புதுதில்லியில் உள்ள குடியரசுத் தலைவர் மாளிகையின் கலாச்சார மையத்தில் தேசிய புவி அறிவியல் விருதுகள் - 2022 ஐ குடியரசுத் தலைவர் திருமதி திரௌபதி முர்மு நிலக்கரி, 2023 ஜூலை 24 அன்று வழங்கவுள்ளார். மத்திய சுரங்கம் மற்றும் நாடாளுமன்ற விவகாரங்கள் துறை அமைச்சர் திரு பிரகலாத் ஜோஷி, சுரங்கம், நிலக்கரி மற்றும் இரயில்வே துறை  இணை அமைச்சர் திரு ராவ்சாகேப் பாட்டீல் தன்வே ஆகியோர் முன்னிலை வகிப்பார்கள். சுரங்க அமைச்சகம் ஒவ்வொரு ஆண்டும் மூன்று பிரிவுகளில் தேசிய புவி அறிவியல் விருதுகளை வழங்குகிறது:

1. வாழ்நாள் சாதனைக்கான தேசிய புவி அறிவியல் விருது,
2. தேசிய இளம் புவியியலாளர் விருது
3. புவியியல் துறையின் பல்வேறு துறைகளில் தேசிய புவி அறிவியல் விருது.

1966 ஆம் ஆண்டில் நிறுவப்பட்ட தேசிய புவி அறிவியல் விருதுகள் (என்.ஜி.ஏ), புவி அறிவியல் துறையில் சிறந்த, அர்ப்பணிப்பு மற்றும் கண்டுபிடிப்புகளை வெளிப்படுத்திய சிறப்புமிக்க தனிநபர்கள் மற்றும் அமைப்புகளுக்கான அங்கீகாரம் மற்றும் பாராட்டுக்கான அடையாளமாகும்.

கனிம கண்டுபிடிப்பு மற்றும் ஆய்வு, அடிப்படை புவி அறிவியல், பயன்பாட்டு புவி அறிவியல் மற்றும் சுரங்கம், கனிம வளம் மற்றும் நிலையான கனிம மேம்பாடு ஆகிய துறைகளில் இந்த விருதுகள் வழங்கப்படுகின்றன.

இந்த ஆண்டு என்.ஜி.ஏ 2022 க்கு, பல்வேறு விருது பிரிவுகளின் கீழ் 168 பரிந்துரைகள் பெறப்பட்டு மூன்று கட்ட பரிசீலனை செயல்முறை மூலம் பரிசோதிக்கப்பட்டன. பரிந்துரைக்கப்பட்டவர்களில் வாழ்நாள் சாதனையாளருக்கு ஒரு தேசிய புவி அறிவியல் விருது, பல்வேறு துறைகளின் கீழ் எட்டு தேசிய புவி அறிவியல் விருதுகள், ஒரு தேசிய இளம் புவியியலாளர் விருது என பல்வேறு பிரிவுகளின் கீழ் 10 தேசிய புவி அறிவியல் விருதுகளுக்கு தெரிவு செய்யப்பட்டனர். இந்த 10 என்ஜிஏ விருதுகள் 22 புவியியலாளர்களுக்கு குடியரசுத் தலைவரால் வழங்கப்படும்.

வாழ்நாள் சாதனையாளருக்கான தேசிய புவி அறிவியல் விருது, கடந்த நான்கு தசாப்தங்களாக இமயமலையில் முன்னோடியாக பணியாற்றியதற்காக நன்கு அறியப்பட்ட டாக்டர் ஓம் நாராயண் பார்கவாவுக்கு வழங்கப்பட உள்ளது. பனாரஸ் இந்து பல்கலைக்கழகத்தின் உதவிப் பேராசிரியர் டாக்டர் அமியா குமார் சமலுக்கு தேசிய இளம் புவியியலாளர் விருது வழங்கப்பட உள்ளது.

தேசிய புவி அறிவியல் விருதுகள் புகழ்பெற்ற புவியியலாளர்கள், அறிஞர்கள், கொள்கை வகுப்பாளர்கள் மற்றும் தொழில்துறை தலைவர்கள் முன்னிலையில் ஆகஸ்ட் மாதம் வழங்கப்படும்.

தேசிய புவி அறிவியல் விருதுகள் பற்றி:-

அறிமுகம்

தேசிய புவி அறிவியல் விருது என்பது 1966 ஆம் ஆண்டில் இந்திய அரசின் சுரங்க அமைச்சகத்தால் நிறுவப்பட்ட புவி அறிவியல் துறையின் பழமையான மற்றும் மதிப்புமிக்க தேசிய விருதுகளில் ஒன்றாகும். 2009 ஆம் ஆண்டுக்கு முன்பு, இந்த விருதுகள் தேசிய கனிம விருதுகள் என்று அழைக்கப்பட்டன. புவி அறிவியலின் பல்வேறு துறைகளில் அசாதாரண சாதனைகள் மற்றும் சிறந்த பங்களிப்புகளுக்காக தனிநபர்கள் மற்றும் குழுக்களை கௌரவிப்பதே இந்த தேசிய அளவிலான விருதின் நோக்கமாகும்.

2022 ஆம் ஆண்டில், உள்துறை அமைச்சகம் வழங்கிய வழிகாட்டுதல்கள் / பரிந்துரைகளின்படி, தேசிய புவி அறிவியல் விருதுகள் மறுசீரமைக்கப்பட்டு, மொத்த விருதுகளின் எண்ணிக்கை 21 எண்களில் இருந்து 12 எண்களாக குறைக்கப்பட்டது. தேசிய புவி அறிவியல் விருது தேசிய விருதுகள் இணையப்பக்கத்தில் அதாவது www.awards.gov.in மற்றும் பின்வரும் மூன்று விருது பிரிவுகளுக்கான என்.ஜி.ஏ -2022 க்கான பரிந்துரைகள் ஆன்லைன் முறையில் இந்த விருது இணையப்பக்கம் மூலம் வரவேற்கப்பட்டன.

(i) வாழ்நாள் சாதனையாளருக்கான தேசிய புவி அறிவியல் விருது (ஒற்றை விருது),

(ii) தேசிய புவி அறிவியல் விருது (பத்து விருதுகள்), மற்றும்

(iii) தேசிய இளம் புவியியலாளர் விருது (ஒற்றை விருது).

விருதுக்கான தேர்வு செயல்முறை

விருது பெறுவோரின் தேர்வு செயல்முறை மிகவும் நன்கு வரையறுக்கப்பட்டுள்ளது. இறுதியாக விருது பெறுபவரைத் தேர்ந்தெடுக்க மூன்று நிலைகளைக் கொண்டுள்ளது. துறை வாரியான மதிப்பீடு மற்றும் ஆய்வுக்காக 4 பிரிவு ஆய்வுக் குழுக்களை (எஸ்.எஸ்.சி) முதல் நிலைக் குழுக்களாகவும், நிபுணர்களின் பரிசீலனைக் குழுவை (எஸ்.சி.இ) இரண்டாம் நிலைக் குழுவாகவும் சுரங்கம் மற்றும் விருது வழங்கும் ஆணையத்தின் (ஏ.எம்.ஏ) செயலாளர் அமைத்துள்ளார். எஸ்.எஸ்.சி.க்களின் பரிந்துரைகள் எஸ்.சி.இ.க்கு வழங்கப்படுகின்றன. வாழ்நாள் சாதனையாளருக்கான தேசிய புவி அறிவியல் விருது மற்றும் தேசிய இளம் புவியியலாளர் விருதுக்கான பரிந்துரைகள் எஸ்.எஸ்.சியால் மதிப்பீடு செய்யப்படாமல் நேரடியாக எஸ்.சி.இ. பரிசீலனைக்கு வைக்கப்படுகின்றன. பரிந்துரைகள் இறுதியாக உயர் அதிகார அமைப்பான விருது வழங்கும் ஆணையத்தால் (ஏ.எம்.ஏ) மதிப்பீடு செய்யப்பட்டு பரிசீலிக்கப்படுகின்றன.

தேசிய புவி அறிவியல் விருதுகள்-2022

2022 ஆம் ஆண்டுக்கான தேசிய புவி அறிவியல் விருதுகளுக்கு மொத்தம் 173 பரிந்துரைகள் பெறப்பட்டன. மூன்று விருது பிரிவுகளின் கீழ் தகுதியான  பரிந்துரைகளின் எண்ணிக்கை 168 ஆகும். மொத்தமுள்ள 12 விருதுகளில், 4 தனிப்பட்ட விருதுகள், 3 குழு விருதுகள் மற்றும் 3 கூட்டு விருதுகள் உட்பட 10 விருதுகளை ஏ.எம்.ஏ இறுதியாக தேர்வு செய்துள்ளது. 4 தனிநபர் விருதுகளில் வாழ்நாள் சாதனையாளருக்கான தேசிய புவி அறிவியல் விருதுக்கான ஒரு விருதும், தேசிய இளம் புவியியலாளர் விருதுக்கான மற்றொரு விருதும் அடங்கும். அதன் விவரம் பின்வருமாறு-

****

ANU/SMB/KPG