য়ুনিয়ন হোম অমসুং কোওপরেশন মিনিস্তর, শ্রী অমিত শাহনা ঙসি গুজরাতকী গান্ধিনাগরদা ৱেস্তর্ন জোনেল কাউন্সিলগী ২৬শুবা মীফমদা ময়াই তাংবল লৌদুনা পাংথোকখ্রে। থৌরম অসিদা, শ্রী অমিত শাহনা MHAগী ইন্তর স্তেত কাউন্সিল সেক্রেতরিয়েতগী https://iscs-eresource.gov.in  হায়রিবা ই-রিসোর্স ৱেব পোর্তেল শু শঙ্গাখ্রে, মসিনা জোনেল কাউন্সিলশিং নিংথিনা ঞথো তৌবদা মতেং পাংলগনি।

মীফম অদুদা গুজরাত, মহারাস্ত্র, গোৱাগী মুখ্য মন্ত্রীশিং অমসুং দাদ্রা অমসুং নাগর হৱেলি অমসুং দামন অমসুং দ্যুগী এদমিনিস্ত্রেতরশিং, মহারাস্ত্রগী উপ মুখ্য মন্ত্রী অমসুং শক্নাইরবা মন্ত্রীশিং, ৱেস্তর্ন জোনদা লৈবা রাজ্যশিংদগী চীফ সেক্রেতরীশিং, য়ুনিয়ন সেক্রেতরীশিং, সেক্রেতরী, ইন্তর-স্তেত কাউন্সিল সেক্রেতরয়েত অমসুং রাজ্যশিং অমসুং কেন্দ্রগী মন্ত্রালয়শিং অমসুং দিপার্তমেন্তশিংদগী অতোপ্পা সেনিয়র ওফিসরশিংনা শরুক য়াখি।

মহাক্না ৱা ঙাংবা মতমদা, বুনিয়ন মিনিস্তরনা হায়খি মদুদি হন্দক্তা লৈবাক অসিগী চন্দ্রয়ান মিসন মাইপাকখ্রবা মতুংদা, মালেম পুম্বনা ইন্দিয়ন স্পেস রিসর্চ ওর্গনাইজেশন (ISRO)বু থাগৎনরক্লি। মহাক্না হায়খি মদুদি, হৌখিবা চহি ৯ অসিদা মহাক্কী তুংগী শান্না উবা ঙম্বা মিৎয়েং অদুগা লোইননা প্রধান মন্ত্রী, শ্রী নরেন্দ্র মোদীনা ভারতকী স্পেস সেক্তরদা অনৌবা মাইওন অমা পীবদা নত্তনা ভারতপু চহি ২০৩০ ফাওবদা স্পেসকী লমদা মালেম অসিদা মমাং থাদুনা চৎনবগী তাইম-বাউন্দ প্রোগ্রাম অমসুং ফ্রেমৱার্ক শেমখি। হোম মিনিস্তরনা হৌদোক্তুনা, ৱেস্তর্ন জোনেল কাউন্সিলগী মেম্বর পুম্বনা চন্দ্রয়ান মিসন অসিদা য়াম্না মরু ওইবা থৌদাং লৌরিবা সাইন্তিস্তশিংগী তীম অমসুং হৌখিবা চহি ৯ অসিদা ভারতকী স্পেস সেক্তরদা অহোংবা কয়া অমা পুরকপগীদমক্তা প্রধান মন্ত্রী, শ্রী নরেন্দ্র মোদীবুশু থাগৎপা ফোংদোকখি।

গুজরাতকী গান্ধিনাগরদা পাংথোকখিবা ২৬শুবা ৱেস্তর্ন জোনেল কাউন্সিল মীফমদা পুন্না ৱাফম ১৭কী মতাংদা খন্নখি, মসিগী মনুংদা ৱাফম ০৯ অমদি ৱারোইশিন পুরকখ্রে অমসুং লৈবাক্কী ওইবা ইশুশিং য়াওনা লেমহৌরিবা ইশুশিং অদুদি য়াম্না কুপথনা খন্নরবা মতুংদা মোনিতর তৌনবগীদমক্তা থমখি। মরু ওইনা মেম্বর ওইরিবা রাজ্যশিং অমসুং লৈবাক অপুনবগী ওইনা মরি লৈনবা মরু ওইবা ইশুশিং অদুদি লমগা মরি লৈনবা ইশুশিংগী ত্রন্সফর তৌবা, ৱাতর সপ্লাইগা মরি লৈনবা ইশুশিং, বেঙ্ক ব্রাঞ্চশিং/পোস্তেল বেঙ্কিং ফেসিলিতীশিংনা খুঙ্গংশিং য়ৌশিনবা, নুপী অমসুং অঙাংশিংদা সেকচুৱল ওফেন্স/রেপকী কেসশিং য়াম্না য়াংনা ইনভেস্তিগেশন তৌবা, রেপ অমসুং POCSO এক্ত কেসশিংবু খোংজেল য়াংনা লোইশিন্নবগীদমক্তা ফাস্ত ত্রেক স্পেসিয়েল কোর্তশিং (FTSCs) গী স্কীম পাইখৎপা, খুঙ্গংশিংদা লৈরিবা য়ুমশিংদা ব্রোদবেন্দ কেনেক্তিবিতী ফংহন্নবগীদমক্তা রাজ্যশিংনা ভারত নেত ইনফ্রাস্ত্রকচর শীজিন্নবা, 5G থাদোকপদা মতেং পাংনবা রাজ্যশিংনা তেলিকোম RoW রুলশিং এদোপ তৌবা, মোতোর ভেহিকল্স (রেজিস্ত্রেশন অমসুং ভেহিকল স্ক্রেপিং ফেসিলিতী এমেন্দমেন্তগী ফংশনশিং) রুলস, ২০২২ ইমপ্লিমেন্ত তৌবা, প্রাইমরী এগ্রিকলচরেল ক্রেদিৎ সোসাইতীজ (PACS) মপাঙ্গল কনখৎহনবনচিংবশিং অসি ওইখি।

য়ুনিয়ন হোম মিনিস্তরনা লৈবাক অসিগি ওইনা য়াম্না মরু ওইবা ৱাফম অহুম – POSHAN অভিয়ান, স্কুলগী অঙাংশিংগী দ্রোপআউত রেত হন্ধহনবা অমসুং লাইরবা খুদিংমক্তা আয়ুশ্মান ভারত- প্রধান মন্ত্রী জন আরোগ্যা য়োজনাগী কান্নবা খুদিংমক য়ৌহনবা হায়রিবশিং অসিগী মতাংদা য়াম্না চেকশিন্না থবক তৌনবা জোনেল কাউন্সিল মেম্বর ওইবা রাজ্যশিংদা হায়খ্রে। শ্রী শাহনা হায়খি মদুদি কো-ওপরেতিবশিং অসি লৈবাক অসিগী চাউখৎ-খোংথাংদা শরুক য়াবা ঙম্নবা লৈবাক অসিগী মী করোর ৬০বু ইকোনোমীগা কনেক্ত তৌনবগী অমত্তা ঙাইরবা লম্বিনি। মহাক্না হায়খি মদুদি অনৌবা প্রাইমরী এগ্রিকলচরেল ক্রেদিৎ সোসাইতীজ (PACS) লাখ ২ শেমদুনা  অমসুং হৌজিক লৈরিবা PACS অসিবু মাইপাক্না থবক তৌহন্দুনা, লৈবাক অসিগী কোওপরেতিব সেক্তরদা য়াম্না চাউনা অহোংবা লাক্কনি।

শ্রী অমিত শাহনা হায়খি মদুদি  ২০১৪ অমসুং ২০২৩ ফাওবগী মরক্তা, পুন্না জোনেল কাউন্সিলশিংগী মীফম ২৩ অমসুং মখোয়গী স্তেন্দিং কমিতীশিংগী মীফম ২৯ পাংথোকখ্রে, অদুম ওইনমক ২০০৪দগী ২০১৪ ফাওবদা, জোনেল কাউন্সিলগী মীফম ১১ অমসুং স্তেন্দিং কমিতীশিংগী মীফম ১৪ পাংথোকখি। মহাক্না হায়খি মদুদি ২০১৪ অমসুং ২০২৩গী মরক্তা পাংথোকখিবা জোনেল কাউন্সিলশিংগী মীফম মনুংদা, ৱাফম ১১৪৩ ৱারোইশিং পুরকখি, হায়রিবা অসিমক অপুনবা ইশুশিং অদুগী চাদা ৯০দগীশু হেল্লি, মসিনা জোনেল কাউন্সিলশিংগী মরু ওইবা অদু ময়েক শেংনা তাক্লি।  শ্রী শাহনা জোনেল কাউন্সিলশিংনা লৌরিবা থৌদাংশিং অদুবু থাগৎপা ফোংদোক্লদুনা পনখি মদুদি জোনেল কাউন্সিলশিং অসিগী মওং অসিনা এদভাইজরী ওইজরবশু, হৌখিবা চহি কয়া অসিদা মখোয়না তোঙান-তোঙানবা লম কয়া অমদা ম্যুচুৱল অন্দরস্তেন্দিং অমসুং কোওপরেশনগী অফবা মরি অমা শাগৎপদা য়াম্না মরু ওইবা ফেক্তর অমা ওইখি।

য়ুনিয়ন হোম মিনিস্তরনা হায়খি মদুদি জোনেল কাউন্সিলশিংনা মেম্বরশিংগী মরক্তা খ্বাইদগী অৱাংবা থাক্কী পর্সোনেল ইন্তর-এক্সনগীদমক্তা খুদোংচাবা পীরি অমসুং এমিতী অমসুং গুদৱিলগী এতমোসফিয়র অমদা য়াম্না লুবা অমসুং কমপ্লেক্স নেচরগী ইশুশিং ৱারোইশিন পুরক্নবগীদমক্তা য়াম্না কান্নবা ফোরম অমা ওইনা মথৌ তৌই। খন্ন-নৈনদুনা অমসুং ৱাখল্লোনশিং তাথোক-তাশিন তৌদুনা, জোনেল কাউন্সিলশিংনা সোসিয়ো অমসুং ইকোনোমিক দেবেলপমেন্তগী মরু ওইবা ইশুশিংগী মতাংদা রাজ্যশিংগী মরক্তা কোওর্দিনেতেদ এপ্রোচ অমা দেবেলপ তৌবদা মতেং পাংই। জোনেল কাউন্সিলশিংনশু রাজ্যশিংগী কমন ইন্তরেস্তকী ইশুশিংগী মতাংদা রিকমেন্দেশনশিং তৌই। মহাক্না হায়খি মদুদি জোনেল কাউন্সিল অসি কেন্দ্র অমসুং রাজ্য অমসুং রাজ্যশিংগী মরক্তা কনস্তইত্যুশন অসিগী স্পিরিৎকী মতুং ইন্না মাইকৈ অনিমক্তা য়ানবা অমা পুরকপা হায়বসিদা থাজবা থম্লিবা হোল ওফ গোবর্নমেন্ত এপ্রোচকা লোইননা ইশুশিং অদুবু ৱারোইশিন পুরক্নবগীদমক্তা কোওপরেতিব ফেদরেলিজমগীদমক্তা য়াম্না মরুওইবা প্লেতফোর্ম অমনি। মেম্বর ওইরিবা রাজ্যশিং/য়ু.তি.শিংনা পাইখৎপা অফবা প্রক্তিসশিং অদুবু মীফম অদুদা শিয়র তৌখি।

শ্রী অমিত শাহনা ১৯৫৬তা রাজ্যগী রিওর্গনাইজেশন এক্তকী মখাদা লিংখৎখিবা জোনেল কাউন্সিলশিংগী মরু ওইবা অদুবু মরু ওইনা পনখি অমসুং পার্তিসিপেন্তশিং অদুদা খঙহল্লকখি মদুদি সরকারগী পান্দমদি রাজ্যশিং অমসুং কেন্দ্র অমসুং রাজ্যশিংগী মরক্তশু কোওপরেশনগী অফবা ফেদরেল এতমোস্ফিয়র অমা প্রোমোত তৌনবা অমসুং লেংদনা থম্নবা জোনেল কাউন্সিলশিংগা লোইন-লোইননা ইন্তর স্তেত কাউন্সিলগী ইনস্তিত্যুশনবু হেন্না মপাঙ্গল কনখৎহনবনি।  মহাক্না পনখি মদুদি হৌজিক্তি তোঙান-তোঙানবা জোনেল কাউন্সিলশিংগী মীফমশিং অসি য়াম্না তোইনা পাংথোকই অমসুং হায়রিবশিং অসি ওইথোকপা য়ারিবসি হোম এফিয়র্স মন্ত্রালয়গী মখাদা লৈবা ইন্তর স্তেত কাউন্সিল সেক্রেতরিয়েতকী প্রোএক্তিব ওইবা অনৌবা থৌরাংশিং অমসুং রাজ্য সরকারশিং/য়ু.তি.শিংগা লোইন-লোইননা কেন্দ্র মন্ত্রালয়শিং অমসুং দিপার্তমেন্তশিংগী কোওপরেশন্না ওইথোকপা ঙমহল্লিবনি।

য়ুনিয়ন হোম মিনিস্তরনা প্রধান মন্ত্রী, শ্রী নরেন্দ্র মোদীগী লৈবাক অসিগী মাইকৈ খুদিংমক্তা শাহৌ পুরকপা ঙম্নবা কোওপরেতিব অমসুং কমপিতিতিব ফেদরেলিজমগী কান্নবা লৌনবগী ভিজন অদুবু পনখি অমসুং জোনেল কাউন্সিলশিংনা অরিংবা রাজ্যশিংনা অরিংবা লৈবাক শেম্মি হায়বগী ৱাখল্লোন অসিদা রাজ্য অমা নত্রগা মদুদগী হেনবা নত্রগা কেন্দ্র অমসুং রাজ্যশিং শোকহল্লিবা ইশুশিং অদুদা য়ুমফম ওইদুনা লেপ্পা লৈতনা দাইলোগ অমসুং দিসকসন তৌনবগীদমক্তা নিংথিনা শেম্লবা মেকানিজমগী খুত্থাংদা অসিগুম্বা কোলাবোরেশন অসিবু য়োকখৎনবা প্লেতফোর্ম অদু পীরি।

শ্রী অমিত শাহনা হায়খি মদুদি ৱেস্তর্ন জোন অসি লৈবাক অসিগী য়াম্না মরু ওইবা জোন অমনি অমসুং লৈবাক অসিগী GDPদা ২৫% শরুক য়াবগা লোইননা মসিগী রিজন অসিনা ফাইনান্স, IT, দাইমন্দ, পেত্রোলিয়ম, ওতোমোবাইল অমসুং দিফেন্সকী হব ওইরি। মহাক্না হায়খি মদুদি ৱেস্তর্ন জোনেল কাউন্সিলগী মেম্বর ওইরিবা রাজ্যশিংনা য়াম্না সেন্সিতিব ওইবা ইনস্তিত্যুশনশিং অমসুং ইন্দস্ত্রীশিং লৈবা য়াম্না শাংলবা কোস্তলাইনশিং শিয়র তৌরি অমসুং চেকশিন থৌরাং মতিকচানা লৈহন্নবগী মাইকৈদা লেপ্পা লৈতনা হোৎনবগী তঙাইফদবা লৈ।

হোম মিনিস্তরনা হায়খি মদুদি পার্লিয়ামেন্ততা মোদী সরকারনা হন্দক্তা পুথোকখিবা অনৌবা বিল অহুম – ভার্তিয়া ন্যায়া সনহিতা বিল, ভার্তিয়া নাগরিক সুরক্সা সনহিতা বিল অমসুং ভার্তিয়া সক্স্যা বিল অসি পাস তৌরবা মতুংদা, কেস অমত্তা চহি অনিদগী হেন্না মখা চত্থবা য়াররোই, মসিনা মরম ওইরগা নেগেতিব ইনর্জীগী ৭০% মুত্থৎলগনি। মহাক্না রাজ্য খুদিংমক্তা মসিগী আইনশিং অসিবু চৎনহন্নবগীদমক্তা তঙাইফদনা মথৌ তাবা ইনফ্রাস্ত্রকচর অমসুং কেপাসিতী শেমগৎনবগী মাইকৈদা থবক তৌনবা হায়খ্রে।

য়ুনিয়ন হোম মিনিস্তরনা ঙসি লোঞ্চ তৌখিবা পোর্তেল অসি মরু ওইবা দোক্যুমেন্তশিংগী রিপোজিতরী অমনি, হায়বদি ইন্তর-স্তেত কাউন্সিল অমসুং মখোয়গী স্তেন্দিং কমিতীনা ২৮.০৫.১৯৯০দা হেক শেমখিবদগী অমসুং জোনেল কাউন্সিলশিং অমসুং মখোয়গী স্তেন্দিং কমিতীনা হৌদোকখিবদগী হায়বদি ১৯৫৭দগী পাংথোকখিবা মিনতশিং অমসুং এজেন্দাশিং অদুবুনি। মসিগী দিজিতেল রিসোর্স অসি কেন্দ্রগী মন্ত্রালয়শিং/দিপার্তমেন্তকা লোইন-লোইননা রাজ্য সরকারশিং/য়ু.তি.শিংনা পোলিসী ইন্তর্ভেন্সনগীদমক্তা শিজিন্নবা য়াগনি।

*****