భారత సైన్యంలో, వైద్య & వైద్యేతర విభాగాల్లో ఉన్న మహిళల సంఖ్య ఇది:

• 01 జులై 2023 నాటికి భారత సైన్యంలోని వైద్య విభాగంలో మొత్తం మహిళల సంఖ్య:
• ఆర్మీ మెడికల్ కార్ప్స్ (ఏఎంసీ) - 1,212
• ఆర్మీ డెంటల్ కార్ప్స్ (ఏడీసీ) - 168
• మిలిటరీ నర్సింగ్ సర్వీస్ (ఎంఎన్‌ఎస్‌) - 3,841
• 01 జనవరి 2023 నాటికి భారత సైన్యంలో (ఏఎంసీ, ఏడీసీ, ఎన్‌ఎన్‌ఎస్‌ మినహా) మొత్తం మహిళా అధికారుల సంఖ్య 1,733

భారత సైన్యంలో మహిళల సంఖ్యను పెంచడానికి తీసుకొచ్చిన ప్రధాన కార్యక్రమాలు:

• పుణెలోని నేషనల్ డిఫెన్స్ అకాడమీలో మహిళా సైనిక అభ్యర్థుల కోసం సంవత్సరానికి 20 ఖాళీలు కేటాయిస్తున్నారు. 2022 జులై నుంచి ఇది అమలులోకి వచ్చింది.
• షార్ట్ సర్వీస్ కమిషన్‌, మహిళల కోసం 90 ఖాళీలు కేటాయించింది. వీటిలో 10 అదనపు ఖాళీలు 2023 జూన్ నుంచి అందుబాటులోకి వచ్చాయి.
• మహిళా అధికారులను ఈ కింది విభాగాల్లోకి తీసుకోవడానికి 2023 మార్చి నుంచి ఆమోదం లభించింది:

• సాయుధ విభాగాలు
• రీమౌంట్ అండ్ వెటర్నరీ కార్ప్స్

• సైన్యంలో పైలట్లుగా మహిళా అధికారులను 2021 జూన్ నుంచి అనుమతిస్తున్నారు
• భారత సైన్యంలోని మిలిటరీ పోలీస్ కార్ప్స్‌లో ఇతర ర్యాంకులుగా మహిళల నమోదు 2019 నుంచి ప్రారంభమైంది

రక్షణ శాఖ సహాయ మంత్రి శ్రీ అజయ్ భట్ ఈ రోజు రాజ్యసభలో లిఖితపూర్వక సమాధానం రూపంలో ఈ సమాచారం అందించారు. 

*****