চহি খুদিংগী জুলাই ২৬তা ‘কার্গিল বিজয় দিবস’ হায়না পালন তৌদুনা লাকখিবা ভারতকী পুৱারী ওইরবা মাইপাকখিবগী ২৪শুবা কুমওন্না লাকপদা ১৯৯৯গী কার্গিল লানগী থৌনা ফরবা লান্মীশিংদা লৈবাক অসিনা ইকাই খুম্নবা উৎখ্রে। নুমিৎ অসিবু পালন তৌনবা ঙাকশেল মন্ত্রী, শ্রী রাজনাথ সিংহনা ঙসি লদাখকী দ্রাসতা লৈবা কার্গিল ৱার মেমোরিএলদা চৎতুনা হৈকৎ-লৈকৎ তমখি অমসুং ‘ওপরেসন বিজয়’ মনুংদা লম্বা লৈত্রবা থৌনা উৎখিবা মথৌনা লৈরবা লান্মীশিংদা ইকাই খুম্নবা উৎখি।

দ্রাসতা পাঙথোকখিবা থৌরম অদুদা লানগী অথৌবশিং, বীর নারীশিং অমসুং থৱায়না পোন্থা পীখ্রবা অথৌবশিংগী ইমুং মনুংগী মীওইশিংনা শরুক য়াবা উবা ফংখি। শ্রী রাজনাথ সিংহনা মখোয়গা লোয়ননা ৱারী-ৱাতাই শাখি অমসুং লৈবাক্কী শেবা তৌবদা থৱায়না পোন্থা পীখ্রবশিংবু নীংশিংলদুনা মখোয়দা থমোয় শেংনা তৌবীমল খঙবা উৎখি। মহাক্না মখোয়দা থৌনা ফরবাশিংনা কত্থোকখিবশিং অসি কৈদৌনুংদা অকাউ পরৈ চলহল্লোই হায়না থাজবা পীখি।

থৌরম অসিদা ৱা ঙাংলদুনা ঙাকশেল মন্ত্রীনা আর্মদ ফোর্সেসনা হঞ্জিন হঞ্জিন্না অৱাবা মতমশিংদা লৈবাক্কীদমক মাংজিল থানা লেপতুনা মতেং পাংখিবগী থৌনা অমসুং ফিরেপ অদুবু থাগৎখি। ঙসিগী ভারত অসি লান্মীশিং অসিনা কত্থোকখিবা অদুনা য়ুম্ফম থোনখিবনি হায়না মহাক্না ফোঙদোকখি। শ্রী রাজনাথ সিংহনা ‘ওপরেসন নিজয়’ অসি ভারতকী থৌনা লিংজেল অমসুং অখাং কনবা উৎতুনা অচৌবা শীংনবশিংগী মায়োক্তা লেপখিবগী তাঙ্কক অমনি। মহাক্না মাইপাকপা অসিনা জাতিবু মাইপাকপগী অৱাংবা পন্দুপ য়ৌহল্লিবা লোঞ্চ পেদ অমনি হায়না ফোঙদোকখ্রে।

শ্রী রাজনাথ সিংহনা হায়খি, “ঐখোয়গী অথোইবা গুন অসি মাইথিবা কৈদৌনুংদা নংদবা অসি নত্তে, মাইথিবা খুদিংদা অমুক হন্না হৌগৎলকপা অসিনা ওইরি। লান মনুংদা য়েকনবশিংদা অফবা মিলিতরীগী খুদোংচাবা লৈজরবসু মখোয়বু তকথোক্নবা অমসুং ঐখোয়গী লম ঙাকশেন্নবা ঐখোয়গী ফোর্সশিংনা লম্বা লৈত্রবা থৌনা অমসুং স্কিল উৎখি। মাইপাকপা অসিগা লোয়ননা ভারতনা পকিস্তান অমসুং মালেমদা ঐখোয়গী মিলিতরীনা করিগুম্বা লৈবাক্কী ইন্তরেস্তশিং শোকপা তারবদি কৈদৌনুংদা তুং হন্নবা তৌরোই হায়বগী পাউজেল অমা পীখি”।

ঙাকশেল মন্ত্রীনা সরকারনা শীংনবা কয়া লৈরবসু লৈবাক্কী ইন্তরেস্তশং ঙাকশেন্নবা মপুং ফানা লেপ্পি হায়না থাজবা পীখি। মহাক্না হায়খি, “লৈবাক্কী সোভরেন্তী, য়ুনিতী অমসুং ইন্তিগ্রিতী ঙাকশেনবদা কম্প্রোমাইজ অমত্তা তৌরোই। লৈবাক্কী য়েক্নবশিং মাংহন্নবা আর্মদ ফোর্সশিংদা ঐখোয়না ফ্রী হেন্দ পীখি। ভারত অসি শান্তি পাম্বা লৈবাক্নি, মাগী চহিচা কয়া শুরবা ভেল্যুশিংদা থাজবা থম্মি অমসুং ইন্তর্নেস্নেল লোশিং ঙাক্নবা মাইকৈদা লেপ্পি, অদুবু ঐখোয়গী ইন্তরেস্তশিং ঙাকশেন্নবা ঐখোয়না এল.ও.সি. লানশিনবদা অকিবা লৈতে। মমাংদা লৈবাক অসিদা অমসুং আর্মদ ফোর্সশিংদা পোলিতিকেল ৱিল লৈরমদে হৌজিক্তি মসি প্রধান মন্ত্রী শ্রী নরেন্দ্র মোদীনা লুচিংবা সরকারনা ফংহল্লে। ঐখোয়গী ফোর্সশিংগীদমক ঐখোয়না খোঙফম চেৎনা লেপ্পি। মীয়াম অমসুং পার্লিয়ামেন্তনা ঐখোয়গী লান্মীশিংদা চাউনা থাজবা থম্মি”।

শ্রী রাজনাথ সিংহনা তুংগী মীরোলশিংদা ইথিল পীনবগী হৌরকফম ওইরিবা পরম বির চক্র (পি.ভি.সি.) এৱার্দী কেপ্তেন বিক্রম বত্রা অমসুং কেপ্তেন মনোজ পান্দে অমসুং বির চক্র (ভি.আর.সি.) এৱার্দী লেফতনেন্ত কর্নেল আর বিশ্বানাথন, কেপ্তেন জিন্তু গোগোই, কেপ্তেন বিজয়েন্ত থাপর অমসুং নাইব সুবেদার মঙ্গেজ সিংহ য়াওনা কার্গিল লানগী থৌনা ফরবা কয়াগী থৌনা ফাবা মতৌবু নীংশিংখি অমসুং মখোয়বু নীংশিংদুনা লৈহৌরগনি ফোঙদোকখি।

ঙাকশেল মন্ত্রীনা লানগী মতমদা থোইদোক হেন্দোকপা থৌনা উৎখিবা ফ্লাইৎ লেফতনেন্ত গুনজন সক্সেনা অমসুং শ্রীবিদ্যা রজনবু অখন্ননা পনখি অমসুং মখোয়না ভারতকী নুপীশিংনা লৈবাক্কী ঙমখৈশিং ঙাকশেন্নবা হোৎনরকপদা নুপাদগী তাবা লৈতে হায়বা পাউজেল পীখি। মহাক্না হায়খি মদুদি লান্মী পুম্নমক অসি ভারতকী তোঙান-তোঙানবা লমদমশিংদগীনি অদুবু লৈবাক অমদি মীয়ামগী ইন্তরেস্ত ঙাকশেন্নবা লান্থেংনখি।

শ্রী রাজনাথ সিংহনা হায়খি মদুদি লানশিং শোক্নখি অমসুং ঙমখিবা অসি শুপ্নগী খুৎলাই অমসুং বোম্বশিং শীজিন্নরগা নত্তে; থৌনা অমসুং হনবা লৈত্রবা থৌনা লিংজেলনা মসিদা চপ মান্ননা মরু ওইবা থৌদাং লৌরি। মহাক্না হায়খি মসিগী ৱিল পাৱর অমসুং জাতিগীদমক চাউথোকচবা পোকপগী ৱাখল্লোন অসিনা অতোপ্পশিংদগী ভারতকী লান্মীশিংবু তোপ-তোপ্পা ওইহল্লিবনি, মখা তারদুনা মহাক্না হায়খি, “ঐখোয়গী ফোর্সশিং অসিদা লৈবাক, মাগী সভ্যতা অমসুং নাৎ ঙাকশেন্নবগীদমক লৈবাক নীংবগী ৱাখল্লোনশিং য়াওরি”।

রসিয়া-য়ুক্রেন লানবু খুদম ওইনা পীরদুনা ঙাকশেল মন্ত্রীনা হায়খি মদুদি চহি অমা হেন্না চত্থরক্লিবা লান অসিনা ঙসিগী মতম অসিদা তম্বা ঙমদবা লানগী মওং-মতৌ অদু উৎলি। মহাক্না মখা তারদুনা হায়খি মীয়াম্না ত্রেনিং তৌবা অমসুং লান অসিদা মখোয়গী মিলিতরীদা য়াওশিনবা অসিনা লান অসিবু শাংদোকহল্লি।

শ্রী রাজনাথ সিংহনা মীয়ামদা করিগুম্বা মথৌ তাবা লাক্লবদি লানশিংদা নাকোইননা নত্তনা হকথেংননা শরুক য়ানবা শেম শাদুনা লৈনবা হায়খি। মহাক্না হায়খি, “মীয়াম্না মেন্তেল্লী শেম শাদুনা লৈবা তাই মরমদি লৈবাক অসিনা মখোয়বু মথৌ তারকপা মতমদা মখোয়না আর্মদ ফোর্সশিংবু মতেং পাংনবা শেম-শাদুনা লৈরগনি। লান্মী খুদিংমক ভারত মচা ওইবগুম্না চপ মান্নবা মওংদা ভারত মচা খুদিংমক্না লান্মী অমগী থৌদাং লৌনবা শেম-শাদুনা লৈগদবনি”।

থৌরম অসিদা লদাখকী লেফতনেন্ত গভর্নর ব্রিগেদিয়র (দা) বিদি মিশ্রা (রিতায়র্দ), চীফ ওফ দিফেন্স স্তাফ জেনরেল অনিল চৌহান, চীফ ওফ দি আর্মী স্তাফ জেনরেল মনোজ পান্দে, চীফ ওফ দি নেবেল স্তাফ এদমিরেল আর হরি কুমার, চীফ ওফ দি এয়র স্তাফ এয়র চীফ মার্সেল ভিআর চৌধুরি, হান্নগী আর্মী চীফ জেনরেল ভিপি মালিক (রিতায়র্দ), নোর্দন কম্মন্দগী জেনরেল ওফিসর কম্মান্দিং-ইন-চীফ লেফতনেন্ত জেনরেল উপেন্দ্র দ্বিবেদি, জেনরেল ওফিসর কম্মান্দিং, ১৪ কোর্প্স লেফতনেন্ত জেনরেল রাশিম বালি, লেফতনেন্ত জেনরেল ৱাইকে জোশি (রিতায়র্দ) অমসুং লেফতনেন্ত জেনরেল অমরনাথ অৱুল (রিতায়র্দ)না শরুক য়াখি।

মীফম অসিদা থৌনা লিংজেল অমসুং অখাং কনবগী তশেংবা খুদম ওইরিবা অমসুং পি.ভি.সি. ফংখ্রবা সুবেদার সঞ্জয় কুমার অমসুং মহা বির চক্র, হবিলদার দিগেন্দ্র কুমার য়াওবনা থৌরম অসিনা ইথিল পীখি। পি.ভি.সি., কেপ্তেন মনোজ পান্দেগী ময়াম্বা শ্রী মনমোহান পান্দে অমসুং কেপ্তেন বিক্রম বত্রা, পি.ভি.সি.গী ময়াম্বা শ্রী বিশাক বত্রাসু থৌরম অসিদা শরুক য়াখি। দ্রাসতা পাঙথোকপা থৌরম অসিনা অপুনবগী শক্তম, তৌবীমল খঙবা অমসুং চাউথোকচাবা উৎনবা মীকুপ অমা ওইখি মরমদি লৈবাক অসিনা ‘স্পিরিৎ ওফ ইন্দিয়া’ মশক তাক্লিবা থৌনা ফবা মতৌ অদু শকখঙবা ওইনা অমত্তা ওইনা পুনশিনখি।

লৈবাক্কী কোংনুংদা ঙাকশেলগী রাজ্য মন্ত্রী, শ্রী অজয় ভত্ত, ঙাকশেলগী সেক্রেতরী শ্রী গিরিধার অরামানে, চীফ ওফ ইন্তিগ্রেতেদ দিফেন্স স্তাফ তু দি চিয়রমেন, চীফস ওফ স্তাফ কম্মিতি (সি.আই.এস.সি.) লেফতনেন্ত জেনরেল জে.পি. মেথ্যু অমসুং সর্ভিসেস অহুমগী ভাইস চীফশিংনা নেস্নেল ৱার মেমোরিএলদা অথৌবশিংদা হৈকৎ-লৈকৎ তমখি অমসুং ইকাই খুম্নবা উৎখি।

*****