ಚಾಲ್ತಿಯಲ್ಲಿರುವ ಆಮದು ನೀತಿಯ ಪ್ರಕಾರ, ಕಲ್ಲಿದ್ದಲನ್ನು ಓಪನ್ ಜನರಲ್ ಲೈಸೆನ್ಸ್ (OGL) ಅಡಿ ಇರಿಸಲಾಗಿದ್ದು, ಅನ್ವಯವಾಗುವ ಸುಂಕ ಪಾವತಿ ಆಧಾರದ ಮೇಲೆ ಗ್ರಾಹಕರು, ಒಪ್ಪಂದದ ಪ್ರಕಾರ ತಮ್ಮ ಆಯ್ಕೆಯ ಮೂಲದಿಂದ ಕಲ್ಲಿದ್ದಲು ಆಮದು ಮಾಡಿಕೊಳ್ಳಲು ಮುಕ್ತರಾಗಿದ್ದಾರೆ. ದೇಶದಲ್ಲಿ ಕಲ್ಲಿದ್ದಲಿನ ಬಹುಪಾಲು ಅಗತ್ಯವನ್ನು ಸ್ಥಳೀಯ ಉತ್ಪಾದನೆಯ ಮೂಲಕ ಪೂರೈಸಲಾಗುತ್ತದೆ. ಕಲ್ಲಿದ್ದಲಿನ ದೇಶೀಯ ಉತ್ಪಾದನೆ ಹೆಚ್ಚಿಸುವುದು ಮತ್ತು ಕಲ್ಲಿದ್ದಲಿನ ಅನಗತ್ಯ ಆಮದು ತಡೆಯುವುದು ಸರ್ಕಾರದ ಆದ್ಯತೆಯ ಗಮನವಾಗಿದೆ. 2022-23ರಲ್ಲಿ ಕಲ್ಲಿದ್ದಲು ಉತ್ಪಾದನೆಯು ಹಿಂದಿನ ವರ್ಷಕ್ಕಿಂತ ಸುಮಾರು 14.77% ಹೆಚ್ಚಾಗಿದೆ. ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಪ್ರಸಕ್ತ ವರ್ಷ  2023 ಜುಲೈವರೆಗೆ, ದೇಶೀಯ ಕಲ್ಲಿದ್ದಲು ಉತ್ಪಾದನೆ 9.2% ಹೆಚ್ಚಾಗಿದೆ. ಪ್ರಸಕ್ತ ವರ್ಷ 2023-24ರಲ್ಲಿ ದೇಶೀಯ ಕಲ್ಲಿದ್ದಲು ಉತ್ಪಾದನೆಯು 1 ಬಿಲಿಯನ್ ಟನ್ (ಬಿಟಿ)ಗಿಂತ ಹೆಚ್ಚಾಗಲಿದೆ ಎಂದು ಅಂದಾಜಿಸಲಾಗಿದೆ.

ವಿದ್ಯುತ್ ವಲಯಕ್ಕೆ ದೇಶೀಯ ಕಲ್ಲಿದ್ದಲು ಸ್ವೀಕೃತಿಯು 2019-20ರಲ್ಲಿ ಇದ್ದ 569.5 ದಶಲಕ್ಷ ಟನ್‌(ಎಂಟಿ)ಗಳಿಂದ 2022-23ರ ಅವಧಿಯಲ್ಲಿ 731.7 ದಶಲಕ್ಷ ಟನ್ ಗೆ ಅಂದರೆ ವಾರ್ಷಿಕ ಸಂಯುಕ್ತ ಬೆಳವಣಿಗೆ ದರ (ಸಿಎಜಿಆರ್) 8.6%ಗೆ ಏರಿದೆ ಎಂದು ಕೇಂದ್ರ ವಿದ್ಯುತ್ ಪ್ರಾಧಿಕಾರ (ಸಿಇಎ) ವರದಿ ಮಾಡಿದೆ. ಇದಲ್ಲದೆ, 2023 ಏಪ್ರಿಲ್ - ಜೂನ್ ಅವಧಿಯಲ್ಲಿ, ಕಳೆದ ವರ್ಷದ ಇದೇ ಅವಧಿಯ 16.36 ದಶಲಕ್ಷ ಟನ್ ಗೆ ಹೋಲಿಸಿದರೆ ವಿದ್ಯುತ್ ವಲಯದಿಂದ ಕಲ್ಲಿದ್ದಲು ಆಮದು 14.21 ದಶಲಕ್ಷ ಟನ್ ಮಟ್ಟಕ್ಕೆ ಇಳಿದಿದೆ. ಸಿಇಎ ಡೈಲಿ ಕಲ್ಲಿದ್ದಲು ವರದಿ ಪ್ರಕಾರ, ಥರ್ಮಲ್ ಪವರ್ ಪ್ಲಾಂಟ್ ಗಳಲ್ಲಿ 2023 ಆಗಸ್ಟ್ 5ಕ್ಕೆ ಅನ್ವಯವಾಗುವಂತೆ, ಲಭ್ಯವಿರುವ ಕಲ್ಲಿದ್ದಲು ದಾಸ್ತಾನು 32.09 ದಶಲಕ್ಷ ಟನ್ ಆಗಿದೆ, ಇದು ಸುಮಾರು 16 ದಿನಗಳವರೆಗೆ ಸಾಕಾಗುತ್ತದೆ.
 
ಕಲ್ಲಿದ್ದಲು ಉತ್ಪಾದನೆಯಲ್ಲಿ ದೇಶವನ್ನು ಸ್ವಾವಲಂಬಿಯಾಗಿಸಲು ಸರ್ಕಾರವು ಕೈಗೊಂಡ ಕ್ರಮಗಳು ಈ ಕೆಳಗಿನಂತಿವೆ:
 
·        ಕಲ್ಲಿದ್ದಲು ಬ್ಲಾಕ್‌ಗಳ ಅಭಿವೃದ್ಧಿ ತ್ವರಿತಗೊಳಿಸಲು ಕಲ್ಲಿದ್ದಲು ಸಚಿವಾಲಯದ ನಿಯಮಿತ ಪರಾಮರ್ಶೆಗಳು.

·       2021ರ ಗಣಿ ಮತ್ತು ಖನಿಜಗಳ (ಅಭಿವೃದ್ಧಿ ಮತ್ತು ನಿಯಂತ್ರಣ) ತಿದ್ದುಪಡಿ ಕಾಯಿದೆಯ ಅಗತ್ಯತೆಗಳನ್ನು ಪೂರೈಸಿದ ನಂತರ ಬಂಧಿತ ಗಣಿ ಮಾಲೀಕರು (ಪರಮಾಣು ಖನಿಜಗಳನ್ನು ಹೊರತುಪಡಿಸಿ) ತಮ್ಮ ವಾರ್ಷಿಕ ಖನಿಜ (ಕಲ್ಲಿದ್ದಲು ಸೇರಿದಂತೆ) ಉತ್ಪಾದನೆಯ 50% ವರೆಗೆ ಮುಕ್ತ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಲು ಅನುವು ಮಾಡಿಕೊಡುತ್ತದೆ. ಅಂತಹ ಹೆಚ್ಚುವರಿ ಮೊತ್ತದ ಪಾವತಿಯ ಮೇಲೆ ಕೇಂದ್ರ ಸರ್ಕಾರವು ಸೂಚಿಸಬಹುದಾದ ರೀತಿಯಲ್ಲಿ ಗಣಿಯೊಂದಿಗೆ ಜೋಡಿಸಲಾದ ಸ್ಥಾವರಗಳು.

·       ಕಲ್ಲಿದ್ದಲು ಗಣಿಗಳ ಕಾರ್ಯಾಚರಣೆ ವೇಗಗೊಳಿಸಲು ಕಲ್ಲಿದ್ದಲು ವಲಯಕ್ಕೆ ಏಕಗವಾಕ್ಷಿ ಅನುಮೋದನೆ ಪೋರ್ಟಲ್.

·       ಕಲ್ಲಿದ್ದಲು ಗಣಿಗಳ ಆರಂಭಿಕ ಕಾರ್ಯಾಚರಣೆಗಾಗಿ ವಿವಿಧ ಅನುಮೋದನೆ, ಅನುಮತಿ ಪಡೆಯಲು ಕಲ್ಲಿದ್ದಲು ಬ್ಲಾಕ್ ಹಂಚಿಕೆದಾರರ ಮೇಲೆ ಹಿಡಿತ ಸಾಧಿಸಲು ಯೋಜನಾ ನಿರ್ವಹಣಾ ಅಥವಾ ಮೇಲ್ವಿಚಾರಣೆ ಘಟಕ.

·       ಆದಾಯ ಹಂಚಿಕೆಯ ಆಧಾರದ ಮೇಲೆ ವಾಣಿಜ್ಯ ಗಣಿಗಾರಿಕೆಯ ಹರಾಜು 2020ರಲ್ಲಿ ಪ್ರಾರಂಭವಾಯಿತು. ವಾಣಿಜ್ಯ ಗಣಿಗಾರಿಕೆ ಯೋಜನೆಯ ಅಡಿ, ಅಂತಿಮ ಕೊಡುಗೆಯಲ್ಲಿ 50% ರಿಯಾಯಿತಿಯನ್ನು ನಿಗದಿತ ಉತ್ಪಾದನೆಯ ದಿನಾಂಕಕ್ಕಿಂತ ಮುಂಚಿತವಾಗಿ ಉತ್ಪಾದಿಸಲಾದ ಕಲ್ಲಿದ್ದಲಿನ ಪ್ರಮಾಣಕ್ಕೆ ಅನುಮತಿಸಲಾಗುತ್ತದೆ. ಅಲ್ಲದೆ, ಕಲ್ಲಿದ್ದಲು ಅನಿಲೀಕರಣ ಅಥವಾ ದ್ರವೀಕರಣಕ್ಕೆ (ಅಂತಿಮ ಕೊಡುಗೆಯಲ್ಲಿ 50% ರಿಯಾಯಿತಿ) ಪ್ರೋತ್ಸಾಹ ನೀಡಲಾಗಿದೆ.

·       ಕೋಲ್ ಇಂಡಿಯಾ ಲಿಮಿಟೆಡ್ ತನ್ನ ಭೂಗತ ಗಣಿಗಳಲ್ಲಿ, ಮುಖ್ಯವಾಗಿ ನಿರಂತರ ಗಣಿಗಾರರು ಸಾಧ್ಯವಿರುವಲ್ಲೆಲ್ಲಾ ಬೃಹತ್ ಉತ್ಪಾದನಾ ತಂತ್ರಜ್ಞಾನಗಳನ್ನು ಅಳವಡಿಸಿಕೊಳ್ಳುತ್ತಿದ್ದಾರೆ. ಕೋಲ್ ಇಂಡಿಯಾ ಲಿಮಿಟೆಡ್ ಕೈಬಿಟ್ಟ, ಸ್ಥಗಿತಗೊಂಡ ಗಣಿಗಳ ಲಭ್ಯತೆಯ ದೃಷ್ಟಿಯಿಂದ ಹೆಚ್ಚಿನ ಸಂಖ್ಯೆಯ ಹೈವಾಲ್‌ಗಳ ಗಣಿಗಳನ್ನು ಕೆಲಸ ಮಾಡಲು ಯೋಜಿಸಿದೆ. ಕೋಲ್ ಇಂಡಿಯಾ ಲಿಮಿಟೆಡ್ ಸಹ ಸಾಧ್ಯವಿರುವಲ್ಲೆಲ್ಲಾ ದೊಡ್ಡ ಸಾಮರ್ಥ್ಯದ ಭೂಗತ ಗಣಿಗಳನ್ನು ಯೋಜಿಸುತ್ತಿದೆ.

·       ಓಪನ್‌ಕಾಸ್ಟ್ ಗಣಿಗಳಲ್ಲಿ, ಕೋಲ್ ಇಂಡಿಯಾ ಲಿಮಿಟೆಡ್ ಈಗಾಗಲೇ ತನ್ನ ಉನ್ನತ ಸಾಮರ್ಥ್ಯದ ಅಗೆಯುವ ಯಂತ್ರಗಳು, ಡಂಪರ್‌ಗಳು ಮತ್ತು ಮೇಲ್ಮೈ ಮೈನರ್ಸ್‌ಗಳಲ್ಲಿ ಅತ್ಯಾಧುನಿಕ ತಂತ್ರಜ್ಞಾನ ಹೊಂದಿದೆ. ಡಿಜಿಟಲೀಕರಣವನ್ನು ಅದರ 7 ಮೆಗಾ ಮೈನ್‌ಗಳಲ್ಲಿ ಪ್ರಾಯೋಗಿಕ ಪ್ರಮಾಣದಲ್ಲಿ ಪ್ರಯತ್ನಿಸಲಾಗುತ್ತಿದೆ ಮತ್ತು ಅದನ್ನು ಮತ್ತಷ್ಟು ಪುನರಾವರ್ತಿಸಲಾಗುತ್ತದೆ.

·       SCCL ಪ್ರಸ್ತುತ ಇರುವ 67 ದಶಲಕ್ಷ ಟನ್ ನಿಂದ 2023-24ರ ವೇಳೆಗೆ 75 ದಶಲಕ್ಷ ಟನ್ ಉತ್ಪಾದಿಸಲು ಯೋಜಿಸಿದೆ. ಹೊಸ ಯೋಜನೆಗಳ ಗ್ರೌಂಡಿಂಗ್‌ಗಾಗಿ ನಿಯಮಿತ ಸಂಪರ್ಕ ಕೈಗೊಳ್ಳಲಾಗುತ್ತಿದೆ. ಹೆಚ್ಚುವರಿಯಾಗಿ, ಹೊಸ ಯೋಜನೆಗಳ ಚಟುವಟಿಕೆಗಳ ಪ್ರಗತಿ ಮತ್ತು ಚಾಲ್ತಿಯಲ್ಲಿರುವ ಯೋಜನೆಗಳ ಕಾರ್ಯಾಚರಣೆಗಳನ್ನು ನಿಯಮಿತವಾಗಿ ಮೇಲ್ವಿಚಾರಣೆ ಮಾಡಲಾಗುತ್ತಿದೆ.
 
ಕಲ್ಲಿದ್ದಲು ತೆರವು ಮತ್ತು ವಿತರಣಾ ಸಾಮರ್ಥ್ಯಗಳನ್ನು ಹೆಚ್ಚಿಸಲು ಕಲ್ಲಿದ್ದಲು ಸಚಿವಾಲಯವು ರೈಲ್ವೆ ಸಚಿವಾಲಯದೊಂದಿಗೆ ಸಮನ್ವಯ ಸಾಧಿಸುತ್ತಿದೆ. ಪ್ರಸ್ತುತ, ಕಲ್ಲಿದ್ದಲು ವಿತರಣಾ ಸಾಮರ್ಥ್ಯಗಳ ವಿಸ್ತರಣೆಗಾಗಿ ರೈಲ್ವೆ ಸಚಿವಾಲಯದ ಸಹಯೋಗದೊಂದಿಗೆ 13 ರೈಲ್ವೆ ಮಾರ್ಗಗಳನ್ನು ನಿರ್ಮಿಸಲಾಗುತ್ತಿದೆ, ಅವು ನಿರ್ಮಾಣದ ವಿವಿಧ ಹಂತಗಳಲ್ಲಿವೆ.

ಕಲ್ಲಿದ್ದಲಿನ 1 ಬಿಲಿಯನ್ ಟನ್ ಯಾಂತ್ರೀಕೃತ ನಿರ್ವಹಣಾ ಸಾಮರ್ಥ್ಯ ಸಾಧಿಸಲು 3 ಹಂತಗಳಲ್ಲಿ 885 ದಶಲಕ್ಷ ಟನ್ ಸಾಮರ್ಥ್ಯದೊಂದಿಗೆ ಒಟ್ಟು 67 ಫಸ್ಟ್ ಮೈಲ್ ಕನೆಕ್ಟಿವಿಟಿ ಯೋಜನೆಗಳನ್ನು ತೆಗೆದುಕೊಳ್ಳಲಾಗುತ್ತಿದೆ. ಪ್ರಧಾನ ಮಂತ್ರಿ ಗತಿ ಶಕ್ತಿಯ ಗುರಿಗೆ ಅನುಗುಣವಾಗಿ ಕಲ್ಲಿದ್ದಲು ಸಚಿವಾಲಯವು 26000 ಕೋಟಿರೂ. ವೆಚ್ಚದಲ್ಲಿ ಬಹುಮಾದರಿ ಸಂಪರ್ಕ ಅಭಿವೃದ್ಧಿಪಡಿಸುವ ರೈಲ್ವೆ ಯೋಜನೆಗಳನ್ನು ಕೈಗೆತ್ತಿಕೊಂಡಿದೆ. 

ವಿದ್ಯುತ್ ವಲಯಕ್ಕೆ ನಿರಂತರ ಕಲ್ಲಿದ್ದಲು ಪೂರೈಕೆಯನ್ನು ಖಚಿತಪಡಿಸಿಕೊಳ್ಳಲು ವಿದ್ಯುತ್ ಸಚಿವಾಲಯ, ಕಲ್ಲಿದ್ದಲು ಸಚಿವಾಲಯ, ರೈಲ್ವೆ ಸಚಿವಾಲಯ, ಸಿಇಎ, ಸಿಐಎಲ್ ಮತ್ತು ಎಸ್ ಸಿಸಿಎಲ್ ಪ್ರತಿನಿಧಿಗಳನ್ನು ಒಳಗೊಂಡ ಅಂತರ-ಸಚಿವಾಲಯದ ಉಪಗುಂಪು ಶಾಖೋತ್ಪನ್ನ ವಿದ್ಯುತ್ ಸ್ಥಾವರಗಳಿಗೆ ಕಲ್ಲಿದ್ದಲು ಪೂರೈಕೆ ಹೆಚ್ಚಿಸಲು ವಿವಿಧ ಕಾರ್ಯಾಚರಣೆಯ ನಿರ್ಧಾರಗಳನ್ನು ತೆಗೆದುಕೊಳ್ಳಲು ನಿಯಮಿತವಾಗಿ ಸಭೆ ಸೇರುತ್ತಿದೆ. ವಿದ್ಯುತ್ ಸ್ಥಾವರಗಳಲ್ಲಿನ ನಿರ್ಣಾಯಕ ಕಲ್ಲಿದ್ದಲು ದಾಸ್ತಾನು ಸ್ಥಿತಿಯ ನಿವಾರಣೆ ಸೇರಿದಂತೆ ವಿದ್ಯುತ್ ವಲಯಕ್ಕೆ ಸಂಬಂಧಿಸಿದ ಯಾವುದೇ ಅನಿಶ್ಚಿತ ಸಂದರ್ಭಗಳನ್ನು ಪೂರೈಸಲು ಇಂತಹ ಸಭೆಗಳನ್ನು ನಡೆಸಲಾಗುತ್ತಿದೆ. ಇದರ ಜೊತೆಗೆ, ಕಲ್ಲಿದ್ದಲು ಪೂರೈಕೆ, ವಿದ್ಯುತ್ ಉತ್ಪಾದನೆ ಸಾಮರ್ಥ್ಯ ಹೆಚ್ಚಳದ ಮೇಲ್ವಿಚಾರಣೆಗಾಗಿ ಅಧ್ಯಕ್ಷರು, ರೈಲ್ವೆ ಮಂಡಳಿ, ಕಾರ್ಯದರ್ಶಿ, ಕಲ್ಲಿದ್ದಲು ಸಚಿವಾಲಯ, ಕಾರ್ಯದರ್ಶಿ, ಪರಿಸರ, ಅರಣ್ಯ ಮತ್ತು ಹವಾಮಾನ ಬದಲಾವಣೆ ಸಚಿವಾಲಯ ಮತ್ತು ವಿದ್ಯುತ್ ಸಚಿವಾಲಯದ ಕಾರ್ಯದರ್ಶಿಗಳನ್ನು ಒಳಗೊಂಡ ಅಂತರ-ಸಚಿವಾಲಯ ಸಮಿತಿ ರಚಿಸಲಾಗಿದೆ.

ಕೇಂದ್ರ ಕಲ್ಲಿದ್ದಲು, ಗಣಿ ಮತ್ತು ಸಂಸದೀಯ ವ್ಯವಹಾರಗಳ ಸಚಿವ ಶ್ರೀ ಪ್ರಲ್ಹಾದ್ ಜೋಶಿ ಅವರು ಲೋಕಸಭೆಯಲ್ಲಿಂದು ಲಿಖಿತ ಉತ್ತರದಲ್ಲಿ ಈ ಮಾಹಿತಿ ನೀಡಿದ್ದಾರೆ.

****