ମହାକାଶ ବିଭାଗ
azadi ka amrit mahotsav g20-india-2023

ପ୍ରଥମ ସୂର୍ଯ୍ୟ ଅଭିଯାନ ପାଇଁ ଇସ୍ରୋ ପ୍ରସ୍ତୁତ

Posted On: 29 AUG 2023 5:12PM by PIB Bhubaneshwar

କେନ୍ଦ୍ର ବିଜ୍ଞାନ ଓ ପ୍ରଯୁକ୍ତି ବିଦ୍ୟା (ସ୍ୱାଧୀନ ଦାୟିତ୍ୱ), ପିଏମଓ, କାର୍ମିକ, ଜନ ଅଭିଯୋଗ, ପେନସନ, ଆଣବିକ ଶକ୍ତି ଏବଂ ମହାକାଶ ରାଷ୍ଟ୍ରମନ୍ତ୍ରୀ ଡକ୍ଟର ଜିତେନ୍ଦ୍ର ସିଂହ ଆଜି କହିଛନ୍ତି ଯେ ସଫଳ ଚନ୍ଦ୍ରଯାନ ଅଭିଯାନ ଶେଷ ହେବା ପରେ ଭାରତ ପ୍ରଥମ ସୂର୍ଯ୍ୟ ଅଭିଯାନ "ଆଦିତ୍ୟ-ଏଲ୧" ପାଇଁ ପ୍ରସ୍ତୁତ ଅଛି, ଯାହାକୁ ଇସ୍ରୋ ସେପ୍ଟେମ୍ବର ୨ରେ ଲଞ୍ଚ କରିବାକୁ ଯାଉଛି ।

ମୈନପୁରୀରେ ଏକ ସାଧାରଣ କାର୍ଯ୍ୟକ୍ରମକୁ ସମ୍ବୋଧିତ କରି ଡ. ଜିତେନ୍ଦ୍ର ସିଂହ କହିଛନ୍ତି ଯେ ସମଗ୍ର ବିଶ୍ୱ ଭାରତର ଚନ୍ଦ୍ରଯାନ ଅଭିଯାନର ସଫଳତାକୁ ପାଳନ କରୁଥିବା ବେଳେ ସୂର୍ଯ୍ୟ ଅଭିଯାନ ପ୍ରତି ଲୋକଙ୍କ ଆଗ୍ରହ ମଧ୍ୟ ବହୁଗୁଣିତ ହୋଇଛି।

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ସମ୍ପୂର୍ଣ୍ଣ ଶ୍ରେୟ ଦେଇ କେନ୍ଦ୍ରମନ୍ତ୍ରୀ କହିଛନ୍ତି ଯେ, ଯଦି ପ୍ରଧାନମନ୍ତ୍ରୀ ଭାରତର ମହାକାଶ କ୍ଷେତ୍ରକୁ ଅତୀତର ବନ୍ଧନରୁ ମୁକ୍ତ କରିବା ପାଇଁ ସାହସିକ ନିଷ୍ପତ୍ତି ନେଇ ନଥାନ୍ତେ, ତେବେ ଏସବୁ ସମ୍ଭବ ହୋଇନଥାନ୍ତା, ଯାହା ଅନ୍ୟ କୌଣସି ସରକାର କରିବାକୁ ପଦକ୍ଷେପ ନେଇ ନଥିଲେ । ଫଳସ୍ୱରୂପ ଆଜି ୪ ବର୍ଷର ଅଳ୍ପ ସମୟ ମଧ୍ୟରେ ଇସ୍ରୋର ଆର୍ଥିକ ସମ୍ବଳ ବୃଦ୍ଧି ପାଇଛି, ଷ୍ଟାର୍ଟଅପ ସଂଖ୍ୟା ୪ରୁ ୧୫୦କୁ ବୃଦ୍ଧି ପାଇଛି ଏବଂ ଭାରତର ଉପଗ୍ରହ ଉତକ୍ଷେପଣ କେନ୍ଦ୍ରର ବିଶ୍ୱସନୀୟତା ହଠାତ୍ ଏତେ ବଢ଼ିଯାଇଛି ଯେ ୟୁରୋପୀୟ ଉପଗ୍ରହ ଉତକ୍ଷେପଣରୁ ଏପର୍ଯ୍ୟନ୍ତ ଭାରତ ୨୬୦ ନିୟୁତ ୟୁରୋରୁ ଅଧିକ ଆୟ କରିଛି ଏବଂ ଆମେରିକୀୟ ଉପଗ୍ରହ ଉତକ୍ଷେପଣରୁ, ଭାରତ ୧୫୦ ନିୟୁତ ଆମେରିକୀୟ ଡଲାରରୁ ଅଧିକ ରୋଜଗାର କରିଛି ।

ଡକ୍ଟର ଜିତେନ୍ଦ୍ର ସିଂହ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀ ବୈଜ୍ଞାନିକ ଜଗତର ସମ୍ମାନ ବଢ଼ାଇବା କାରଣରୁ ଆଜି ସୂର୍ଯ୍ୟକୁ ପ୍ରଥମ ମହାକାଶ ଯାନ ପଠାଇବାକୁ ଆମର ଦୃଢ଼ ଆତ୍ମବିଶ୍ୱାସ ରହିଛି।

 

ଡକ୍ଟର ଜିତେନ୍ଦ୍ର ସିଂହ କହିଥିଲେ, ସୂର୍ଯ୍ୟ ମହାକାଶ ଅଭିଯାନ ଆଦିତ୍ୟ-ଏଲ୧ ପୋଲାର ସାଟେଲାଇଟ୍ ଲଞ୍ଚ ଭେଇକିଲ (ପିଏସଏଲଭି)କୁ ସାତଟି ପେଲୋଡ୍ (ଉପକରଣ) ସହିତ ବ୍ୟବହାର କରିବ |  ଏହି ମହାକାଶଯାନ ପୃଥିବୀଠାରୁ ପ୍ରାୟ ୧.୫ ନିୟୁତ କିଲୋମିଟର ଦୂର ସୂର୍ଯ୍ୟ-ପୃଥିବୀ ପ୍ରଣାଳୀର ଲାଗ୍ରାଞ୍ଜ ପଏଣ୍ଟ -୧ (ଏଲ୧) ଚାରିପାଖରେ ଏକ ପ୍ରଭାମଣ୍ଡଳ କକ୍ଷପଥରେ ରହିବ ଏବଂ ଏହି କକ୍ଷପଥରେ ରଖାଯାଇଥିବା ଉପଗ୍ରହ ବିନା କୌଣସି ଗ୍ରହଣରେ ସୂର୍ଯ୍ୟଙ୍କୁ କ୍ରମାଗତ ଭାବରେ ଦେଖିବାର ପ୍ରମୁଖ ଫାଇଦା ପାଇବ ବୋଲି ସେ କହିଛନ୍ତି।

ଡକ୍ଟର ଜିତେନ୍ଦ୍ର ସିଂହ କହିଛନ୍ତି, ମଙ୍ଗଳ ଓ ଚନ୍ଦ୍ର ଅଭିଯାନ ପରେ ଆଦିତ୍ୟ ଏଲ୍-୧ ହେଉଛି ତୃତୀୟ ଅଭିଯାନ। ଏହା ସୂର୍ଯ୍ୟଙ୍କ ଶକ୍ତି ଉତ୍ସ ଉପରେ ଅଧ୍ୟୟନ କରିବ ।

HS

Release ID: 1953242



(Release ID: 1953330) Visitor Counter : 85