য়ুনিয়ন হোম অমসুং কোওপরেশন মিনিস্তর, শ্রী অমিত শাহনা হায়খি মদুদি অশেংবা লুচিংবা অমনা ফিভম খুদিংমক্তা মহাক্কী প্রাজশিংগা লোইননা খোংফম চেৎনা লেপ্পী। Xতা মহাক্কী পোস্ত কয়া অমদা শ্রী অমিত শাহনা হায়খি, প্রধান মন্ত্র, শ্রী নরেন্দ্র মোদী জীনা ভারতকী মাইপাক্লবা থাগী মিসন, চন্দ্রয়ান ৩গী মাইপাকপদা য়াম্না মরু ওইবা থৌদাং লৌরিবা আই.এস.আর.ও.গী সাইন্তিস্তশিংগা উননবা ঙসি অয়ুক গ্রীসতগী বেঙ্গলুরু ফাওবা দাইরেক্ত পাইরকখি। বেঙ্গলুরুদা সাইন্তিস্তশিংদা থমখিবা মহাক্কী পুক্নিং থৌগৎনিংঙাই ওইবা ৱারোল অদু ভারতকী য়াম্না শিংথানিংঙাই ওইবা মওংদা অতিয়া ৱাংনা মাইপাকখিবা অদুগী শৈরেংনি।

য়ুনিয়ন হোম অমসুং কোওপরেশন মিনিস্তরনা হায়খি মদুদি ওগস্তকী ২৩ অসি ভারতকী ওইনা পুৱারিদা লৈহৌরগদবা নুমিৎনি, মরমদি মসিনা লুনর মিসন চন্দ্রয়ান ৩গী মাইপাকপা অদুবু মশক তাকই। ঙসি, প্রধান মন্ত্রী, শ্রী নরেন্দ্র মোদী জীনা মসিবু নেস্নেল স্পেস দে‘ হায়না লাউথোকখ্রে, মরমদি মসিনা  মিসন অসিগী মাইপাকপগী মরুমদা লৈরিবা ভারতকী সাইন্তিস্তশিংনা লৌখিবা থৌদাংশিং অদুগী ৱারি অদুবু তুংগী মীরোলশিংদা য়ৌহল্লগনি। মসিগী ফিরেপ অসিনা ভারতকী সাইন্তিস্তশিংবু ‘তিরঙ্গা’গী মতিক-মগুন অদুবু চাউথোকচনিংঙাই ওইবা মওংদা অৱাংবা থাক্তা থমদুনা স্পেস এক্সপ্লোরেশনগী লমদা অনৌবা অৱাংবা থাক অমা ফংবা ঙম্নবা পুক্নিং থৌগৎলগনি।

শ্রী অমিত শাহনা হায়খি মদুদি ভারতকী লুনার মিসনগী পুৱারী ওইরবা মাইপাকপা অসিনা মরম ওইরগা, ঐখোয়গী সাইন্তিস্তশিংনা মতমগী ইরোলনুংদা মুৎনাইদ্রবা খুদম অমা হক্তুনা থনম্লে। মসিগী মাইপাকপা অসিবু নিংশিংনবগীদমক্তা, প্রধান মন্ত্রী, শ্রী নরেন্দ্র মোদী জীনা ‘মাইথিবা হায়বসি মতম চুপ্পগী ওইবা নত্তে’ হায়বসিবু নিংশিংহন্নবা চন্দ্রয়ান-৩গী লেন্দিং তৌবা মফম অদুবু ‘শিবশক্তি’ হায়না থোনখি, অমসুং চন্দ্রয়ান-২না তাখিবা মফম অদুবু ‘তিরঙ্গা’ হায়না থোনখি।

*****