مرکزی وزیر داخلہ اور تعاون کے وزیر جناب امت شاہ نے کہا ہے کہ ایک سچا لیڈر ہر حال میں اپنے لوگوں کے ساتھ کھڑا ہوتا ہے۔ جناب امت شاہ نے کہا کہ وزیر اعظم جناب نریندر مودی آج صبح یونان سے براہ راست بنگلورو کے لیے روانہ ہوئے تاکہ بھارت کے کامیاب مون مشن چندریان 3 کے پیچھے اسرو کے سائنس دانوں سے ملاقات کرسکیں۔ بنگلورو میں سائنس دانوں کے نام ان کا متاثر کن خطاب بھارت کی شاندار کامیابی کو خراج تحسین ہے جو آسمان تک پہنچ گئی۔

مرکزی وزیر داخلہ اور تعاون کے وزیر نے کہا کہ 23 اگست بھارت کے لیے ایک تاریخی دن ہے، کیونکہ یہ اس کے مون مشن چندریان 3 کی کامیابی کی علامت ہے۔ آج وزیر اعظم جناب نریندر مودی نے اسے ’قومی خلائی دن‘ کے طور پر منانے کا اعلان کیا، تاکہ اس مشن کے پیچھے بھارت کے سائنس دانوں کی کامیابی کی کہانی آنے والی ہر نسل تک پہنچے۔ یہ فیصلہ بھارتی سائنس دانوں کو خلائی تحقیق کے میدان میں نئی بلندیوں کو حاصل کرنے کی ترغیب دیتا رہے گا اور ’ترنگے‘ کا فخر برقرار رکھے گا۔

جناب امت شاہ نے کہا کہ بھارت کے مون مشن کی تاریخی کامیابی کے ساتھ ہی ہمارے سائنس دانوں نے وقت کی ریت پر ایک انمٹ نشان ثبت کیا ہے۔ اس کامیابی کی یاد منانے کے لیے وزیر اعظم جناب نریندر مودی نے چندریان-3 کی لینڈنگ کے مقام کا نام شیو شکتی اور چندریان-2 کے لینڈنگ کے مقام کا نام ترنگا رکھا ہے تاکہ ہمیں یاد رہے کہ ’کوئی ناکامی مستقل نہیں ہوتی۔‘

***

(ش ح – ع ا – ع ر)

U. No. 8869