ঙসি কেমিকেলস অমসুং ফর্তিলাইজরস, হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর মনসুখ মন্দাবিয়ানা রাজ্যগী এগ্রিকলচর মিনিস্তরশিংগা উন্দুনা লৈবাক অসিদা হার ফংবা অমসুং শীজিন্নবগী মতাংদা হন্না য়েংশিনখি। নেনো য়ুরিয়া, নেনো দি.এ.পি অমসুং অতোপ্পা হারশিং য়োকখৎনবা রাজ্যশিংনা পায়খৎলিবা থবকশিংগী মতাংদশু মহাক হন্না য়েংশিনখি।

য়ুনিয়ন মিনিস্তরনা মীফম অদুদা হায়খি হৌজিক স্তোক মেত্রিক তন লাখ ১৫০ লৈদুনা লৈবাক অসিদা হার মরাং কাইনা লৈরি। মসিগী স্তোক অসি হৌজিক্কী কালেন লৌরোক অসি খক্তগী নত্তনা লাক্লিবা নিংথম লৌরোক্কী হৌরকপা ফাওবা শীজিন্নবা য়াগনি।

দোক্তর মন্দাবিয়ানা হায়খি লৈহাও কন্নবা কেমিকেল হারশিং কা হেন্না শীজিন্নবা হন্থহনবা দরকার ওই। মসিগী মতাংদা কেন্দ্র সরকারনা পি.এম প্রনাম স্কিমগী মওংদা থবক অমা পায়খৎলে। থবকশিং অসিগী মনুংদা তপ্ন-তপ্না থাদোকপা সলফর তৈরবা য়ুরিয়া(য়ুরিয়া গোল্দ), নেনো য়ুরিয়া, নেনো দি.এ.পি অমসুং অতোপ্পা হারশিং শীজিন্নদুনা মালেম ইমা কন্নবা থবকশিং য়াওরি। থবক অসিদা রাজ্য সরকারশিংনা থৱায় য়াওনা শরুক য়ানিংবা ফোঙদোক্লে।

লৌমীশিংগী দরকার ওইবশিং মফম অমা খুদিংমক ফংহন্নবা লৈবাক শীনবা থুংনা পি.এম.কে.এস.কেশিং থবক হৌনবা খন্নবা অমা লৈরে। হায়রিবা পি.এম.কে.এস.কেশিং অসিদা রাজ্যগী এগ্রিকলচর মিনিস্তরশিং অমসুং রাজ্য সরকারগী ওফিসিএলশিং চাংনাইনা চৎনবা অমসুং লৌমীশিং ৱাখল তাহন্নবা মহাক্না অপীল তৌখি।

লৌউ-শিংউগী থবক নত্তবা হিরমদা য়ুরিয়া শীজিন্নবা থিংনবা রাজ্যশিং/য়ু.তিশিংদা য়ুনিয়ন মিনিস্তর অপীল তৌখি। মহাক্না হায়খি অতোপ্পা হিরমশিংদা য়ুরিয়া শীজিন্নবা হন্থহণ্নবা রাজ্যশিং/য়ু.তিশিংনা এৱারনেস কেম্পেনশিং পাংথোক্কদবনি অমসুং অরানবা তৌবশিংগী মথক্তা অকনবা থবক লৌখৎকদবনি। কেন্দ্র সরকার অমসুং রাজ্য সরকারশিংগী এগ্রিকলচর দিপার্তমেন্তশিংগী ফর্তিলাইজর ফ্লাইং স্কার্দশিংনা পুন্না থিজিনবদা য়ুরিয়া লান্না শীজিন্নবা য়ুনিতশিংগী মথক্তা এফ.আই.আর ৪৫ রেজিস্তার তৌরে, মিক্সর য়ুনিত ৩২ লাইসেন্স কক্লে অমসুং মিক্সর য়ুনিত ৭৯ দি-ওথোরাইজ পীরে অমসুং ইসেন্সিএল কম্মোদিতিস এক্ত এন্দ প্রিভেন্সন ওফ ব্লেক মার্কেত্তিং এক্তকী মখাদা অকনবা থবকশিং লৌখৎলে। অসিগুম্বা অরানবা তৌবশিংগী মথক্তা রাজ্য সরকারশিংনা তুমিন্না য়েংদুনা লৈথোক্ত্রে।

অতোপ্পা হার শীজিন্নবা পুক্নিং থৌগৎনবা অমসুং কেমিকেল হারশিং শীজিন্নবা হন্থহন্নবা কেন্দ্র অমসুং রাজ্যশিংনা দরকার ওইবা থবকশিং লৌখৎনবা ৱারেপ লৌদুনা মীফম অদু লোইশিনখি। হন্দক হৌদোকখিবা পি.এম-প্রনাম, য়ুরিয়া গোল্দ, নেনো য়ুরিয়া, নেনো-দি.এ.পি রাজ্যশিংনা মশক খঙলে অমসুং লৌমীশিংগী য়াইফনবা অফবা ফলশিং ফংনবা থবক পায়খৎনবা ৱারেপ লৌখি।

মীফম অদুদা তোঙান-তোঙানবা রাজ্যশিংগী এগ্রিকলচর মিনিস্তরশিং অমসুং রাজ্য সরকারশিংগী সেনিয়ার ওফিসারশিং অমসুং ফর্তিলাইজর দিপার্তমেন্ত অমসুং এগ্রিকলচর অমসুং ফারমর্স ৱেলফিয়ার দিপার্তমেন্তগী সেনিয়র ওফিসারশিং শরুক য়াখি।

****