ಜಿ 20 ವ್ಯಾಪಾರ ಮತ್ತು ಹೂಡಿಕೆ ಸಚಿವರುಗಳ ಸಭೆಯು ಜೈಪುರದಲ್ಲಿ ಇಂದು ಮುಕ್ತಾಯಗೊಂಡಿತು. ಭಾರತದ ಗುಲಾಬಿ ಬಣ್ಣದ ನಗರ  ಎಂದು ಜೈಪುರವನ್ನು ಕರೆಯುತ್ತಾರೆ. ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕೆ, ಗ್ರಾಹಕ ವ್ಯವಹಾರಗಳು, ಆಹಾರ ಮತ್ತು ಸಾರ್ವಜನಿಕ ವಿತರಣೆ ಮತ್ತು ಜವಳಿ ಸಚಿವ ಶ್ರೀ ಪಿಯೂಷ್ ಗೋಯಲ್ ಅವರ ನೇತೃತ್ವದಲ್ಲಿ ದಾಖಲೆ ಮಾಡುವ ಮತ್ತು ಅಧ್ಯಕ್ಷರ ಸಾರಾಂಶವನ್ನು ಅಳವಡಿಸಿಕೊಳ್ಳುವ ಸಭೆ ಜರುಗಿತು. ವಿಶ್ವ ವ್ಯಾಪಾರ ಸಂಸ್ಥೆ, ಯು.ಎನ್.ಸಿ.ಟಿ.ಎ.ಡಿ., ಇಂಟರ್ನ್ಯಾಷನಲ್ ಟ್ರೇಡ್ ಸೆಂಟರ್ ಮತ್ತು ಒಇಸಿಡಿ ಸೇರಿದಂತೆ ಜಿ20 ಸದಸ್ಯರು, ಆಹ್ವಾನಿತ ದೇಶಗಳು ಮತ್ತು ಅಂತರರಾಷ್ಟ್ರೀಯ ಸಂಸ್ಥೆಗಳ ಮಂತ್ರಿಗಳ ನಿಯೋಗಗಳು ಮತ್ತು ಪ್ರತಿನಿಧಿಗಳನ್ನು ಅವರು ಸ್ವಾಗತಿಸಿದರು, ಧನ್ಯವಾದ ಹೇಳಿದರು ಮತ್ತು ಭಾಗವಹಿಸಿದ್ದಕ್ಕಾಗಿ ಶ್ಲಾಘಿಸಿದರು. 

ಭಾರತದ ಗೌರವಾನ್ವಿತ ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು ಜಿ20 ಸಚಿವರುಗಳನ್ನು ಉದ್ದೇಶಿಸಿ ಭಾಷಣ ಮಾಡಿದರು. ಜಿ20 ರಾಷ್ಟ್ರವಾಗಿ, ಅಂತರಾಷ್ಟ್ರೀಯ ವ್ಯಾಪಾರ ಮತ್ತು ಹೂಡಿಕೆ ಕ್ರಮದಲ್ಲಿ ವಿಶ್ವಾಸವನ್ನು ಪುನರ್ನಿರ್ಮಿಸುವುದು ನಮ್ಮ ಜವಾಬ್ದಾರಿಯಾಗಿದೆ ಎಂದು ಪ್ರಧಾನಮಂತ್ರಿ ಅವರು ಹೇಳಿದರು. ಭವಿಷ್ಯದ ಆಘಾತಗಳನ್ನು ತಡೆದುಕೊಳ್ಳುವ ಮತ್ತು ಜಾಗತಿಕ ವ್ಯಾಪಾರದಲ್ಲಿ ಎಂ.ಎಸ್.ಎಂ.ಇ.ಗಳ ಹೆಚ್ಚಿನ ಭಾಗವಹಿಸುವಿಕೆಯನ್ನು ಖಚಿತಪಡಿಸಿಕೊಳ್ಳುವ ಚೇತರಿಸಿಕೊಳ್ಳುವ ಮತ್ತು ಅಂತರ್ಗತ ಜಾಗತಿಕ ಮೌಲ್ಯ ಸರಪಳಿಗಳನ್ನು ನಿರ್ಮಿಸುವ ಅಗತ್ಯವನ್ನು ಪ್ರಧಾನಮಂತ್ರಿ ಅವರು ವಿವರಿಸಿದರು. ನಿಯಮಾಧಾರಿತ, ಮುಕ್ತ, ಅಂತರ್ಗತ, ಬಹುಪಕ್ಷೀಯ ವ್ಯಾಪಾರ ವ್ಯವಸ್ಥೆಯಲ್ಲಿ ಹಾಗೂ ಡ.ಬ್ಲ್ಯು.ಟಿ.ಒ.ಜೊತೆಗೆ, ಭಾರತದ ದೃಢವಾದ ನಂಬಿಕೆಯ ಬಗ್ಗೆಯೂ ಪ್ರಧಾನಮಂತ್ರಿ ಅವರು ಮಾತನಾಡಿದರು. 

ಭಾರತದ ಅಧ್ಯಕ್ಷತೆಯಲ್ಲಿ, ಜೈಪುರದಲ್ಲಿ ನಡೆದ ಜಿ20 ವ್ಯಾಪಾರ ಸಚಿವರ ಸಭೆಯ ಫಲಿತಾಂಶದ ದಾಖಲೆಯಲ್ಲಿ ಅಳವಡಿಸಿಕೊಳ್ಳಲಾದ ಐದು ಮೂಲ ಮತ್ತು ಆಕ್ಷನ್-ಆಧಾರಿತ ವಿತರಣೆಗಳ ಮೇಲೆ ಅದ್ಭುತವಾದ ಒಮ್ಮತವನ್ನು ತಲುಪಿತು.

ಮೊದಲನೆಯದು, ವ್ಯಾಪಾರ ದಾಖಲೆಗಳ ಡಿಜಿಟಲೀಕರಣದ ಉನ್ನತ ಮಟ್ಟದ ತತ್ವಗಳನ್ನು ಅಳವಡಿಸಿಕೊಳ್ಳುವುದು, ಇದರಲ್ಲಿ ಜಿ20 ಮಂತ್ರಿಗಳು ಕಾಗದರಹಿತ ವ್ಯಾಪಾರಕ್ಕೆ ಪರಿಣಾಮಕಾರಿ ಪರಿವರ್ತನೆಯ ವಿವಿಧ ಆಯಾಮಗಳನ್ನು ಸಮಗ್ರವಾಗಿ ಒಳಗೊಂಡಿರುವ 10 ವಿಶಾಲ ತತ್ವಗಳನ್ನು ವಿವರಿಸಿದ್ದಾರೆ. ಈ ತತ್ವಗಳು ವಿದ್ಯುನ್ಮಾನ ವ್ಯಾಪಾರ-ಸಂಬಂಧಿತ ಡೇಟಾ ಮತ್ತು ದಾಖಲೆಗಳ ಗಡಿಯಾಚೆಗಿನ ವಿನಿಮಯಕ್ಕೆ ಸಂಬಂಧಿಸಿದ ಕ್ರಮಗಳನ್ನು ಅನುಷ್ಠಾನಗೊಳಿಸುವಲ್ಲಿ ದೇಶಗಳಿಗೆ ಮಾರ್ಗದರ್ಶನ ನೀಡುತ್ತವೆ, ಸುರಕ್ಷಿತ ಪರಸ್ಪರ ಕಾರ್ಯಸಾಧ್ಯವಾದ ಮತ್ತು ಪಾರದರ್ಶಕವಾದ ಕಾಗದರಹಿತ ಗಡಿಯಾಚೆಗಿನ ವ್ಯಾಪಾರ ಪರಿಸರದ ಅಗತ್ಯವನ್ನು ಒತ್ತಿಹೇಳುತ್ತವೆ. ಇದಲ್ಲದೆ, ಒಳಗೊಳ್ಳುವಿಕೆಯನ್ನು ತತ್ವಗಳಲ್ಲಿ ಒಂದಾಗಿ ಆದ್ಯತೆ ನೀಡಲಾಗಿದೆ, ಅಂತಹ ಪರಿವರ್ತನೆಯು ಎಲ್ಲಾ ಗಾತ್ರದ ವ್ಯವಹಾರಗಳಿಗೆ ಅವಕಾಶ ಕಲ್ಪಿಸುತ್ತದೆ ಎಂಬುದನ್ನು ಖಚಿತಪಡಿಸುತ್ತದೆ.

ಎಂಎಸ್.ಎಂ.ಇ ಗಳಿಗೆ ಮಾಹಿತಿಯ ಪ್ರವೇಶವನ್ನು ಹೆಚ್ಚಿಸಲು ಜಿ20 ಸಚಿವರುಗಳು ಜೈಪುರ ಸಭೆಯನ್ನು ಉಪಯೋಗಿದರು. ಎಂಎಸ್ಎಂಇಗಳು ಎದುರಿಸುತ್ತಿರುವ ಮಾಹಿತಿಯ ಅಂತರವನ್ನು ಪರಿಹರಿಸುವ ಐಟಿಸಿಯ ಜಾಗತಿಕ ವ್ಯಾಪಾರ ಸಹಾಯವಾಣಿಯ ಉನ್ನತೀಕರಣಕ್ಕಾಗಿ ಯುಎನ್ಸಿಟಿಎಡಿ ಮತ್ತು ಡಬ್ಲ್ಯುಟಿಒ ಜೊತೆ ಸಮಾಲೋಚಿಸಿ ವಿವರವಾದ ಅನುಷ್ಠಾನ ಯೋಜನೆಯಲ್ಲಿ ಕೆಲಸ ಮಾಡಲು ಜಿನೀವಾ ಅಂತರರಾಷ್ಟ್ರೀಯ ವ್ಯಾಪಾರ ಕೇಂದ್ರಕ್ಕೆ (ಐಟಿಸಿ) ಸಭೆ ಸೇರಿದ ಸಚಿವರು ಕರೆ ನೀಡಿದರು.

ದತ್ತಾಂಶ, ವಿಶ್ಲೇಷಣೆ ಮತ್ತು ಜಿವಿಸಿ ಡೇಟಾದ ಪ್ರಾತಿನಿಧ್ಯದ ಪ್ರಮುಖ ಬಿಲ್ಡಿಂಗ್ ಬ್ಲಾಕ್ಸ್ಗಳನ್ನು ಒಳಗೊಂಡಿರುವ ಜಿವಿಸಿ ಗಳಿಗಾಗಿ ಜಿ20 ಜೆನೆರಿಕ್ ಮ್ಯಾಪಿಂಗ್ ಫ್ರೇಮ್ವರ್ಕ್ ಅನ್ನು ಸಭೆ ಸೇರಿದ ಸಚಿವರು ಅನುಮೋದಿಸಿದರು. ವಲಯ ಮತ್ತು ಉತ್ಪನ್ನ ಮಟ್ಟಗಳಲ್ಲಿ ಜಿವಿಸಿಗಳ ಸ್ಥಿತಿಸ್ಥಾಪಕತ್ವವನ್ನು ಮೌಲ್ಯಮಾಪನ ಮಾಡಲು ಸಹಾಯ ಮಾಡಲು ಪ್ರಮುಖ ಆಯಾಮಗಳನ್ನು ಗುರುತಿಸಲು ಚೌಕಟ್ಟು ಇದು ಪ್ರತಿಪಾದಿಸಿದೆ. ಇದಲ್ಲದೆ, ನಿರ್ಣಾಯಕ ಜಿವಿಸಿಗಳನ್ನು ಚೇತರಿಸಿಕೊಳ್ಳುವ ಮತ್ತು ದೃಢವಾಗಿ ಇರಿಸಿಕೊಳ್ಳುವ ಅಗತ್ಯವನ್ನು ಪರಿಹರಿಸಲು ಸಹಯೋಗಕ್ಕಾಗಿ ಮಾರ್ಗದರ್ಶಿ ತತ್ವಗಳನ್ನು ಸಹ ಚೌಕಟ್ಟಿನಲ್ಲಿ ವಿವರಿಸಲಾಗಿದೆ

ಜಿ20 ಸಚಿವರುಗಳು ವೃತ್ತಿಪರ ಸೇವೆಗಳಿಗಾಗಿ ಪರಸ್ಪರ ಗುರುತಿಸುವಿಕೆ ಒಪ್ಪಂದಗಳ  ಉತ್ತಮ ಅಭ್ಯಾಸಗಳ ಸ್ವಯಂಪ್ರೇರಿತ ಹಂಚಿಕೆಯನ್ನು ಸ್ವಾಗತಿಸಿದರು ಮತ್ತು ವೃತ್ತಿಪರ ಸೇವೆಗಳಿಗಾಗಿ ಎಂಆರ್.ಎಗಳ ಕುರಿತು ಅಧ್ಯಕ್ಷತೆಯ ಅತ್ಯುತ್ತಮ ಅಭ್ಯಾಸಗಳ ಸಂಕಲನದ ಅಭಿವೃದ್ಧಿಯನ್ನು ಬೆಂಬಲಿಸಿದರು. ಉತ್ತಮ ಅಭ್ಯಾಸಗಳ ಸಂಕಲನವು ಎಂಆರ್.ಎಗಳಲ್ಲಿ ಯಶಸ್ವಿಯಾಗಿ ಪ್ರವೇಶಿಸುವುದನ್ನು ಉತ್ತೇಜಿಸುತ್ತದೆ, ಇದು ನಮ್ಮ ವೈದ್ಯರು, ದಾದಿಯರು, ವಕೀಲರು, ವಾಸ್ತುಶಿಲ್ಪಿ ಮತ್ತು ಇತರ ವೃತ್ತಿಪರರ ತಾಂತ್ರಿಕ ಅರ್ಹತೆಗಳನ್ನು ಇತರ ದೇಶಗಳಿಂದ ಗುರುತಿಸಲು ಅನುವು ಮಾಡಿಕೊಡುತ್ತದೆ. ಪ್ರಪಂಚದಾದ್ಯಂತ ತಮ್ಮ ತಾಂತ್ರಿಕ ಸೇವೆಗಳನ್ನು ಒದಗಿಸುವಲ್ಲಿ ಇದು ನಮ್ಮ ವೃತ್ತಿಪರರಿಗೆ ಅಪಾರವಾಗಿ ಸಹಾಯ ಮಾಡುತ್ತದೆ.

ನಿಯಂತ್ರಕ ವ್ಯತ್ಯಾಸಗಳು ಮತ್ತು ಸಂಬಂಧಿತ ವ್ಯಾಪಾರ ವೆಚ್ಚಗಳನ್ನು ಕಡಿಮೆ ಮಾಡಲು ಮತ್ತು ಅನಗತ್ಯ ವ್ಯಾಪಾರ ಘರ್ಷಣೆಗಳನ್ನು ತಡೆಗಟ್ಟಲು, ವ್ಯಾಪಾರ ಮತ್ತು ಹೂಡಿಕೆ-ಸಂಬಂಧಿತ ಕ್ರಮಗಳನ್ನು ಮೇಲ್ವಿಚಾರಣೆ ಮಾಡಲು ಮತ್ತು ಅಸ್ತಿತ್ವದಲ್ಲಿರುವ ಉದ್ರೇಕಕಾರಿಗಳನ್ನು ಪರಿಹರಿಸಲು ಪರಸ್ಪರ ಸಂವಾದಗಳ ಪ್ರಾಮುಖ್ಯತೆಯನ್ನು ಜಿ20 ಮಂತ್ರಿಗಳು ಒಪ್ಪಿಕೊಂಡರು. ಉತ್ತಮ ನಿಯಂತ್ರಕ ಅಭ್ಯಾಸಗಳು ಮತ್ತು ಮಾನದಂಡಗಳಂತಹ ಸಾಮಾನ್ಯ ಆಸಕ್ತಿಯ ವಿಷಯಗಳನ್ನು ಚರ್ಚಿಸಲು ಸದಸ್ಯರು, ನೀತಿ ನಿರೂಪಕರು, ನಿಯಂತ್ರಕರು, ಪ್ರಮಾಣಿತ-ಹೊಂದಿಸುವ ಸಂಸ್ಥೆಗಳು ಮತ್ತು ಇತರ ಮಧ್ಯಸ್ಥಗಾರರನ್ನು ಒಟ್ಟುಗೂಡಿಸುವ 2023 ರಲ್ಲಿ ಜಿ20 ಮಾನದಂಡಗಳ ಸಂವಾದವನ್ನು ನಡೆಸಲು ಅಧ್ಯಕ್ಷತೆಯ ಸಲಹೆಯನ್ನು ಜಿ20 ಸಚಿವರುಗಳು ಸ್ವಾಗತಿಸಿದರು.

ಎಲ್ಲಾ ಐದು ಫಲಿತಾಂಶಗಳು ಜಿ20 ಸಚಿವರುಗಳಿಂದ ವ್ಯಾಪಕ ಬೆಂಬಲವನ್ನು ಪಡೆದವು.

2024 ರ ಆರಂಭದಲ್ಲಿ ವಿಶ್ವ ವ್ಯಾಪಾರ ಸಂಸ್ಥೆಯ (ಡಬ್ಲ್ಯೂಒ) ಇದರ 13 ನೇ ಸಚಿವ ಸಮ್ಮೇಳನದಲ್ಲಿ (ಎಂಸಿ13) ಒಪ್ಪಂದಕ್ಕಾಗಿ ವಾಸ್ತವಿಕ ವಿತರಣೆಗಳನ್ನು ಸಂಕುಚಿತಗೊಳಿಸುವಂತೆ ಎಲ್ಲಾ ಜಿ20 ಸಚಿವರಗಳನ್ನು ತನ್ನ ಮುಖ್ಯ ಭಾಷಣದಲ್ಲಿ, ವಿಶ್ವ ವ್ಯಾಪಾರ ಸಂಸ್ಥೆಯ ಮಹಾನಿರ್ದೇಶಕ ಡಾ. ನ್ಗೋಜಿ ಒಕೊಂಜೊ-ಇವಾಲಾ ಅವರು ಉತ್ತೇಜಿಸಿದರು. ಈ ನಿಟ್ಟಿನಲ್ಲಿ, ಜಿ20 ಡಬ್ಲ್ಯೂಒ ಗಳೊಂದಿಗೆ ಬಹುಪಕ್ಷೀಯ ವ್ಯಾಪಾರ ವ್ಯವಸ್ಥೆಯ ಅಗತ್ಯ ಪಾತ್ರವನ್ನು ಸಚಿವರುಗಳು ಪುನರುಚ್ಚರಿಸಿದರು. ಡಬ್ಲ್ಯುಟಿಒದ ನಿಯಮ ರಚನೆಯ ಅಂಗವನ್ನು ಬಲಪಡಿಸುವ ತಮ್ಮ ಬದ್ಧತೆಯನ್ನು ಅವರು ಪುನರುಚ್ಚರಿಸಿದರು ಮತ್ತು ಡಬ್ಲ್ಯುಟಿಒದಲ್ಲಿ ನಡೆಯುತ್ತಿರುವ ಮಾತುಕತೆಗಳ ಪ್ರಾಮುಖ್ಯತೆಯನ್ನು ಒತ್ತಿಹೇಳಿದರು. ಗಮನಾರ್ಹವಾಗಿ, ಡಬ್ಲ್ಯುಟಿಒದ 13 ನೇ ಸಚಿವರುಗಳ ಸಮ್ಮೇಳನದಲ್ಲಿ (ಎಂಸಿ13) ಸುಧಾರಣೆ ಸೇರಿದಂತೆ ಧನಾತ್ಮಕ ಫಲಿತಾಂಶಗಳನ್ನು ಖಚಿತಪಡಿಸಿಕೊಳ್ಳಲು ರಚನಾತ್ಮಕವಾಗಿ ಕೆಲಸ ಮಾಡಲು ಜಿ20 ಸಚಿವರುಗಳು ಒಪ್ಪಿಕೊಂಡರು.

ಇಂದು ಅಳವಡಿಸಿಕೊಂಡ ಫಲಿತಾಂಶದ ದಾಖಲೆಪತ್ರ ಮತ್ತು ಸಾರಾಂಶವು ಜಿ20 ನ https://www.g20.org/en  ವೆಬ್ಸೈಟ್ನಲ್ಲಿ ಲಭ್ಯವಿರುತ್ತದೆ - 

*****