ന്യൂ ഡൽഹി: ഓഗസ്റ്റ് 16, 2023

2023 ജൂലൈയില് സംസ്ഥാനങ്ങള്ക്കുള്ള കേന്ദ്രീകൃത പൊതു പരാതി പരിഹാര-നിരീക്ഷണ സംവിധാനം  (സിപിജിആര്എഎംഎസ്)12-ാമത് പ്രതിമാസ റിപ്പോര്ട്ട്, ഭരണപരിഷ്കാര-പൊതു പരാതി വകുപ്പ് (ഡിഎആര്പിജി) പുറത്തിറക്കി. പൊതുജനങ്ങളുടെ പരാതികളുടെ തരങ്ങളും വിഭാഗങ്ങളും തീർപ്പാക്കുന്നതിന്റെ സ്വഭാവവും സംബന്ധിച്ച വിശദമായ വിശകലനം ഈ റിപ്പോർട്ട് നൽകുന്നു.

2023 ജൂലൈയിൽ സംസ്ഥാനങ്ങളും കേന്ദ്രഭരണ പ്രദേശങ്ങളും 69,523 പരാതികൾ പരിഹരിച്ചു. സിപിജിആര്എഎംഎസ് പോര്ട്ടലില് ലഭിച്ച പരാതികളുടെ എണ്ണം 1,79,077 ആയി കുറഞ്ഞു.

2023 മെയ് മുതൽ, സിപിജിആർഎഎംഎസ് പോർട്ടലിലെ പ്രകടനത്തിന്റെ അടിസ്ഥാനത്തിൽ സംസ്ഥാനങ്ങളെയും കേന്ദ്രഭരണ പ്രദേശങ്ങളെയും റാങ്കുചെയ്യുന്ന പ്രക്രിയ ഡിഎആര്പിജി ആരംഭിച്ചു. നിലവിൽ, വടക്കുകിഴക്കൻ സംസ്ഥാനങ്ങൾ, കേന്ദ്രഭരണ പ്രദേശങ്ങൾ എന്നിങ്ങനെ 2 വിഭാഗങ്ങളിലായി സംസ്ഥാനങ്ങളെയും കേന്ദ്രഭരണ പ്രദേശങ്ങളെയും ഡിഎആർപിജി റാങ്കു ചെയ്യുന്നത്. പരാതികൾ ലഭിക്കുന്നതിന്റെ എണ്ണത്തെ അടിസ്ഥാനമാക്കി സംസ്ഥാനങ്ങൾക്കായി മറ്റ് രണ്ട് വിഭാഗങ്ങളായും  വിഭജിക്കുന്നു.

സംസ്ഥാനങ്ങളെയും കേന്ദ്രഭരണ പ്രദേശങ്ങളെയും അവരുടെ പരാതി പരിഹാര സംവിധാനം അവലോകനം ചെയ്യുന്നതിനും കാര്യക്ഷമമാക്കുന്നതിനും മറ്റ് സംസ്ഥാനങ്ങളുമായും കേന്ദ്രഭരണ പ്രദേശങ്ങളുമായും താരതമ്യം ചെയ്യുന്നതിനും സഹായിക്കുന്നതിനുള്ള ഇന്ത്യാ ഗവൺമെന്റിന്റെ ശ്രമത്തിന്റെ ഭാഗമാണ് ഈ റാങ്കിംഗ്. പരാതി പരിഹാര സൂചികയിൽ 2 മാനങ്ങളും 4 സൂചകങ്ങളും ഉൾപ്പെടുന്നു.