প্রধানমন্ত্রীগী লোইশঙ
প্রধান মন্ত্রী নরেন্দ্র মোদীনা খা অফ্রিকাগী রাস্ত্রপতিগা ৱারি শানখ্রে
ভারত অমসুং খা অফ্রিকানা কুতনিতিগী মরী লৈনরকপা চহি ৩০ মপুংফারকপগী হরাওবা ফোঙদোকপা ওইনা নাকল অনি মতেং পাংনবা হেনগৎলক্লিবা অসি লুচিংবা অনিনা খন্নখ্রে
ব্রিক্স মীফমগী থৌরাং তৌরিবগী মতাংদা রাস্ত্রপতি রামফোসানা প্রধান মন্ত্রীদা পাউদমখ্রে
ব্রিক্স মীফম শরুক য়ানবা মহাক জোহেন্সবর্গতা চৎনবা প্রধান মন্ত্রীনা থাজবা পীখ্রে
ভারতনা জি-২০গী প্রসিদেন্ত ওইরিবা অসিদা রাস্ত্রপতি রামাফোসানা মপুংফানা শৌগৎপা ফোঙদোকখ্রে
Posted On:
03 AUG 2023 8:28PM by PIB Imphal
ঙসি প্রধান মন্ত্রী শ্রী নরেন্দ্র মোদীনা তেলিফোন্দা খা অফ্রিকাগী রাস্ত্রপতি মাতেমালা রামাফোসাগা ৱারি শানখ্রে। চৎলিবা চহি অসিদা ভারত অমসুং খা অফ্রিকানা কুতনিতিগী মরী লৈনরকপা চহি ৩০ মপুংফারকপগী থৌরম পাংথোক্কদৌরিবা অসি য়াওনা নাকল অনি মতেং পাংনবা চাউখৎলক্লিবা অসি লুচিংবা অনিনা খন্নখ্রে।
খা অফ্রিকানা য়ুম্বু ওইদুনা ওগস্ত ২২-২৪,২০২৩দা পাংথোক্কদৌরিবা ব্রিক্স মীফম শরুক য়ানবা রাস্ত্রপতি রামাফোসানা প্রধান মন্ত্রীদা চেবাউ পীখ্রে। প্রধান মন্ত্রীনা চেবাউ অদু অয়াবা পীখ্রে অমসুং মীফম অসি শরুক য়ানবা মহাক জোহেন্সবর্গতা চৎকনি হায়না মহাক্না থাজবা পীখি।
মখোয়না লৈবাক অনিমক্না দরকার ওইবা ৱাফমশিং অমসুং মালেমগী ওইবা ৱাফমশিং খন্নখি।
ভারতনা জি-২০গী প্রসিদেন্ত ওইদুনা লৈবাক অসিনা পায়খৎলিবা থবকশিংদা রাস্ত্রপতি রামাফোসানা মপুংফানা শৌগৎপা ফোঙদোকখি অমসুং জি-২০ মীফম শরুক য়ানবা মহাক ভারত্তা চৎকনি হায়না মহাক্না ফোঙদোকখি।
মখা তানা পাউ ফাউনবা হায়না লুচিংবা অনিনা য়ানখি।
*****
(Release ID: 1945687)
Visitor Counter : 88
Read this release in:
Hindi
,
English
,
Urdu
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam