ଉପରାଷ୍ଟ୍ରପତିଙ୍କ ସଚିବାଳୟ
କାର୍ଗିଲ ବିଜୟ ଦିବସ ଅବସରରେ ସଦନରେ ଉପରାଷ୍ଟ୍ରପତି ଏବଂ ରାଜ୍ୟସଭାର ସଭାପତିଙ୍କ ବକ୍ତବ୍ୟ
Posted On:
26 JUL 2023 12:11PM by PIB Bhubaneshwar
ମାନନୀୟ ସଦସ୍ୟଗଣ, ଆଜି କାର୍ଗିଲ ବିଜୟ ଦିବସର ୨୪ତମ ବର୍ଷ ପୂର୍ତ୍ତି ଅଟେ । ୧୯୯୯ ମସିହାରେ ଆଜିର ଦିନରେ ଆମର ବୀର ଯବାନମାନେ ନିଜର ଅଦମସ୍ୟ ସାହସ ଏବଂ ଦୃଢ଼ ସଂକଳ୍ପ ଦ୍ୱାରା କାର୍ଗିଲରେ ଆମ ସୀମାରୁ ଅନୁପ୍ରବେଶକାରୀଙ୍କୁ ଘଉଡ଼ାଇ ଦେଇଥିଲେ ।
ଆସନ୍ତୁ ଆମେ କାର୍ଗିଲ ଯୁଦ୍ଧରେ ସହିଦ୍ ହୋଇଥିବା ଲୋକମାନଙ୍କ ପ୍ରତି କୃତଜ୍ଞତାପୂର୍ବକ ନିଜର ମଥା ନୁଆଁଇବା । ଏହା ସହିତ ଆମ ସୈନ୍ୟବାହିନୀ ଏବଂ କର୍ମୀମାନଙ୍କୁ ମଧ୍ୟ ସଲାମ, ଯିଏ ଆମ ଦେଶ ପାଇଁ ସର୍ବୋଚ୍ଚ ବଳିଦାନ ଦେବା ପାଇଁ ସବୁବେଳେ ପ୍ରସ୍ତୁତ ରହିଥାଆନ୍ତି ।
ଆମର ସାହସୀ ସୈନିକମାନେ ଅନୁକରଣୀୟ ତଥା ନିଜର ଅଦମ୍ୟ ସାହସ ଦ୍ୱାରା, ଦୁର୍ଗମ ଅଞ୍ଚଳରୁ ଏବଂ ବହୁତ ପ୍ରତିକୂଳ ପାପ ସତ୍ତ୍ୱେ ମଧ୍ୟ ସାମ୍ନା କରି ଶତ୍ରୁମାନଙ୍କୁ ପରାସ୍ତ କରିଥିଲେ । ସେମାନଙ୍କର ଦୁଃସାହସିକତାର ଗାଥା ଆମକୁ ପ୍ରତ୍ୟେକ ଦିନ ଦେଶର ସେବା ପାଇଁ ପ୍ରେରଣା ଯୋଗାଇଥାଏ ।
ମାନନୀୟ ସଦସ୍ୟଗଣ, ଆସନ୍ତୁ କାର୍ଗିଲ ବିଜୟ ଦିବସ ପାଳନ କରିବା ଅବସରରେ ଆମର ବାହାଦୁର ସୈନିକମାନଙ୍କ ସର୍ବୋଚ୍ଚ ବଳିଦାନକୁ ସ୍ମରଣ କରିବା । ଏହା ଆପଣମାନଙ୍କ ପାଇଁ ଭାରତକୁ ସର୍ବାଗ୍ରେ ରଖିବା ପାଇଁ ନିଜକୁ ପୁନଃ ସମର୍ପିତ କରିବାର ମଧ୍ୟ ଅବସର ଅଟେ ।
ଏହି ପ୍ରତିଷ୍ଠଇତ ସଦନ ପକ୍ଷରୁ ଏବଂ ଆମମାନଙ୍କ ପକ୍ଷରୁ, ମୁଁ ହାର୍ଦ୍ଦିକ କୃତଜ୍ଞତା ବ୍ୟକ୍ତ କରୁଛି ଏବଂ ଆମର ସୈନିକମାନଙ୍କୁ ବିନମ୍ର ଶ୍ରଦ୍ଧାଞ୍ଜଳି ଅର୍ପଣ କରୁଛି । ମୁଁ ସଦସ୍ୟମାନଙ୍କୁ ଅନୁରୋଧ କରୁଛି ଯେ ସେମାନେ ନିଜ ସ୍ଥାନରେ ଛିଡ଼ା ହୋଇ ଆମର ବାହାଦୁର ସୈନିକମାନଙ୍କ ସ୍ମୃତିରେ ସମ୍ମାନ ସ୍ୱରୂପ ମୌନ ରହି ଶ୍ରଦ୍ଧାଞ୍ଜଳି ଅର୍ପଣ କରନ୍ତୁ ।
NS/MB
(Release ID: 1942802)
Visitor Counter : 107