প্রধানমন্ত্রীগী লোইশঙ
য়ুম অমা ফংনবা মখোয়গী মঙলান মঙফাওনবগীদমক কালকাজি দিল্লিগী য়ুম ফংলবী নুপী অমনা প্রধান মন্ত্রী থাগৎনবা মহাক্কী মফমদা ইখ্রে
Posted On:
04 AUG 2023 10:31AM by PIB Imphal
‘জাহান ঝুগগী ৱাহান মাকান’ স্কিমগী মখাদা দিল্লিগী কালকাজিদা পাক্কাগী য়ুমশিং ফংলবা মীওইশিংনা মহাক্না থাগৎপা ফোঙদোকপগী চিথিশিং ইরকপদা হরাওবা ফোঙদোক্লদুনা ঙসি প্রধান মন্ত্রী শ্রী নরেন্দ্র মোদীনা ত্বিৎ তৌখ্রে।
মখোয় উনবা লাকখিবা এক্সতর্নেল এফেয়ার্স মিনিস্তর দোক্তর এস জয়সঙ্কারদা নুপীশিংনা চিথিশিং অদু খুৎশিন্নখি। বেনিফিসরিশিংনা হরাওবা ফোঙদোকখি অমসুং মখোয়গী মঙ মঙফাওন্নবা মখোয়গী মতেং পাংখিবা অমসুং স্কিমগী খুৎথাংদা মখোয় হিংনবদা লাইহনবগীদমক প্রধান মন্ত্রী থাগৎপা ফোঙদোকখি।
লায়রবশিংগী য়াইফনবা সরকারনা থবক তৌগনি হায়না প্রধান মন্ত্রীনা অমুক হন্না থাজবা পীখি।
প্রধান মন্ত্রীনা ত্বিৎ তৌখি;
“‘জাহান ঝুগগী ৱাহান মাকান’ স্কিমগী মখাদা দিল্লিগী কালকাজিদা পাক্কাগী য়ুমশিং ফংলবা ইমাশিং অমসুং ইচলশিংদগী চিথিশিং ফংবদা হরাওই। এক্সতর্নেল এফেয়ার্স মিনিস্তর@DrSJaishankar জিনা মফম অদুদা চৎলুবদা, নুপীশিংনা চিথিশিং পীরকখি অমসুং মখোয়না হরাওবা ফোঙদোকখি। মসিগী স্কিম অসিনা কমদৌনা চহি কয়া কুইনা মঙজরক্লবা মহাক্কী মঙলান মঙফাওনহনখিবগে অমসুং ইমুং-মনুংগী মীওই খুদিংমক্কী পু্সি হিংবদা লাইহনবগে হায়বগী মতাংদা মহাক্না ফোঙদোকখি। চিথিশিং অদুগীদমক ময়াম পুম্নমক থাগৎচরি। লায়রবশিংগী য়াইফনবা ঐখোয়গী সরকারনা থবক তৌরি। মখা তানা থবক তৌনবা থাজবা পীরি”।
*****
(Release ID: 1945673)
Visitor Counter : 163
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam