କେନ୍ଦ୍ର ବିଜ୍ଞାନ ଓ ପ୍ରଯୁକ୍ତି ରାଷ୍ଟ୍ର ମନ୍ତ୍ରୀ (ସ୍ୱାଧୀନ ଦାୟିତ୍ୱ) ପିଏମଓ, କାର୍ମିକ, ଜନ ଅଭିଯୋଗ, ପେନସନ, ଆଣବିକ ଶକ୍ତି ଏବଂ ମହାକାଶ ରାଷ୍ଟ୍ର ମନ୍ତ୍ରୀ ଡକ୍ଟର ଜିତେନ୍ଦ୍ର ସିଂହ ଆଜି କହିଛନ୍ତି ଯେ ଉତ୍ତର ଭାରତର ପ୍ରଥମ ନଦୀ ପୁନରୁଦ୍ଧାର ପ୍ରକଳ୍ପ ଦେବିକା ଶୀଘ୍ର ସମ୍ପୂର୍ଣ୍ଣ ହେବାକୁ ଯାଉଛି । ‘ନମାମି ଗଙ୍ଗେ' ଭଳି ୧୯୦ କୋଟିରୁ ଅଧିକ ଟଙ୍କା ବ୍ୟୟରେ ନିର୍ମିତ ଏହି ପ୍ରକଳ୍ପର ଶୁଭାରମ୍ଭ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କରିଥିଲେ । ଜାମ୍ମୁ - କାଶ୍ମୀରର ଉଧମପୁର ଠାରେ ପବିତ୍ର ଦେବିକା ନଦୀର ପବିତ୍ରତା ରକ୍ଷା ପାଇଁ ପୃଥକ ଭାବେ ଗ୍ରହଣ କରାଯାଇଥିବା ତରଳ ବର୍ଜ୍ୟ ବସ୍ତୁ ପରିଚାଳନା ପ୍ରକଳ୍ପର ସମୀକ୍ଷା କରିବା ଅବସରରେ ଡଃ ଜିତେନ୍ଦ୍ର ସିଂହ ଏହା କହିଛନ୍ତି । 

ସମୀକ୍ଷା ବୈଠକରେ ଡଃ ଜିତେନ୍ଦ୍ର ସିଂହ କହିଛନ୍ତି ଯେ , ପବିତ୍ର ଗଙ୍ଗା ନଦୀର ଭଗିନୀ ଭାବେ ବିବେଚିତ ଦେବିକାଙ୍କର ଏକ ବଡ଼ ଧାର୍ମିକ ମହତ୍ତ୍ୱ ରହିଛି, ଯେଉଁ କାରଣରୁ ଦେବିକା ନଦୀର ପୁନରୁଦ୍ଧାର ପ୍ରକଳ୍ପ ଅଧୀନରେ ସମସ୍ତ ପରିବାରକୁ ସଂଯୋଗ କରୁଥିବା ପାଇପ୍ ଏବଂ ମ୍ୟାନହୋଲ୍ (ମାନବ ଗର୍ତ୍ତ)ର ନେଟୱାର୍କ ସହିତ ତରଳ ବର୍ଜ୍ୟ ବସ୍ତୁ ପରିଚାଳନା ପ୍ରକଳ୍ପ ଏହାର ପବିତ୍ରତା ରକ୍ଷା ପାଇଁ ୟୁଇଇଡି ଦ୍ୱାରା ନିର୍ମାଣ କରାଯାଉଛି । ଏହି ପ୍ରକଳ୍ପ ପାଇଁ ଆବଣ୍ଟିତ ୧୯୦ କୋଟି ପାଣ୍ଠି ମଧ୍ୟରୁ କେନ୍ଦ୍ର ଓ କେନ୍ଦ୍ରଶାସିତ ଅଞ୍ଚଳ ଯଥାକ୍ରମେ ୯୦ :୧୦ ଅନୁପାତରେ ଆବଂଟନ କରିଛନ୍ତି ବୋଲି ଡଃ ଜିତେନ୍ଦ୍ର ସିଂହ କହିଛନ୍ତି ।

ଡଃ ଜିତେନ୍ଦ୍ର ସିଂହ ଏହା ମଧ୍ୟ ସୂଚନା ଦେଇଛନ୍ତି ଯେ ତରଳ ବର୍ଜ୍ୟ ବସ୍ତୁ ପରିଚାଳନା ପ୍ରକଳ୍ପ ବ୍ୟତୀତ ଦେବିକା ନଦୀର ପୁନରୁଦ୍ଧାର ପ୍ରକଳ୍ପ ଅଧୀନରେ ଏକ କଠିନ ବର୍ଜ୍ୟ ବସ୍ତୁ ପରିଚାଳନା ପ୍ରକଳ୍ପ ମଧ୍ୟ ନିର୍ମାଣ କରାଯିବ, ଯାହା ଦେବିକା ନଦୀର ପବିତ୍ରତା ରକ୍ଷା କରିବା ପାଇଁ ଅନେକ ଦିଗରୁ ଗୁରୁତ୍ୱପୂର୍ଣ୍ଣ ।

ବୈଠକରେ ଡଃ ଜିତେନ୍ଦ୍ର ସିଂହ ଏହା ମଧ୍ୟ ସୂଚନା ପ୍ରଦାନ କରିଥିଲେ ଯେ , ସମାଜର ତୃଣମୂଳ ସ୍ତରର ପ୍ରତିନିଧି ଭାବେ ପିଆରଆଇଙ୍କ ଭୂମିକା ପ୍ରମୁଖ ଉନ୍ନୟନମୂଳକ ପ୍ରକଳ୍ପର ସଫଳତା ପାଇଁ ଗୁରୁତ୍ୱପୂର୍ଣ୍ଣ ଅଟେ । ବୈଠକରେ ଉପସ୍ଥିତ ଥିବା ପିଆରଆଇମାନେ ମନ୍ତ୍ରୀଙ୍କ ନିକଟରେ ଅନେକ ପ୍ରସଙ୍ଗ ଉତ୍‌ଥାପନ କରିଥିବା ବେଳେ ଯେତେ ଶୀଘ୍ର ସମ୍ଭବ, ସେହି ସମସ୍ୟା ଗୁଡିକର ସମାଧାନ କରିବାକୁ ବିଭିନ୍ନ ବିଭାଗକୁ ମନ୍ତ୍ରୀ ନିର୍ଦ୍ଦେଶ ଦେଇଥିଲେ ।

ବୈଠକରେ ଡିସି ଉଧମପୁର, ଉତ୍ତର ରେଳବାଇର ଅତିରିକ୍ତ ଡିଆରଏମ୍ ସଚିନ କୁମାର ବୈଶ୍ୟ, ଉଧମପୁର ଏସ୍‌ଏସ୍‌ପି ବଳଦେବ ରାଜ, ଡିଡିସି ଡଃ ବିନୋଦ କୁମାର, ବିଡିସି ସଦସ୍ୟମାନେ, ସରପଞ୍ଚ ମାନେ ଓ ପଞ୍ଚ ପ୍ରମୁଖ ଉପସ୍ଥିତ ଥିଲେ ।

*****

SSP