ରାଷ୍ଟ୍ରପତି ମୁର୍ମୁଙ୍କ କାର୍ଯ୍ୟକାଳର ଏକ ବର୍ଷ ପୂରଣ ହୋଇଛି । ସେ ରାଷ୍ଟ୍ରପତି ଭବନରେ ଶିଳାନ୍ୟାସ କରିବା ସହ ବିଭିନ୍ନ ପ୍ରକଳ୍ପକୁ ଉଦଘାଟନ କରିଛନ୍ତି । ରାଷ୍ଟ୍ରପତି କାର୍ଯ୍ୟକାଳର ଏକ ବର୍ଷ ସମ୍ପୂର୍ଣ୍ଣ ଅବସରରେ ଇ-ବୁକ୍ ମଧ୍ୟ ଉଦଘାଟନ କରିଛନ୍ତି ।

ଭାରତର ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁ ଆଜି (୨୫ ଜୁଲାଇ, ୨୦୨୩) ତାଙ୍କ କାର୍ଯ୍ୟକାଳର ଏକ ବର୍ଷ ସମ୍ପୂର୍ଣ୍ଣ କରିଛନ୍ତି ।

ପ୍ରଯୁକ୍ତି ବିଦ୍ୟା ଯୋଗୁ ରାଷ୍ଟ୍ରପତି ଭବନ ଗତ ବର୍ଷକ ମଧ୍ୟରେ ଅଧିକରୁ ଅଧିକ ଲୋକଙ୍କ ସହ ଯୋଗାଯୋଗ କରା ଯାଇଥିବାରୁ ରାଷ୍ଟ୍ରପତି ଖୁସୀ ପ୍ରକଟ କରିଛନ୍ତି । ପ୍ରଯୁକ୍ତି ଓ ନବୋନ୍ମେଷ ବଳରେ ରାଷ୍ଟ୍ରପତି ଭବନର ଅଧିକାରୀମାନେ ଏହି ପଦ୍ଧତିକୁ ଅଧିକ ସ୍ୱଚ୍ଛ ଓ କ୍ରିୟାଶୀଳ କରିବେ ବୋଲି ସେ ବିଶ୍ୱାସ କରନ୍ତି । ରାଷ୍ଟ୍ରପତି କାର୍ଯ୍ୟକାଳର ବର୍ଷ ପୂରିଥିବାରୁ ରାଷ୍ଟ୍ରପତି ମୁର୍ମୁ ଅନେକ କାର୍ଯ୍ୟରେ ଅଂଶଗ୍ରହଣ କରିଥିଲେ । ସେଗୁଡ଼ିକ ମଧ୍ୟରେ-

୧. ରାଷ୍ଟ୍ରପତି ଭବନ ପରିସରରେ ଥିବା ଶିବ ମନ୍ଦିରର ପୁନର୍ବିକାଶ ନିମନ୍ତେ ଶିଳାନ୍ୟାସ କରିଛନ୍ତି ।

୨. ପ୍ରେସିଡେଣ୍ଟ ଇଷ୍ଟେଟ ମଧ୍ୟରେ ଥିବା ଡକ୍ଟର ରାଜେନ୍ଦ୍ର ପ୍ରସାଦ କେନ୍ଦ୍ରୀୟ ବିଦ୍ୟାଳୟ ଖେଳ ପଡ଼ିଆର ଏକ କ୍ରିକେଟ ପାଭିଲିଅନ ନିର୍ମାଣର ଶିଳାନ୍ୟାସ କରିଛନ୍ତି ।

୩. ଇନଟେଲ ଇଣ୍ଡିଆ ସହ ମିଶି ରାଷ୍ଟ୍ରପତି ଭବନରେ କୃତ୍ରିମ ମେଧା ପରିଚାଳିତ ନବାଚାରକୁ ଉଦଘାଟନ କରିଛନ୍ତି । ଏହି ଗ୍ୟାଲେରୀରେ ବୁଡ଼ାଇ ରଖିôବା ନବୋନ୍ମେଷ ଓ ଭାରତୀୟ କୃତ୍ରିମ ସମାଧାନ ପନ୍ଥା ରହିଛି । ଏହା ଭାରତୀୟ ଛାତ୍ରଛାତ୍ରୀ ଓ ପ୍ରଶିକ୍ଷକମାନଙ୍କ ଦ୍ୱାରା ବିକଶିତ ହୋଇଛି । ଏଥିରେ ପରସ୍ପର ଆଦାନ ପ୍ରଦାନ ନିମନ୍ତେ ଛଅଟି ବ୍ୟବସ୍ଥା ରହିଛି, ଯାହା ରାଷ୍ଟ୍ରପତି ଭବନର ଉକ୍ରର୍ଷ ପ୍ରଦର୍ଶନ କରି କୃତ୍ରିମ ମେଧା କୌଶଳର ପରିବ୍ୟାପ୍ତି ନେଇ ସନ୍ତୋଷ ଦେଇଥାଏ ।

୪. ରାଷ୍ଟ୍ରପତି ଭବନର ବୟନ ସଂଗ୍ରହ ସୂତ୍ର-କଳା-ଦର୍ପଣକୁ ମଧ୍ୟ ଉଦଘାଟନ କରିଥିଲେ । ଏହି ଗ୍ୟାଲରୀରେ ଐତିହ୍ୟ ସମ୍ପନ୍ନ ବୟନ ସାମଗ୍ରୀ ସମ୍ପର୍କରେ ଦସ୍ତାବିଜମାନ ରହିଛି । ଏହା ରାଷ୍ଟ୍ରପତି ଭବନର ପ୍ରସିଦ୍ଧ ଇଚ୍ଛାପତ୍ର ଭଳି ରହିଛି । ରାଷ୍ଟ୍ରପତି ଭବନ ହେଉଛି ବିଭିନ୍ନ ବୟନ ପରମ୍ପରା ଗନ୍ତାଘର । ନାରଦୋଜୀ ଏବଂ ସୁନାଜରି ମଖମଲ ଗାଲିଚା, ଶୟନ ଓ ଟେବୁଲ ଚାମ୍ବରରୁ ଆରମ୍ଭ କରି ସୂକ୍ଷ୍ମ କାର୍ପାସ ଓ ସିଲ୍କ ଘୋଡ଼େଇବା ବସ୍ତ୍ରମାନ ରହିଛି । ପ୍ରତ୍ୟେକ ଅପୂର୍ବ ସାମଗ୍ରୀ କେବଳ କଳା ଚାତୁରୀରେ ପରିପୂର୍ଣ୍ଣ ନୁହଁ, ବରଂ ଏହା ଏହି ଐତିହ୍ୟ ସମ୍ପନ୍ନ ମୂଲ୍ୟବାନ ଦସ୍ତାବିଜ ଭାବେ ପରିଗଣିତ ହୁଏ ।

୫. ଜନଜାତୀୟ ଦର୍ପଣ ଗ୍ୟାଲେରୀର ମଧ୍ୟ ଉଦଘାଟନ କରିଛନ୍ତି । ଏହା ବିଭିନ୍ନ ଆଦିବାସୀ ଗୋଷ୍ଠୀର ସାଂସ୍କୃତିକ ବିଶେଷତାକୁ ଦର୍ଶାଇଥାଏ । ସମୃଦ୍ଧ କଳା, ସଂସ୍କୃତି ଓ ଆଦିବାସୀ ଗୋଷ୍ଠୀର ଏହି ଦେଶ ଗଠନର ଅବଦାନ ସମ୍ପର୍କରେ ଜଣାଇବା ଏହି ଗ୍ୟାଲେରୀର ଲକ୍ଷ୍ୟ । ଏହି ଗ୍ୟାଲେରୀ ବିଭିନ୍ନ ବିଷୟବସ୍ତୁ ଉପରେ ଅଧାରିତ । ସେଗୁଡ଼ିକ ମଧ୍ୟରେ ଲୋକଲୋଚନ ଅନ୍ତରାଳରେ ରହି ଯାଇଥିବା ଆଦିବାସୀ ସ୍ୱାଧୀନତା ସଂଗ୍ରାମୀ, ପାରମ୍ପରିକ ପ୍ରାକୃତିକ ସମ୍ବଳ ପରିଚାଳନା ଚଳଣି ଯେପରି ହଲମା, ଡୋକ୍ରା କଳା, ବାଦ୍ୟ ଯନ୍ତ୍ର, ଗୁଞ୍ଜାଲା ଗୋଣ୍ଡି ଇପି, କୃଷି ଓ ଘରକରଣା ଉପକରଣ, ବାଉଁଶ ଟୋକେଇ, ବୟନ ସାମଗ୍ରୀ, ଚିତ୍ର କଳା ଯେପରିକି ଓର୍ଲି, ଗୋଣ୍ଡି ଓ ମଡ଼ ଆର୍ଟ, ସ୍କ୍ରୋଲ, ମୁଖା ଓ ଗହଣା, ଧାତୁଦ୍ରବ୍ୟ, ଅସ୍ତ୍ରଶସ୍ତ୍ର ଟାଟୁ ପ୍ରଦର୍ଶନକାରୀ ସମକାଳୀନ ଫଟୋ, ପରିବେଶ ଓ ପ୍ରଭୂତ୍ୱ ବର୍ଣ୍ଣନା ଥାଇ ଚିତ୍ରାବଳୀ ଇତ୍ୟାଦି । ଇନ୍ଧିରା ଗାନ୍ଧୀ ଜାତୀୟ କଳା କେନ୍ଦ୍ର (ଆଇଜିଏନସିଏ) ଏବଂ ରାଷ୍ଟ୍ରପତି ଭବନର ସମନ୍ୱୟରେ ଏହି ଗ୍ୟାଲେରୀ ତିଆରି ହୋଇଛି ।

୬. ଭାରତର ରାଷ୍ଟ୍ରପତି ଓ ରାଷ୍ଟ୍ରପତି ପୁନଃ ବିକଶିତ ୱେବସାଇଟ ରାଷ୍ଟ୍ରପତିଙ୍କ ସଚିବ ଶ୍ରୀ ରାଜେଶ ବର୍ମା, ଏନଆଇସି ମହାନିର୍ଦେଶକ ଶ୍ରୀ ରାଜେଶ ଗାରା, ରାଷ୍ଟ୍ରପତି ଭବନ ଓ ଏନଆଇସିର ଅନ୍ୟାନ୍ୟ ଅଧିକାରୀଙ୍କ ଉପସ୍ଥିତିରେ ଉନ୍ମୋଚିତ ହୋଇଥଲା । ରାଷ୍ଟ୍ରପତି ମଧ୍ୟ ଗତ ବର୍ଷକର ରାଷ୍ଟ୍ରପତିତ୍ୱ ସମ୍ପର୍କିତତ ଓ ସଂକଳିତ ଇ-ପୁସ୍ତକ ଉପରେ ନଜର ପକାଇଥିଲେ ।

(ଲିଙ୍କ୍- https://rb.nic.in/rbebook.htm)

୭. ‘ସ୍ୱାସ୍ଥ୍ୟ ରକ୍ଷା ଓ ପପମ୍ପରା ପାଳନ’ ଶୀର୍ଷକ ପ୍ରଥମ ପୁସ୍ତକ ନକଲ ରାଷ୍ଟ୍ରପତି ଭବନ ଆୟୁଷ ସୁଧାର କେନ୍ଦ୍ରରେ ଗ୍ରହଣ କରିଥିଲେ ।

ୱେବସାଇଟ ଉନ୍ମୋଚନ କାଳରେ ରାଷ୍ଟ୍ରପତିଙ୍କ ସଚିବ କହିଥିଲେ ଯେ ଗତ ବର୍ଷକ ମଧ୍ୟରେ ରାଷ୍ଟ୍ରପତି ଭବନ ଅନେକ ନାଗରିକ ସୁଲଭ ପଦକ୍ଷେପ ନେଇଛି । ସେଗୁଡ଼ିକ ମଧ୍ୟରେ ମେସେବ୍ରା ଓ ରାଷ୍ଟ୍ରପତି ନୀଳୟମ ରାଷ୍ଟ୍ରପତି ନିବାସରେ ଜନସାଧାରଣଙ୍କ ନିମନ୍ତେ ଉନ୍ମୁକ୍ତ ରଖିବା, ଅମୃତ ଉଦ୍ୟାନର ଖୋଲା ରଖିବା ସମୟ ବୃଦ୍ଧି ଓ ପରିଦର୍ଶନ ଭ୍ରମଣ ଦଫା ବୃଦ୍ଧି । ରାଷ୍ଟ୍ରପତି ଇଷ୍ଟେଟର ସାମଗ୍ରିକ କାର୍ଯ୍ୟ ବାତାବରଣ ଉନ୍ନତ କରିବା ପାଇଁ ଏକ ଚିନ୍ତନ ଶିବର ମଧ୍ୟ ଆୟୋଜିତ ହୋଇଥିଲା । ଏ ସମସ୍ତ ପଦକ୍ଷେପର ପୃଷ୍ଠପୋଷକତା ଓ ମାର୍ଗଦର୍ଶନ ପାଇଁ ସେ ରାଷ୍ଟ୍ରପତିଙ୍କୁ ଧନ୍ୟବାଦ ଜଣାଇଥିଲେ।

SM/MB