وزیراعظم کا دفتر
وزیر اعظم کی جمہوریہ سینیگال کے صدر کے ساتھ میٹنگ
Posted On:
24 AUG 2023 11:26PM by PIB Delhi
وزیر اعظم جناب نریندر مودی نے 24 اگست 2023 کو جوہانسبرگ میں 15 ویں برکس سربراہ اجلاس کے موقع پر جمہوریہ سینیگال کے صدر عزت مآب جناب میکی سال سے ملاقات کی۔
دونوں رہنماؤ ں نے تجار ت و سرمایہ کاری ، دفاع و سلامتی ، توانائی ، کان کنی،زراعت ، فارما سیوٹکلس ، ریلوے، صلاحیت ساز ی، ثقافت اور دونوں ممالک کے عوام کے درمیان باہمی تعلقات سمیت مختلف شعبوں میں اپنی دو طرفہ شراکت داری کومزید مضبوط کرنے کے طریقوں پر مثبت بات چیت کی۔
وزیر اعظم نے ’وائس آف گلوبل ساؤتھ سمٹ‘ میں شرکت کرنے اور پچھلے سال افریقی یونین میں ان کی مضبوط قیادت کے لئے صدر سال کی تعریف کی ۔
صدر سال نے چندریان مشن کی کامیابی پر وزیر اعظم کو مبارکباد دی اور جی -20 میں افریقی یونین کی مستقل رکنیت کے لئے ہندوستان کی کوششوں کے لئے اس کاشکریہ ادا کیا۔ انہوں نے ترقی پذیر دنیا کی ترجیحات کی حمایت کرنے کے لئے وزیر اعظم کی قیادت کی تعریف کی اور ہندوستان کی صدارت میں آئندہ جی -20 سربراہ کانفرنس کی کامیابی کے لئے اپنی طرف سے نیک خواہشات کا اظہار کیا۔
***********
ش ح ۔ ق ت - م ش
U. No.8802
(Release ID: 1951912)
Visitor Counter : 127
Read this release in:
Assamese
,
English
,
Hindi
,
Marathi
,
Manipuri
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam