88.94% പൊതുജന പരാതികൾ തീർപ്പാക്കി; 9.70 ലക്ഷത്തിൽ 8.63 ലക്ഷം പരാതികൾ തീർപ്പാക്കി

ന്യൂ ഡൽഹി: 22 ഓഗസ്റ്റ് 2023

23.12.2022 ലെ ദേശീയ ശില്പശാലയിൽ എടുത്ത തീരുമാനങ്ങളുടെ തുടർച്ചയായി, 2023 ജൂൺ-ജൂലൈ മാസങ്ങളിലെ "സെക്രട്ടേറിയറ്റ് പരിഷ്കരണങ്ങൾ" എന്ന പ്രതിമാസ റിപ്പോർട്ട് ഡിഎആർപിജി പ്രസിദ്ധീകരിച്ചു.

2023 ജൂൺ-ജൂലൈ മാസത്തെ റിപ്പോർട്ടിലെ പ്രധാന ഭാഗങ്ങൾ ഇനിപ്പറയുന്നവയാണ്:

 1. ശുചിത്വ പ്രചാരണവും കെട്ടിക്കിടക്കുന്ന കേസുകളുടെ കുറയ്ക്കലും:

 a. 3.22 ലക്ഷം ഫയലുകള് പരിശോധിച്ചു. നീക്കം ചെയ്യേണ്ട 1.96 ലക്ഷം ഫയലുകളില്, 1.49 ലക്ഷം ഫയലുകള് നീക്കം ചെയ്തു
 b. ലഭിച്ച 9.70 ലക്ഷം പൊതു പരാതികളിൽ 8.63 ലക്ഷം പരാതികൾ തീർപ്പാക്കി; തീർപ്പാക്കൽ നിരക്ക് - 88.94%
 c. 2023 ജൂൺ-ജൂലൈ മാസങ്ങളിൽ 40.64 ലക്ഷം ചതുരശ്രയടി സ്ഥലം വൃത്തിയാക്കി
 d. 2023 ജൂൺ-ജൂലൈ മാസങ്ങളിൽ സ്ക്രാപ്പ് നിർമാർജനത്തിലൂടെ 37.56 കോടി രൂപ വരുമാനം നേടി    
 e. 7,186 സ്ഥലങ്ങളില് ശുചീകരണ യജ്ഞം നടത്തി

2. തീരുമാനമെടുക്കുന്നതിൽ കാര്യക്ഷമത വർദ്ധിക്കുന്നു:

a. ഇന്ത്യാ ഗവൺമെന്റിന്റെ എല്ലാ മന്ത്രാലയങ്ങളും വകുപ്പുകളും 'ഡിലെയറിങ്' സ്വീകരിച്ചു - 60 പൂർണ്ണമായും 19 ഭാഗികമായും
b. 43 മന്ത്രാലയങ്ങൾ / വകുപ്പുകൾ 2021-2023 പ്രതിനിധി ക്രമവുമായി ബന്ധപ്പെട്ട ഉത്തരവ് അവലോകനം ചെയ്യുകയും പരിഷ്കരിക്കരിക്കുകയും ചെയ്തു
c. 40 മന്ത്രാലയങ്ങളിലും വകുപ്പുകളിലും 'ഡെസ്ക് ഓഫീസർ' സംവിധാനം പ്രവർത്തിക്കുന്നു

3. ഇ-ഓഫീസ് നടപ്പാക്കലും വിശകലനവും:

a. ഇ-ഓഫീസ് 7.0 സ്വീകരിക്കേണ്ട 75 മന്ത്രാലയങ്ങളും ഇ-ഓഫീസ് 7.0 സ്വീകരിച്ചു
b. കേന്ദ്ര സെക്രട്ടേറിയറ്റിൽ 27.44 ലക്ഷം സജീവ ഇ-ഫയലുകളും, 9.24 ലക്ഷം സജീവ ഭൗതിക ഫയലുകളും ഇപ്പോഴുണ്ട്
c. 10 മന്ത്രാലയങ്ങൾക്കും വകുപ്പുകൾക്കും 2023 ജൂൺ മാസത്തിൽ 100% ഇ-രസീതുകൾ ഉണ്ട്
d. 2023 ജൂണിൽ ഇ-രസീതുകൾ 2023 മെയ് മാസത്തിലെ 91.43 ശതമാനത്തിൽ നിന്ന് 91.92 ശതമാനമായി ഉയർന്നു

****************************************************************