ٹیلی کام ریگولیٹری اتھارٹی آف انڈیا (ٹرائی) نے آج "نشریات اور کیبل خدمات کے لیے ریگولیٹری فریم ورک کا جائزہ" پر مشاورتی پیپر جاری کیا۔

کیبل ٹی وی سیکٹر کی مکمل ڈیجیٹائزیشن کے مطابق، ٹرائی نے 3 مارچ 2017 کو نشریات اور کیبل خدمات کے لیے ریگولیٹری فریم ورک کو نوٹیفائی کیا۔   مدراس ہائی کورٹ اور سپریم کورٹ میں قانونی جانچ پڑتال کے بعد، یہ فریم ورک 29 دسمبر 2018 سے نافذ العمل ہوا۔

ریگولیٹری فریم ورک 2017 کے نفاذ کے بعد پیدا ہونے والے بعض مسائل کو حل کرنے کے لیے، اسٹیک ہولڈرز کے ساتھ ایک مناسب مشاورت کے بعد، ٹرائی نے 1 جنوری 2020 کو ترمیم شدہ فریم ورک 2020 کو نوٹیفائی کیا جس میں ٹیرف ترمیمی آرڈر 2020، انٹر کنکشن ترمیمی ضوابط 2020 اور کیو او ایس ترمیم ضوابط 2020 شامل ہیں۔

کچھ اسٹیک ہولڈرز نے ٹیرف ترمیمی آرڈر 2020، انٹر کنکشن ترمیمی ضوابط 2020 اور کیو او ایس  ترمیمی ضوابط 2020 کی دفعات کو بمبئی اور کیرالہ کی ہائی کورٹ سمیت مختلف ہائی کورٹس میں چیلنج کیا ۔ ہائی کورٹس نے  ترمیم شدہ فریم ورک 2020 کی توثیق کو سوائے چند دفعات کے برقرار رکھا ۔

نیٹ ورک کیپیسٹی فیس (این سی ایف)، ملٹی ٹی وی ہومز اور ترمیم شدہ فریم ورک 2020 کی طویل مدتی سبسکرپشنز سے متعلق دفعات کو نافذ کیا گیا تھا۔

تاہم، براڈکاسٹروں کی طرف سے نئے ٹیرف کے اعلان کے بعد، ٹرائی کو ڈسٹری بیوشن پلیٹ فارم آپریٹرز (ڈی پی اوز)، ایسوسی ایشنز آف لوکل کیبل آپریٹرز (ایل سی اوز) اور صارفین کی تنظیموں سے نمائندگی ملی۔ متعلقہ فریقوں نے اپنے آئی ٹی سسٹمز میں نئی شرحوں کو لاگو کرنے اور صارفین کو نئے ٹیرف نظام کی طرف منتقل کرنے میں ممکنہ طور پر مشکلات کو اجاگر کیا جس سے اختیارات کی باخبر مشق کے ذریعے  پے چینلز کی شرحوں میں اضافے اور  براڈکاسٹروں کے ذریعہ اعلان کردہ  خدمات کی وجہ سے  تقریباً تمام طرح کی خدمات  متاثر ہوں گی۔

ترمیم شدہ فریم ورک 2020 کے نفاذ سے متعلق مختلف مسائل پر غور و خوض کرنے اور آگے بڑھنے کا راستہ تجویز کرنے کے لیے، انڈین براڈکاسٹنگ اینڈ ڈیجیٹل فاؤنڈیشن (آئی بی ڈی ایف)، آل انڈیا ڈیجیٹل کیبل فیڈریشن (اے آئی ڈی سی ایف) اور ڈی ٹی ایچ ایسوسی ایشن کے اراکین پر مشتمل ٹرائی کی سرپرستی میں ایک کمیٹی تشکیل دی گئی تھی۔

کمیٹی نے ترمیم شدہ فریم ورک 2020 سے متعلق کئی مسائل کو غور کرنے کے لیے درج کیا۔ تاہم،  متعلقہ فریقوں نے ٹرائی  سے ان اہم مسائل کو فوری طور پر حل کرنے کی درخواست کی جو ترمیم شدہ فریم ورک 2020 کے ہموار نفاذ میں رکاوٹیں پیدا کر سکتے ہیں۔

متعلقہ فریقوں کی کمیٹی کی طرف سے شناخت کردہ مسائل کو حل کرنے کے لیے؛ ٹرائی نے 7 مئی 2022 کو "نئے ریگولیٹری فریم ورک برائے نشریات اور کیبل خدمات  سے متعلق مسائل" پر مشاورتی پیپر جاری کیا تاکہ ان مسائل پر متعلقہ فریقوں کے تبصرے حاصل کیے جا سکیں جو ترمیم شدہ فریم ورک 2020 کے مکمل نفاذ کے لیے زیر التواء تھے۔

مناسب مشاورت کے عمل کے بعد، ٹرائی نے 22 نومبر 2022 کو ٹیلی کمیونیکیشن (براڈکاسٹنگ اینڈ کیبل) سروسز (آٹھویں) (ایڈریس ایبل سسٹمز) ٹیرف (تیسری ترمیم) آرڈر، 2022 اور ٹیلی کمیونیکیشن (براڈکاسٹنگ اینڈ کیبل) سروسز انٹرکنکشن (ایڈریس ایبل سسٹمز) (چوتھی ترمیم) ضوابط، 2022 کو نوٹیفائی کیا جس میں درج ذیل امور شامل ہیں:

1. ٹی وی چینلز کی ایم آر پی پر تحمل کا تسلسل
2. 19 روپے کی حد  خدمات  میں شامل کرنے کے لیے ٹی وی چینل کی قیمت کی ایم آر پی پر
3. خدمات تشکیل دیتے وقت انفرادی چینلز کی مجموعی قیمت پر 45فیصد کی رعایت
4. براڈکاسٹر کی طرف سے 15فیصد اضافی مراعات خدمات پر بھی دی جائیں گی۔

متعلقہ فریقوں کی کمیٹی نے ٹرائی کے بعد میں غور وخوض کے لیے کئی دیگر مسائل بھی درج کیے ہیں۔ اس کے علاوہ، اتھارٹی نے براڈکاسٹروں، ایم ایس  اوز، ڈی ٹی ایچ  آپریٹرز اور ایل سی اوز کے نمائندوں کے ساتھ متعدد میٹنگیں کیں۔ ان میٹنگوں کے دوران کئی امور کو پیش کیا گیا۔ٹرائی نے مختلف فریقوں کی طرف سے دی گئی کچھ  اہم  تجاویز پر غور کیا ہے۔

ٹیرف، انٹر کنکشن اور کوالٹی آف سروس آف براڈکاسٹنگ اور کیبل سروسز جیسا کہ  متعلقہ فریقوں کی کمیٹی کے ذریعہ  شناخت شدہ اور  دوسرے متعلقہ فریقوں  کے ذریعہ تجویز  کردہ سے متعلق بقیہ مسائل کو حل کرنے کے لئے اتھارٹی متعلقہ فریقوں کے تبصروں کے لئے  یہ  مشاورتی پیپر جاری کر رہی ہے۔ مشاورتی کاغذ پر تحریری تبصرے 5 ستمبر 2023 تک  متعلقہ فریقوں  سے طلب کیے گئے ہیں۔ جوابی تبصرے، اگر کوئی ہے، 19 ستمبر 2023 تک جمع کیے جاسکتے ہیں۔تبصرے اور جوابی تبصرے  ترجیحی طور پر الیکٹرانک شکل میں اس ای میل آئی ڈی  :

advbcs-2@trai.gov.in and jtadvbcs-1@trai.gov.in پربھجے جاسکتے ہیں۔

 کسی وضاحت/معلومات کے لیے، جناب انل کمار بھاردواج، مشیر (بی اینڈ سی ایس) سے  اس ٹیلی فون  نمبر +91-11-23237922. پر رابطہ کیا جا سکتا ہے۔

**********

ش ح۔ اک    ۔ م  ص

 (U: 8078 )