হকশেল অমসুং য়াইফ য়ুম্বালগী কেন্দ্রগী রাজ্য মন্ত্রী, দাঃ ভারতী প্রবীন পাৱারনা ‘মুবিং মেন্তেল হেল্থ বিয়োন্দ ইন্সতিত্যুসন’ হায়বা হীরমগী মতাংদা নেস্নেল কনফরেন্স অমা ঙসি হৌদোকখ্রে। জস্তিস অরুন মিশ্রা, ইকায়খুম্ননীংঙাই ওইরবা চেয়রপর্সন, NHRCসু ঙসিগী থৌরমদা শরুক য়াখি। কনফরেন্স অসিগী পান্দমদি মেন্তেল হেল্থকেয়র এক্ত, 2017 চৎনহনবদা থেংনবা শিংনবশিং মাইয়োক্নবা অমসুং মেন্তেল হেল্থকী হীরম অসিগী ৱারোইশিন পুরক্নবা তুংগী ওইবা লম্বী কয়াগী মতাংদা খন্ন-নৈনবনি।

“মেন্তেল হেল্থ হায়বসিনা ঐখোয়গী পুন্সিগী হীরম খুদিংদা অকায়বা পীবনা মসিসু ঐখোয়গী হকশেলগী য়াম্না মরু ওইবা শরুক অমনি” হায়না দাঃ পাৱারনা হায়খি। মেন্তেল হেল্থকী মরু ওইবশিংগী মতাংদা পল্লদুনা, মহাক্না হায়খি, “মীওই অমনা মহাক্কী তঙাই ফদবা তেংবাং লৌবদা থিংলিবা মীৱা-মৈশা লৈহন্দবা হায়বসি য়াম্না মরু ওইবনি”। ইকায় খুম্ননীংঙাই ওইরবা প্রধান মন্ত্রীগী লুচিং মখাদা, মেন্তেল হেল্থতা অহেনবা মিৎয়েং চঙলে অমসুং থৌওং অসিমক মশক থোক্লবা মেন্তেল হেল্থকেয়র এক্ত, 2017 চৎনখিবনা ময়েক শেংনা উৎলি হায়না মহাক্না মখা তাখি।

মেন্তেল হেল্থকী শিংনবশিংগী ৱারোইশিন পুরকপা অমসুং মেন্তেল হেল্থকেয়র এক্ত, 2017গী মরু ওইবশিংদা মিৎয়েং চঙলদুনা, দাঃ পাৱারনা হায়খি, “কেন্দ্র সরকারনা কম্মন মেন্তেল দিসওর্দরগী লাইয়েং লায়না অমসুং শেল চঙদনা ফংহন্নবা কন্না হোৎনরি”। মেন্তেল হেল্থ অসি ভারত সরকারগী  ফ্লেগশিপ অয়ুশমান ভারত স্কিমগী মনুং চলহনখ্রে হায়না মহাক্না পাউদমখি। “নেস্নেল তেলে-মেন্তেল হেল্থ সর্ভিস হেক হৌদোকখিবদগী, তেলে-মানস সেল 42 শেনখ্রে অমসুং মখোয়না কোল লাক্ষ 2 হেন্না ওকখ্রে”, মহানা মখা তানা হায়খি।

ইন্সতিত্যুসনশিংগী অকক্নবা লৈবা মতৌদগী ৱাংমা লানবা অমসুং কম্ম্যুনিতী বেজ সপ্পোর্ত্তা য়ুম্ফম ওইবা মেন্তেল হেল্থকেয়রগী অনৌবা পথাপ অমগী মথৌ তাই হায়না কেন্দ্র মন্ত্রীনা হায়খি। ভারত্তা থেংনরিবা মেন্তেল হেল্থকী শিংনবা কয়া অমসুং মেনেতেল হেল্থকেয়র অসি ফংবদা লায়বা, শেক্ল চঙদবা, ইনক্লুসিব ওইবা অমসুং কম্পেস্নেত ওইবা তুংগী মতম অমা পুরক্নবগীদমক্তা হোৎনবগী মরী লৈননা দিগ্নিতরীশিংনা খন্ন-নৈননবা মহাক্না হায়খি।

জস্তিস অরুন মিশ্রানা মীওই 10গী মনুংদগী মীওই অমনা মেন্তেল হেল্থকী মখল অমা নত্ত্রগা কয়া অমা নারি হায়খি। মহাক্না মখা তাবদা, “মেন্তেল হেল্থতা মিৎয়েং চঙনবগীদমক্তা হেল্থকেয়র, এজুকেসন, পব্লিক পোলিসী অমসুং সোসিএল সপ্পোর্ত সীস্তেম মনুং চনবা অপুনবা খোঙথাং অমগী মথৌ তাই”।

মেন্তেল হেল্থকা মাইয়োক্নবা মতমদা মীনুংশিগী মহুত্তা মীওইদুগী অপাম্বা খঙবগী মথৌ তারিবা অসিদা অহেনবা মিৎয়েং চঙলদুনা, মহাক্না ফিজিকেল হেল্থপু মরু ওইনা লৌরিবা অসিগুম্না মেন্তেল হেল্থপুসু মান্ননা মরু ওইনা লৌগদবনি হায়বা অচেৎপা ৱাফম অমা ফোংদোকখি। “নীংথিনা কোওর্দিনেত তৌদ্রিবা মেন্তেল হেল্থ, নিশা চাবা, জেনেরেল মেদিকেল কেয়র অমসুং হোস্পিতাল অমদি কম্ম্যুনিতী কেয়রবু ঐখোয়না পুনশিনবগী মথৌ তাবা অমা লৈরে”, মহাক্না হায়খি।

“মেন্তেল হেল্থ হায়বসি লৈতনা হকশেল হায়বা অমা লৈতে”, জস্তিস মিশ্রানা হায়খি। মেন্তেল হেল্থকা মরী লৈননা এৱিয়র্নেস হেন্না লৈহন্নবা ঐখোয়না হোৎনবগী মথৌ তাই হায়না মহাক্না হায়খি। মহাক্না হায়খি, “ঐখোয়না মেন্তেল হেল্থ এজুকেসন অসিবু স্কুল, কোলেজ অমসুং থবক তৌফমশিংগী শরুক অমা ওইহনগদবনি। সোসিএল মীদিয়া শিজিন্নদুনা শাফবা পল অমা খাজিনবা হায়বসিসু য়াম্না মরু ওই”।

ভারত্তা মেন্তেল হেল্থকী হীরম মাইয়োক্নবদা থেংনবা শিংনবশিং পল্লদুনা, জস্তিস মিশ্রানা মেন্তেল হেল্থ সর্ভিস অমসুং রিসর্চ হেন্না ফগৎহন্নবগীদমক্তা ফন্দ অমসুং রিসোর্স হেন্না খাইদোকপগী মথৌ তাই হায়না ফোংদোকখি। মেন্তেল হেল্থ ইন্সতিত্যুসনশিংদা অফবা রিক্রিএস্নেল ফেসিলিতীগুম্বা মতিক চাবা ইনফ্রাস্ত্রকচর লৈবগী তঙাই ফদবা অসিগা লোয়ননা এজুকেস্নেল ইন্সতিত্যুসন অমসুং প্রোফেস্নেল মেন্তেল হেল্থ কোর্সকী সিত মশিং হেনগৎপগী মথৌ তারিবা অসিদসু মহাক্না মীয়ামগী পুক্নিং চীংশিনখি।

থৌরম অসিগী মনুংদা, “মেন্তেল হেল্থঃ কন্সর্ন ফোর ওল – ইন কন্তেক্স ওফ মেন্তেল হেল্থকেয়র এক্ত, 2017’ হায়না মিংথোনবা লাইরিক অমা অমসুং “মেন্তেল হেল্থকেয়র এক্ত, 2017 থবক্তা ওন্থোকপগী হৌজিক ওইরিবা ফিভম”গী রিপোর্ত অমসু দিগ্নিতরীশিংনা ফোঙখি।

নেস্নেল কনফরেন্স অসিদা মেন্তেল হেল্থকেয়র এক্ত, 2017 চৎনহনবদা থেংনবা শিংনবা; মেন্তেল হেল্থ পীবা মফমশিংগী ইনফ্রাস্ত্রকচর অমসুং হ্যুমেন রিসোর্স; রি-ইন্তিগ্রেসন, রিহেবিলিতেসন অমসুং ইম্পাৱর্মেন্ত য়াওনা মেন্তেল লাইনা নাবশিংগী হক; অমসুং মেন্তেল হেল্থপু নীংথিনা লাইয়েংবগী খ্বাইদগী নৌবা থৌওং, মালেমগী ওইবা মিৎয়েং অমসুং তুংলমচৎকা মরী লৈনবা থীমেতিক সেসন য়াওগনি।

NHRCগী সেক্রেতরী জেনেরেল, শ্রী ভারত লাল; মেম্বর -  শ্রী রজিব জাইন; দাঃ দি.এম. মুলে; হান্নগী মেম্বর - জস্তিস এম.এম. কুমার; জোইন্ত সেক্রেতরী – শ্রী দি.কে. নিম; NGOশিংগী মীহুৎ; MoHFW অমসুং NHRCগী সেনিয়র ওফিসিএলশিংসু ঙসিগী থৌরমদা শরুক য়াখি।

****