Ka Tnat ka koit ka khiah jong ka Sorkar Pdeng
Ha ka lyngkhuh sngi ioh jinglaitluid kaba 77, ai jingsngewnguh u Myntri Rangbah Duh ia ki nurse, ki doktor bad kiwei kiwei kiba la trei shitom ban pynkylla ia ka lawei jong ka ri
La khot sngewbha ia 50 ngut ki nurse na kylleng ka ri kum ki Nongshah khot Kyrpang ban peit ia ka jingrakhe lyngkhuh Sngi ioh Jinglaitluid na ka Red Fort
“Ka khlam Covid ka la hikai ia ngi ba ka roi ka par jong ka pyrthei kam lah ban long khlem ka rukom treikam kaba peit shuwa ia ka bha ka miat jong ki briew”
“Ki Jan Aushadhi Kendra ki la ai ka bor kaba thymmai ia ki briew jong ka ri da kaba tyngkai haduh T. 20,000 klur”
"Ka thong ka dei ban kyntiew ka jingdon ki Jan Aushadhi Kendra sha 25,000 tylli ki Kendra"
Posted On:
15 AUG 2023 11:05AM by PIB Shillong
Kum shi bynta ka jingrakhe ia ka lyngkhuh sngi ioh jinglaitluid ha New Delhi, la khot sngewbha ia 50 ngut ki nurse bad kiba haiing jong ki na kylleng ka ri kum ki Nongshahkhot Kyrpang ban peit bad iashim bynta ha ka jingrakhe na Red Fort. Kine ki Nongshahkhot Kyrpang ki long napdeng ki 1800 ngut ki Nongshahkhot Kyrpang kiba trei ha ki kam bapher bapher kum ki Sarpanch, ki nonghikai, ki nongrep bad ki nongtong nongri dohkha.
U Myntri Rangbah Duh u la ai jingsngewnguh ia ki nurse, ki doktor bad kiwei kiwei kiba la trei shitom ban pynkylla ia ka lawei jong ka ri. U la ong ba ka khlam Covid ka la hikai ia ngi ba ka roi ka par jong ka pyrthei kam lah ban long khlem ka rukom treikam kaba peit shuwa ia ka bha ka miat jong ki briew.
Addressing the nation on Independence Day. https://t.co/DGrFjG70pA
— Narendra Modi (@narendramodi) August 15, 2023
U la kren shaphang ki jingpyrshang jong ka Sorkar ban kyntiew ia ka jingplie lad ia baroh ban ioh ia ki lad jingsumar ha kaba u la ong ba ka Sorkar ka la bei tyngka haduh T. 70,000 klur ha ka Ayushman Bharat kaba ai T.5 lak ka jingkyrshan ha ka shi snem na ka bynta ki jingsumar ia ki longiing BPL.
200 करोड़ वैक्सिनेशन का काम हमारी आंगनवाड़ी वर्कर, आशा वर्कर, हेल्थ वर्कर ने करके दिखाया है।#IndependenceDayIndia pic.twitter.com/3uzC6LPL3a
— Dr Mansukh Mandaviya (@mansukhmandviya) August 15, 2023
Ha ka jingai jingkren jong u ha kane ka sngi, u la iaroh ia kito kiba trei ha ki kam ai jingsumar khamtam ki nongtrei Anganwadi bad ki ASHA kiba la trei met bad mynsiem ban pynurlong ia ka jingai palat 200 klur ki dawai tika Covid. “Ka jingiarap ia ka pyrthei ha ka por jong ka khlam bad hadien ka khlam ka la pyni ba ka India ka dei ka paralok jong ka pyrthei,” u la ong.
U la kren shaphang ‘Kawei ka Pyrthei, Kawei ka Koit ka Khiah bad Kawei ka Lawei’ ha kaba u la ong “Ki Jan Aushadhi Kendra ki la ai ka bor kaba thymmai ia ki briew jong ka ri da kaba tyngkai haduh T. 20,000 klur. U la ong ba ka ri kan trei ha kine ki por ban wan da kaba buh thong ban kyntiew ia ka jingdon 10000 tylli ki Jan Aushadhi Kendra mynta sha ka 25,000 tylli ki Kendra.
****
(Release ID: 1949015)
Visitor Counter : 76