

دو آن لائن ایلیمینیشن راؤنڈ منعقد ہوں گے، پہلا 12 ستمبر اور دوسرا 03 اکتوبر کو ہوگا۔ اس کے بعد 10 اکتوبر کو آن لائن کوارٹر فائنل ہوگا جس میں سے 23 ٹیمیں سیمی فائنل راؤنڈ (ہر زون سے چار اسکول) کے لیے کوالیفائی کریں گی۔ سیمی فائنل میں پہنچنے والی ٹیمیں 16 نومبر کو این سی پی اے آڈیٹوریم میں قومی سیمی فائنل کے لیے ممبئی میں جمع ہوں گی۔ اس کے بعد ٹاپ 17 ٹیمیں 23 نومبر کو گیٹ وے آف انڈیا میں ہونے والے قومی فائنل راؤنڈ میں ایک دوسرے کی مدمقابل ہوں گی۔ قومی راؤنڈ مکمل ہونے پر تمام فائنلسٹوں میں سے دو بہترین کوئزرز کو بین الاقوامی راؤنڈ میں ٹیم انڈیا کی نمائندگی کے لیے منتخب کیا جائے گا۔

جی 20 تھنک کے بین الاقوامی دور میں دنیا بھر سے نوجوان اور روشن ذہنوں کی نمائندگی دیکھنے کو ملے گی - طلبہ جو جی 20 شراکت داروں کے مابین دوستی کے لمحات کو مستحکم کریں گے۔ اس راؤنڈ میں جی 20 + 9 ممالک کی ٹیمیں شرکت کریں گی، ہر ٹیم دو طلبہ پر مشتمل ہوگی۔ تمام مندوبین بشمول 16 قومی سیمی فائنلسٹ اور بین الاقوامی شرکا کو اپنے دورے کے دوران بھارت کے متنوع ورثے اور ثقافت کا تجربہ کرنے کا موقع ملے گا اور انھیں ملک کے مختلف مشہور مقامات اور مقامات پر لے جایا جائے گا۔ بین الاقوامی فائنل 22 نومبر 2023کو نئی دہلی میں منعقد کیے جانے کا منصوبہ ہے۔

اسکولوں کے لیے رجسٹریشن کے عمل کو ہموار بنانے اور ایونٹ سے متعلق تمام معلومات فراہم کرنے کے لیے، جی 20 تھنک کے لیے ایک مخصوص ویب سائٹ (www.theindiannavyquiz.in) تشکیل دی گئی ہے۔

یکم دسمبر کو جب بھارت جی 20 کی باگ ڈور برازیل کے حوالے کرے گا تو جی 20 تھنک 22 دسمبر سے منعقد ہونے والی اہم تقریبات کے سلسلے کا اختتامی باب ہوگا۔ یہ بھارت کی صدارت کے لیے ایک قابل ذکر اختتامی تقریب ہوگی جس میں عالمی سطح پر جی 20 کی بہت سی انوکھی کامیابیوں کا مشاہدہ کیا جائے گا۔

***

(ش ح – ع ا – ع ر)

U. No. 9121