প্রধানমন্ত্রীগী লোইশঙ
পি.এম.না জুলাই 29দা দিল্লীগী ভারত মন্দপমদা অখিল ভারতিয় শিক্ষা সামগম হৌদোক্কনি
নুমিৎ নিনি চত্থগদবা সামগমগাNEP 2020 হৌদোকখিবগী অহুমশুবা কুমওনগা মতা চান্নরি
পি.এম.না PM SHRI স্কিমগী মখাদা ফন্দগী অহানবা ইন্সতোলমেন্ত থাদোক্কনি
লোল 12দা ৱাহন্থোক হনখ্রবা এজুকেসন অমসুং স্কিল করিকলমগী লাইরিকশিং পি.এম.না ফোঙগনি
Posted On:
28 JUL 2023 6:45PM by PIB Imphal
প্রধান মন্ত্রী, শ্রী নরেন্দ্র মোদীনা জুলাই 29, 2023গী অয়ুক্কী পুং 10 তাবা মতমদা দিল্লীগী প্রগতী মৈদান্দা লৈবা ভারত মন্দপমদা অখিল ভারতিয় শিক্ষা সামগম হৌদোক্কনি। থৌরম অসিগা নেস্নেল এজুকেসন পোলিসী 2020 হৌদোকখিবগী অহুমশুবা কুমওনগা চান্নরি।
প্রধান মন্ত্রীনা থৌরম মনুংদা PM SHRIগী মখাদা ফন্দগী অহানবা ইন্সতোলমেন্ত থাদোক্কনি। নেস্নেল এজুকেসন পোলিসী (NEP) 2020না পাম্বগুম্না ইকুইতেবল, ইনক্লুসিব অমসুং প্লুরেল সোসাইতী অমা শেম্নবগীদমক্তা মহৈরোইশিংনা শরুক য়াবা, কান্নবা পীবা অমসুং শরুক তম্বা ঙমহন্নবা মওংদা স্কুলশিং অসিনা মহৈরোইশিংবু শেমগনি। লোল 12দা ৱাহন্থোক হনখ্রবা এজুকেসন অমসুং স্কিল করিকল্লম লাইরিকশিংসু প্রধান মন্ত্রীনা ফোঙগনি।
প্রধান মন্ত্রীগী মঙলান্না লমজিংদুনা, NEP 2020 অসি লৈবাক অসিবু অমৃত কালগী মতমদা লুচিংবা ঙমহন্নবা নহাশিংবু লমজিং লমতাকপগী পান্দমগা লোয়ননা হৌদোকখিবনি। নহাশিংবু মীওইবা অমগী চেন্দবা য়াদ্রবা মগুন চেলহন্দুনা তুংগী মতমগী শিংনবশিংগা মাইয়োক্নবা ঙম্নবা শেমগৎপা হায়বসিনা পোলিসী অসিগী পান্দম্নি। পোলিসী অসি চৎনরকপগী অহানবা চহি অহুমগী মনুংদা মসিনা স্কুল, হাইয়র অমসুং স্কিল এজুকেসনগী হীরমদা অচৌবা অহোংবা কয়া পুরকপা ঙমখি। জুলাই 29 অমসুং 30দা পাংথোক্কদৌরিবা নুমিৎ নিনিগী থৌরম অসিনা একাদমিক, সেক্তর এক্সপর্ত, পোলিসী শেম্বা, ইন্দস্ত্রীগী মীহুৎ, স্কুল, হাইয়র এজুকেসন অমসুং স্কিল পীবা ইন্সতিত্যুসনশিংগী ওজা অমদি মহৈরোইশিংনা মখোয়গী ৱাখল্লোন, মায় পাকপগী ৱারী অমসুং NEP 2020বু থবক্তা ওন্থোকপদা থেংনবা খ্বাইদগী ফবা থৌওংশিং শেয়র তৌনবা অমসুং মসিবু হেন্না খুমাং চাউশিলহন্নবা খন্নবগী ফম্বাক অমা পীগনি।
অখিল ভারতিয় শিক্ষা সামগম অসিদা সেসন তরাগা তরুক য়াওগনি। সেসনশিং অসিদা ক্বালিতী এজুকেসন ফংবা অমসুং গবর্নেন্স, ইকুইতেবল অমসুং ইনক্লুসিব এজুকেসন, সোসিও-ইকোনোমিকেল্লী দিসএদভান্তেজ গ্রুপশিংনা মাইয়োক্নরিবা শিংনবা, নেস্নেল ইন্সতিত্যুতশিং থাক খায়বগী ফ্রেমৱর্ক, ভারতকী লৌশিংগী পথাপ, এজুকেসনবু মালেমগী থাক্তা পুখৎপনচিংবা য়াওনা থীম কয়াগী মতাংদা খন্ন-নৈনগনি।
****
(Release ID: 1944085)
Visitor Counter : 96
Read this release in:
Telugu
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam