কলচর মিনিস্তরশিংগী মীফম ওগস্ত ২৬,২০২৩ দা লোইশিন্নবা হয়েংদগী বরানাসীদা ৪শুবা জি-২০ কলচর ৱার্কিং গ্রুপ(সি দব্লিউ জি) মীফম হৌরগনি। মীফম অদুদা জি-২০ মেম্বর লৈবাকশিং, চেবাউ পীবা লৈবাকশিং অমসুং মালেমগী তোঙান-তোঙানবা লুপশিং শরুক য়াগনি।

খাজুরাহো, ভুবনেশ্বর অমসুং হাম্পিদা পাংথোকখিবা মমাঙগী কলচর ৱার্কিং গ্রুপকী মীফম অহুম, গ্লোবেল থিমেতিক ৱেবিনার ৪ দগী শেমগৎলক্তুনা, ওগস্ত ২৩-ওগস্ত ২৫.২০২৩ ফাওবা বরানাসীদা পাংথোক্কদৌরিবা ৪শুবা জি-২০ কলচর ৱার্কিং গ্রুপকী মীফম অসিনা থৌশিল শেম্বদা কলচরনা ময়াইদা থমদুনা থবক ওইনা পাংথোক্নবা পান্দম থম্লি।

সি.দব্লিউ.জিগী মরুওইবা হিরমশিংদা পাংথোকখিবা গ্লোবেল থিমেতিক ৱেবিনারশিংগী ৱারেপশিংগী অপুনবা রিপোর্ত ‘জি-২০ কলচর: সেপিং দি গ্লোবেল নেরতিপ ফোর ইনক্লুসিপ গ্রোথ’ শেম্লে। ভারতনা জি-২০গী প্রসিদেন্ত ওইবগী কলচর ৱার্কিং গ্রুপকী রিপোর্ত অসি কলচর মিনিস্তরশিংগী মীফমগী শরুক অমাওইনা বরানাসীদা ফোঙগনি।

ভারতনা প্রসিদেন্ত ওইবা মতমদা পুথোক্লিবা মরুওইবা হিরম মরী- নাৎকী লন-থুমশিং ঙাক-শেনবা অমসুং অমুক হিঙ্গৎহনবা, তুংগী লিভিং হেরিতেচ য়োকখৎপা, কলচর অমসুং ক্রিয়েতিপ ইন্দস্ত্রিশিং অমসুং ক্রিয়েতিপ ইকোনোমি য়োকখৎপা অমসুং কলচর য়োকখৎনবা অমসুং ঙাক-শেন্নবা দিজিতেল তেক্নোলোজি শীজিন্নবা অসি থবক ওইনা পাংথোক্নবা খন্ননবা কলচর মিনিস্তরশিংগী মীফমদা খন্নগনি।

মখল কয়াগী কলচরশিং অমসুং ফুরুপশিংগী মরক্তা শান্তি ওইনা পুন্না হিংমিন্নবদা য়ুম্ফম ওইদুনা মালেমগী লুপশিংদা ভারতনা থম্লিবা অচেৎপা থাজবা উৎনবা ভারতনা ‘কলচর য়ুনাইতস ওল্ল’ কেম্পেন হৌদোক্লে। কেম্পেন অসি ইকায়খুম্নবা উৎপা ওইনা ওগস্ত ২৬,২০২৩দা দি.দব্লিউ.জিনা অখন্নবা স্তাম্প অমা ফোঙগনি। ‘কলচর য়ুনাইতস ওল্ল’ পোস্তেচ স্তাম্প অসিদা কলচর একচেঞ্জ তৌনবগী পাউ ফাউনবা, মরী শেমগৎপা অমসুং খোঙচৎকী ৱাখল্লোনশিং য়াওরি।

মীফম মনুংদা, দেলিগেদশিংনা মালেমদা মমিং লৈরবা গঙ্গা তুরেলগী তোর্বান্দা পাংথোকপা গঙ্গা আর্তি য়েংগনি অমসুং সরনাথকী লাইওন কেপিতেলগী পুৱারিগী ফজবা য়েংগনি। “সুর ভাসুধা” মিংথোনবা অখন্নবা জি-২০ গ্লোবেল ওকেস্ত্রা পাংথোক্তুনা জি-২০ মেম্বর লৈবাকশিং অমসুং চেবাউ পীদুনা শরুক য়ারিবা লৈবাকশিংগী  ঈশৈ অমসুং হেরিতেচশিং উৎকনি। মখোয়না বরানাসীদা লৈরিঙৈদা দেলিগেদশিংনা ভারতকী ক্লাসিকেল ঈশৈ অমসুং জগোয়শিং য়েংগনি।

২০২০দা, সাউদি অরাবিয়ানা প্রসিদেন্ত ওইবা মতমদা, জি-২০গী নাকলদা অহানবা ওইনা কলচর মিনিস্তরশিংগী মীফম পাংথোকখি। ২০২১দা, ইতালিনা প্রসিদেন্ত ওইবা মতমদা, ৱার্কিং গ্রুপ অমা শেমদুনা কলচর অসি শক খঙখি অমসুং মসিদগী জি-২০ কলচর মিনিস্তরশিংগী মীফম পাংথোকপা হৌখি অমসুং ‘রোম কলচর মিনিস্তরস দিক্লারেসন’ লৈখি। ইন্দোনেসিয়ানা প্রসিদেন্ত ওইবা মতমদা ২০২২গী ‘বালি দিক্লারেসন’ না চাউখৎ-থৌরাংদা কলচরগী থৌদাংগী মতাংদা মখা তানা খন্নখি। বরানাসীদা পাংথোক্কদৌরিবা মীফম অসি জি-২০ মেম্বর লৈবাকশিংগী কলচর মিনিস্তরশিংগী মরীশুবা মীফম্নি অমসুং চেবাউ পীবা লৈবাকশিং মীফম অসিদা শরুক য়াগনি।

****