লৈবাক্কীদমক থৱায় থাখ্রবা ‘অথৌবশিং’দা শ্রদ্ধাঞ্জলি কৎনবগীদমক হয়েং ২০২৩গী ওগস্ত ৯দা লৈবাক পুম্বদা “মেরী মাতী মেরা দেশ” কেম্পেন হৌদোক্লগনি। ২০২৩গী ওগস্ত ৯দগী ওগস্ত ৩০ ফাওবা চত্থগদবা “মেরী মাতী মেরা দেশ” কেম্পেনদা খুঙ্গং অমসুং ব্লোক লেবেল, লোকেল অর্বান বোদীশিং লোয়ননা রাজ্য অমসুং জাতিগী থাক্তা পাংথোকপা থৌরমশিং য়াওগনি।

কেম্পেন অসিদা অথৌবশিংবু নিংশিংনবা লৈবাক পুম্বদা তোঙান তোঙানবা থৌরমশিং পাংথোক্কনি। খুঙ্গংগী পঞ্চায়ৎশিংদা মখোয়বু নিংশিংদুনা শিলাফলকম (মেমোরিয়েল প্লেক) ইন্সতোল তৌগনি। কেম্পেন অসি ‘অজাদী কা অমৃত মহোত্সব’ লোইশিনবগী থৌরমনি। অজাদী কা অমৃত মহোত্সব ২০২১গী মার্চ ১২দা হৌদোকখি অমদি মসিদা লৈবাক পুম্বদা লাখ ২দগী হেনবা থৌরমশিংগা লোয়ননা পাক শন্না মীয়াম্না শরুক য়াখি।

ভারতকী প্রধান মন্ত্রী শ্রী নরেন্দ্র মোদীনা মহাক্কী মন কী বাত থৌরমদা কেম্পেন অসি হন্দক্তা লাউথোকখি। কেম্পেন অসিনা থৌনা ফরবা ফ্রীদম ফাইতরশিং অমসুং লৈবাক্কীদমক থৱায় থাখ্রবা অথৌবশিংবু ইকায় খুম্নবা উৎনবা পান্দম থম্লি।

কেম্পেন অসিদা ফ্রীদম ফাইতরশিং অমসুং সেক্যুরিতী ফোর্সশিংদা কত্থোক্লবা শিলাফলকম ইস্তাব্লিস তৌবগুম্বা থৌরমশিংগা লোয়ননা পঞ্চ প্রান প্লেদজ, বসুধা বন্দন, বীরোং কা বন্দনগুম্বা ইনিসিয়েতিবশিং য়াওগনি মদুনা ঐখোয়গী অথৌবশিংগী থৌনা ফবা কত্থোকখিবশিং অদু ইকায় খুম্নগনি। খুঙ্গং, পঞ্চায়ৎ, ব্লোক, তাউন, সিতী, ম্যুনিসিপালিতীনচিংবদগী মফমদুগী অথৌবশিংগী কত্থোকখিবগী স্পিরিতপু ইকায় খুম্নবা শিলাফলকম নত্রগা মেমোরিয়েল প্লেকশিং অর্বান অমসুং রুরেল এরিয়াশিংদা য়ুংগনি। মসিদা লমদম অদুগী মনুং চনবা লৈবাক্কীদমক থৱায় থাখ্রবা মীওইশিংগী মমিংগা লোয়ননা প্রধান মন্ত্রীগী পাউজেল য়াওগনি।

দিল্লীদা ‘অমৃত ৱাতিকা’ শেম্নবগীদমক কলশ ৭৫০০দা লৈবাক্কী কাচিন-কোয়াশিংদগী লৈপাক পুরক্তুনা ‘অমৃত কলশ য়াত্রা’ পাংথোক্কনি। ‘অমৃত ৱাতিকা’ অসি ‘এক ভারত শ্রেস্থ ভারত’কী কমিতমেন্তকী খুদম ওইগনি।

পাক শন্না শরু য়াবা পুক্নিং থৌগৎনবা ৱেবসাইত https://merimaatimeradesh.gov.in হৌদোক্লে মদুদা মীয়াম্না লৈপাক নত্রগা লৈপাক্কী থাউমৈ পায়বা সেলফী অপলোদ তৌবা য়াগনি। অসুম্না তৌবনা মখোয় ভারতপু চাফখৎপা লৈবাক অমা ওইহনবা, মীনায় নায়থাংগী ৱাখল্লোন মুথৎপা, ঐখোয়গী ইনাক খুল্লবা হেরিতেজগী চাউথোকচবা, য়ুনিতী অমসুং সোলিদরিতী ঙাক্না থম্বা, নাগরিক ওইবগী থৌদাং পাংথোকপা অমসুং লৈবাকপু ঙাক্তুনা থম্লিবশিংগী ইকায় খুম্নবদা মীৎয়েং থম্বগা লোয়ননা পঞ্চ প্রানগী ৱাশক লৌগনি। অমুকপু ৱাশক লৌখ্রবা শরুক য়াবগী দিজিতেল সর্তিফিকেত ৱেবসাইত্তগী দাউনলোদ তৌবা য়াগনি। 

লৈবাক পুম্বদা চত্থগদবা কেম্পেন অসি ২০২৩গী ওগস্ত ১৫দা পাংথোক্কদবা ইন্দিপেন্দেন্ত নুমিৎ ফাওবা সেদ্যুল প্রোগ্রামশিংগা লোয়ননা ওগস্ত ৯দা হৌগনি। মদুগী মতুং ২০২৩গী ওগস্ত ১৬দগী হৌরগা ব্লোক, ম্যুনিসিপালিতী/কোর্পোরেসন, অমসুং রাজ্যগী থাক্তা থৌরমশিং পাংথোক্কনি। লোইশিনবগী থৌরম শক্নাইরবশিংনা শরুক য়াদুনা নই দিল্লীগী কর্তব্যা পাথদা ২০২৩গী ওগস্ত ৩০ পাংথোক্কনি। মেরী মাতী মেরা দেশ কেম্পেনগী মখাদা তোঙান তোঙানবা এক্তিবিতীশিংদা ইনফোর্মেশনগীদমক পোর্তেল https:// yuva.gov.in দা এক্সেস তৌবা য়াগনি।

হৌখিবা চহিদা “হর ঘর তিরঙ্গা” প্রোগ্রাম পুম্নমক্না শরুক য়াদুনা চাউনা মায় পাকপা অমা ওইখি। চহি অসিদসু ২০২৩গী ওগস্ত ১৩-১৫গী মরক্তা হর ঘর তিরঙ্গা পাংথোক্কনি। মফম খুদিংদা লৈরিবা ভারতমচাশিংনা জাতিগী ফিরাল পাইহনবা য়াই, তিরঙ্গাগা লোয়ননা সেলফী নমবা য়াই অমসুং হর ঘর তিরঙ্গা ৱেবসাইত্তা অপলোদ তৌবা য়াই।

মেরী মাতী মেরা দেশ ৱেবসাইত https://merimaatimeradesh.gov.in

পোর্তেল https:// yuva.gov.in এক্সেস তৌবা য়াই

হর ঘর তিরঙ্গা ৱেবসাইত https://harghartiranga.com

****