ભારતીય તટરક્ષક દળે 16-17 ઓગસ્ટ 23ની મધ્યરાત્રિએ મુંબઈથી દૂર અરબી સમુદ્રમાં આશરે 200 કિ.મી.ના અંતરે આવેલા પનામાના ફ્લેગવાળા સંશોધન જહાજ એમવી ડોંગ ફેંગ કાન ટેન નંબર 2માંથી એક ચીની નાગરિકને તબીબી રીતે બહાર કાઢવાની કામગીરી સફળતાપૂર્વક હાથ ધરી છે. આ સ્થળાંતર પડકારજનક હવામાનની સ્થિતિ અને અંધારી રાત વચ્ચે કરવામાં આવ્યું હતું.

મુંબઈના મેરીટાઈમ રેસ્ક્યુ કો-ઓર્ડિનેશન સેન્ટરને એવી માહિતી મળી હતી કે સંશોધન જહાજમાં સવાર યીન વેઈગયાંગ નામના ક્રૂમાંથી એકને કાર્ડિયાક એટેક આવ્યો છે અને તેને તાત્કાલિક તબીબી સારવારની જરૂર છે. ચીનથી યુએઈ જવાના માર્ગ પર આવેલા અને જરૂરી ટેલિમેડિસિન સલાહ પૂરી પાડતા જહાજ સાથે તરત જ સંદેશાવ્યવહાર સ્થાપિત કરવામાં આવ્યો હતો.

ઝડપથી સ્થળાંતર કરવા અને ત્યાર બાદના તબીબી વ્યવસ્થાપન માટેના શ્રેષ્ઠ શક્ય વિકલ્પોને ધ્યાનમાં રાખીને, દર્દીને સીજી એએલએચ એમકે-III દ્વારા એરલિફ્ટ કરવામાં આવ્યો હતો અને પ્રાથમિક સારવાર આપવામાં આવી હતી. બાદમાં તેને વધુ તબીબી સંચાલન માટે વહાણના એજન્ટમાં સ્થાનાંતરિત કરવામાં આવ્યો હતો.

સીજી એએલએચ અને સીજીએસ દમણ દ્વારા અંધારાનાં કલાકો દરમિયાન હાથ ધરવામાં આવેલા ઝડપી ઓપરેશનને કારણે દરિયામાં એક વિદેશી નાગરિકનું કિંમતી જીવન બચાવવામાં મદદ મળી હતી, જેણે "અમે રક્ષણ કરીએ છીએ" એ સૂત્ર પ્રત્યે ભારતીય તટરક્ષક દળની કટિબદ્ધતાની પુષ્ટિ કરી હતી.

CB/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com