ভারতকী পিঙ্ক সিতী হায়নসু মীয়াম্না খঙনবা জয়পুর শহরদা ঙসি G20 ত্রেদ অমসুং ইনভেস্তমেন্ত মন্ত্রীশিংগী মীফম লোইশিনখ্রে। মীফম অসি কম্মর্স অমসুং ইন্দস্ত্রী, কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন, অমসুং তেক্সতাইলগী কেন্দ্র মন্ত্রী, শ্রী পিয়ুশ গোয়লনা লুচিংদুনা ফমখিবনি। মহাক্না মিনিস্ত্রিএল দেলিগেসন অমসুং G20 মেম্বরশিংগী দেলিগেত, মীফমদা শরুক য়ানবা পাউজেল পীখিবা লৈবাক, অমসুং ৱর্ল্দ ত্রেদ ওর্গনাইজেসন, UNCTAD, ইন্তর্নেস্নেল ত্রেদ সেন্তর অসুং OECD য়াওনা মালেমগী ওর্গনাইজেসনশিংবু মখোয়না খন্ন-নৈনবশিংদা থৱাই য়াওনা শরুক য়াখিবা অমসুং মদুগী মরমদগী আউতকম দোক্যুমেন্ত অমসুং চেয়রগী শম্লপ্পা ৱারোলশিংবু চৎনবা হৌনবা অয়াবা পুরকপগীদমক্তা তরাম্না ওকখি অমসুং থাগৎপা ফোংদোকখি।

ভারতকী প্রধান মন্ত্রী, শ্রী নরেন্দ্র মোদীনা G20 মন্ত্রীশিংদা থমখিবা ৱারোলদা ইন্তর্নেস্নেল ত্রেদ অমসুং ইনভেস্তমেন্তকী কাঙলোন্দা অমুক্কা হন্না থাজবা পুরকপা হায়বসি G20 অমা ওইবগী থৌদাংনি হায়না ফোংদোকখিবনি। তুংগী মতমদা লাক্কদবা শিংনবা কয়া মাইয়োক্নবা ঙম্বা নিংহন্নবা লৈতবা অমসুং ইনক্লুসিব ওইবা মালেমগী ভেল্যু চেন অমা শেম্বা অমসুং MSMEশিংনা মালেমগী ত্রেদতা শরুক য়াবগী চাং হেনগৎহনবা হায়বসিদা মহাক্না অহেনবা মিৎয়েং চঙখি। WTOনা ময়োলদা লৈদুনা কাঙলোন্দা য়ুম্ফম ওইবা, ৱাখল চাউবা, ইনক্লুসিব ওইবা, মলতিলেতরেল ত্রেদিং সীস্তেমদা ভারতনা অচেৎপা থাজবা থম্মি হায়না মহাক্না ফোংদোকখি।

ভারতকী প্রসিদেন্সী মখাদা, G20 ত্রেদ অমসুং ইনভেস্তমেন্ত মন্ত্রীশিংনা তং তাবা অমসুং থবক্তা ওন্থোকপা য়াবা দেলিভরেবল মঙাগী মতাংদা য়ানবা পুরকখ্রে। হায়রিবা ৱাফমশিং অসিমক জয়পুরদা পাংথোকখিবা মন্ত্রীশিংগী মীফম অসিদা য়ানবা পুরকখিবা আউতক দোম্যুকেন্তশিং অদুনি।

য়ানবা পুরকখিবা অহানবা ৱাফম্না, ত্রেদ দোক্যুমেন্ত দিজিতেলাইজ তৌবগী হাই-লেভেল প্রিন্সিপলশিংনি। মসিদা G20 মন্ত্রীশিংনা পেপরলেস ত্রেদতা নীংথিনা হোংজিনবগী তোঙান-তোঙানবা দাইমেন্সন কয়া কোনবা মপুং ওইবা প্রিন্সিপল 10 পীরি। প্রিন্সিপলশিং অসিনা ত্রেদকা মরী লৈনবা ইলেক্ত্রোনিক দেতা অমসুং দোক্যুমেন্তশিং ঙমখৈ ৱাংমা লান্না পীনবগা মরী লৈনবা থবকশিং পাংথোকপদা লৈবাকশিংদা তেংবাংগনি, অমসুং সেক্যুর ওইবা ইন্তরওপরেবল অমসুং নুং-পান ফাওনা উবা পেপরলেস ক্রোস-বোর্দর ত্রেদ ইনভাইরনমেন্ত অমা লৈবদা অহেনবা মিৎয়েং চঙলি। মসিদা নত্তনা, ইনক্লুসিবিতী হায়বসি প্রিন্সিপল অমা ওইনা অহেনবা মিৎয়েং চঙদুনা মসিগুম্বা ত্রাঞ্জিসন অসি মখল খুদিংগী কারবারদা পাংথোকপা য়াহল্লি।

G20 মন্ত্রীশিংনা MSMEদা ই-পাউ হেন্না ফংহন্নবগীদমক্তা জয়পুর কোল ফোর এক্সন হায়বা অমসু পুথোকখি। MSMEশিংনা থেংনরিবা ইনফোর্মেসন গেপ অসিবু মেনশিন্নবগীদমক্তা ITCগী গ্লোবেল ত্রেদ হেল্পদেস্ক অপগ্রেদ তৌনবগীদমক্তা UNCTAD অমসুং WTOগা খন্ন-নৈনদুনা মসিগীদমক্তা অকুপ্পা থৌরাং অমা য়াৎনবগীদমক্তা মন্ত্রীশিংনা জেনেভাদা লৈবা ইন্তর্নেস্নেল ত্রেদ সেন্তর (ITC)দা হায়খ্রে।

দেতাশিংগী কি বিলদিং ব্লোক, GVC দেতা এনালাইসীস অমসুং রিপ্রজেন্তেসনগী ৱারোল য়াওবা GVCশিংগী G20 জেনেরিক মেপ্পিং ফ্রেমৱর্ক অমসু মন্ত্রীশিংনা হৌদোকখি। ফ্রেমৱর্ক অসিনা GVCগী রেজিলিএন্ত ওইবগী মতৌবু সেক্তোরেল অমসুং প্রদক্ত লেভেলদা য়েংশিনবদা তেংবাংনবা মরু ওইবা ৱাফমশিং খঙদোকপগী মরোলসু পল্লি। মসিদা নত্তনা, মরু ওইবা GVCশিংবু রেজিলিএন্ত অমসুং রোবস্ত ওইনা থম্নবগীদমক্তা কোলাবোরেসন তৌবগী লমজিং কাঙলোন অমসু ফ্রেমৱর্ক অসিনা তাক্লি।

G20 মন্ত্রীশিংনা প্রোফেস্নেল সর্ভিসশিংগী ম্যুচুএল রিকোগনিসন এগ্রীমেন্ত (MRA)কী বেস্ত প্রেক্তিস লান্নবগী থৌওংবু তরাম্না ওকখিবগা লোয়ননা পরসিদেন্সীগী কম্পেন্দিয়ম ওফ বেস্ত প্রেক্তিস ওন MRA ফোর প্রোফেস্নেল সর্ভিস শেম্বগী থৌওংবুসু শৌগৎখি। অফবা থৌওং কয়া খোমজিনবনা MRAদা মায় পাক্না খোঙদাবগী মতৌ হেনগৎহনগনি, মসিনা ঐখোয়গী দাক্তর, নর্স, উকিল, আর্কিতেক্ত অমসুং অতোপ্পা প্রোফেস্নেলশিংগী তেক্নিকেল ক্বালিফিকেসনশিংবু অতোপ্পা লৈবাকশিংনা মশক খঙহনগনি। মসিনা ঐখোয়গী প্রোফেস্নেলশিংদা মশাগী তেক্নিকেল সর্ভিসশিংবু মালেমগী মফম খুদিংদা পীবা ঙমহনবদা তেংবাংগনি।

রেগ্যুলেসন তৌবগী মতৌদা খেন্নবা লৈবা অমসুং মরী লৈনবা ত্রেদ কোস্ত হন্থহনবগা লোয়ননা কান্নদবা ত্রেদ ফ্রিক্সন লৈহন্দবা, ত্রেদ অমসুং ইনভেস্তমেন্তকা মরী লৈনবা খোঙথাংশিং য়েংশিনবা অমসুং হৌজিক থেংনরিবা খুদোংচাদবা কয়াগী ৱারোইশিন পুরকপগী থৌওংদা মুচুএল দাইলোগকী ওইরিবা মরু ওইবশিংবু G20 মন্ত্রীশিংনা শকখঙখি। মেম্বর, পোলিসীমেকর, রেগ্যুলেতর, স্তেন্দর্দ শেম্বা বোদী অমসুং অতোপ্পা স্তেকহোলদরশিংবু অমত্তা ওইনা পুরক্তুনা অফবা রেগ্যুলেতরী প্রেক্তিস অমসুং স্তেন্দর্দকুম্বা কম্মন ইন্তরেস্তকী হীরম কয়াগী মতাংদা খন্ন-নৈনবগী খুদোংচাবা পীগদবা G20 স্তেন্দর্দ দাইলোগ অমা 2023দা পাংথোক্নবা প্রসিদেন্সীনা থম্লকপা ৱাফম্বু মন্ত্রীশিংনা তরাম্না ওকখি।

আউতকম মঙামকপু G20 মন্ত্রীশিংনা মপুং ফানা শৌগৎখি।

ৱর্ল্দ ত্রেদ ওর্গনাইজেসনগী দাইরেক্তর জেনেরেল, দাঃ ঙোজী ওকোঞ্জো ইৱেলানা মহাক্কী মপুং ওইবা ৱারোলদা G20 মন্ত্রী খুদিংনা ইং 2024গী অঙনবদা পাংথোক্কদবা WTOগী 13শুবা মন্ত্রীশিংগী কনফরেন্সতা (MC13) য়ানবা পুরক্নবগীদমক্তা রিএলিস্তিক দেলিভরেবল খন্দোক্নবা ৱাফম থমখি। হীরম অসিগা মরী লৈননা, WTOনা ময়োলদা লৈদুনা, মলতিলেতরেল ত্রেদিং সীস্তেমগী তঙাই ফদবা থৌদাংবু মন্ত্রীশিংনা অমুক্কা হন্না শকখঙখি। WTOগী কাঙলোন শেম্বা বিভাগপু মপাঙ্গল কনখৎহন্নবা খোঙফম চেৎপগী মতৌবু মখোয়না অমুক্কা হন্না ফোংদোকখি অমসুং WTOদা হৌজিক চত্থরিবা খন্ন-নৈনবা অসিগী মরু ওইবসু শকখঙখি। পনবা য়াবদি, G20 মন্ত্রীশিংনা WTO রিফোর্ম তৌবা য়াওনা কান্নবা আউতকম কয়া WTOগী 13শুবা মন্ত্রীশিংগী কনফরেন্সতা (MC13) পুরকপা ঙম্নবগীদমক্তা লেপ্তনা হোৎনমিন্নবা হায়বা ৱাফমদা য়ানবা পুরকখি।

ঙসি য়ানবা পুরকখিবা আউতম দোক্যুমেন্ত অমসুং চেয়র সম্মেরী অসি G20 ৱেবসাইত্তা (https://www.g20.org/en/) ফংগনি।

***