آسٹریلیا نے جس طرح معدنیات جیسے قدرتی وسائل کا انتظام کیا ہے، اور اپنے لوگوں کی صلاحیت کو بڑھایا ہے، اس کی تعریف کرتے ہوئے، جناب پردھان نے کہا کہ دونوں ممالک کو ہندوستان میں اس طرح کے عمل کو نقل کرنے کے طریقے تلاش کرنے چاہئیں اور نوجوانوں کو ابھرتے ہوئے روزگار کے کردار کے لیے تربیت دینی چاہیے۔ انہوں نے زرعی ٹیکنالوجی، کان کنی، پانی کے انتظام، قابل تجدید توانائی اور ابھرتی ہوئی ٹیکنالوجی جیسے مصنوعی ذہانت –اے آئی  اور روبوٹکس جیسے شعبوں کی طرف اشارہ کیا جس میں  وسیع پیمانے پر دریافت و تحقیق  کی جا سکتی ہے۔ وزیر نے اس بات پر زور دیا کہ ہندوستان-آسٹریلیا کی مصروفیت کے لئے یہ بہترین لمحہ ہے جو پہلے ہی تاریخی بلندی پر ہے۔ اس سال کے شروع میں دونوں ممالک کے درمیان قابلیت کی باہمی شناخت کے معاہدے پر دستخط کو یاد کرتے ہوئے، انہوں نے اس پر عمل درآمد پر زور دیا تاکہ دونوں ممالک کے درمیان طلباء اور ہنر مند افراد کی دو طرفہ نقل و حرکت کو آسان بنایا جا سکے۔

جناب پردھان نے اس سال ستمبر میں گاندھی نگر میں آسٹریلیا-انڈیا ایجوکیشن اینڈا سکلز کونسل کی 7ویں میٹنگ کے لیے وزیر او کونر کو بھی مدعو کیا ہے۔ یہ میٹنگ دونوں ممالک کے درمیان تعلیم اور ہنر کی ترقی میں تعاون کو مزید تقویت دینے کا موقع فراہم کرے گی۔

وزیر او کونر نے دونوں ممالک کے درمیان تعاون کو مزید گہرا کرنے کے بارے میں بھی بات کی۔ انہوں نے کہا کہ طلباء کی نقل و حرکت کی بحالی ان کے ملک کی ترجیح ہے اور وہ اپنے ویزا کے عمل کو مزید موثر بنانے کے لیے کام کر رہے ہیں۔

وزیر اعظم جناب نریندر مودی کی قیادت میں، ہندوستان اور آسٹریلیا نے حالیہ برسوں میں تعلقات میں مضبوطی دیکھی ہے۔ تعلیمی اور ہنر مندی کی صلاحیت  کی باہمی شناخت، ڈیکن یونیورسٹی کا ہندوستان میں آنا اور ہنر مندی کی نشوونما میں تعاون کو بڑھانا حال ہی میں ہوا ہے۔