ফাইনান্সিয়েল ইনক্লুজনদা নেস্নেল মিসন প্রধান মন্ত্রী জন ধন য়োজনা (পি.এম.জে.দি.ৱাই.) হায়না খংনবা অসি ২০১৪গী ওগস্ত ২৮দা হৌদোকখি অমসুং মসি চহি ৯ মপুং ফারক্লে। বেঙ্কশিংনা লানখৎলকপা খ্বাইদগী নৌবা রিপোর্তকী মতুং ইন্না ২০২৩গী ওগস্ত ৯দা জন ধন একাউন্তশিংগী মশিং করোর ৫০ হেনখ্রে। একাউন্তশিং অসিগী মনুংদা একাউন্ত চাদা ৫৬ নুপীশিংগীনি অমসুং একাউন্ত চাদা ৬৭ রুরেল/ সেমি-অর্বান এরিয়াশিংদা হাংদোকখি। একাউন্তশিং অসিদা দিপোজিৎশিং লুপা করোর লাখ ২.০৩গী মথক্নি অমসুং একাউন্তশিং অসিদা রুপে কার্দ চাউরাক্না করোর ৩৪ মমল লৌদনা ইসু তৌখ্রে। পি.এম.জে.দি.ৱাই. একাউন্তশিংদা এবরেজ বেলেন্স অসি লুপা ৪,০৭৬নি অমসুং পি.এম.জে.দি.ৱাই. একাউন্ত করোর ৫.৫ হেনবনা দি.বি.তি.গী কানবশিং ফংলি।

পি.এম.জে.দি.ৱাই. স্কিমনা লৈবাক্কী ফাইনান্সিয়েল লেন্দস্কেপ অহোংবা পুরকপদা মায় পাক্লে অমসুং অহলশিংদা বেঙ্ক একাউন্তকী খুদোংচাবা ফংহল্লে। পি.এম.জে.দি.ৱাই.গী মায়পাকপা অসি তেক্নোলোজী, কোলাবোরেসন অমসুং ইনোবেসনগী খুত্থাংদা ফোর্মেল বেঙ্কিং সিস্তেমগা লোয়ননা অরোইবা মাইল ফাওবা কনেক্ত তৌনবা হোৎনবা অমগা লোয়ননা স্কিমগী কমপ্রেহেন্সিব নেচরদা ওইরি।

পি.এম.জে.দি.ৱাই.না একাউন্ত হোল্দরশিংদা মিনিমম বেলেন্সকী মথৌতাবা য়াওদবা বেঙ্ক একাউন্ত, লুপা লাখ ২গী এক্সিদেন্ত ইন্সুরেন্সগা লোয়ননা ফ্রী ওফ কোস্ত রুপে দেবিত কার্দশিং অমসুং লুপা লিশিং ১০০০০ ফাওবগী ওবরদ্রাফ ফেসিলিতীগুম্বা কানবা কয়া অমা পীরি।

****