প্রধানমন্ত্রীগী লোইশঙ
ভারতকী প্রধান মন্ত্রীগী প্রিন্সিপাল সেক্রেতরিনা চিয়ার লৌদুনা ভারতনা জি-২০গী প্রসিদেন্ত ওইবগী ৬শুবা কোওর্দিনেসন কম্মিতিগী মীফম পাংথোকখ্রে
নিউ দিল্লিদা সেপ্তেম্বর ৯ অমসুং সেপ্তেম্বর ১০দা পাংথোক্কদৌরিবা জি-২০ মীফমগী থৌরাং তৌরিবশিং হেন্না য়েংশিনখ্রে
জি-২০ মীফম মাইপাকপা অমা ওইনবা এজেন্সি খুদিংমক অমতা ওইনা হোৎনগনি: দোক্তর পি.কে মিশ্রা
তোঙান-তোঙানবা এজেন্সিশিং মওং-মরীল তানা থবক তৌবা ঙম্নবা মীফম পাংথোকফমদা মোক এক্সরসাইজশিং পাংথোক্কনি
Posted On:
17 JUL 2023 8:05PM by PIB Imphal
ঙসি নিউ দিল্লিগী প্রগাতি মৈদান্দা লৈবা ইন্তরনেসনেল একজিবিসন কম কনভেন্সন সেন্তরদা ভারতনা জি-২০গী প্রসিদেন্ত ওইবগী ৬শুবা কোওর্দিনেসন কম্মিতিগী মীফম পাংথোকখ্রে। মীফম অদু প্রধান মন্ত্রীগী প্রিন্সিপাল সেক্রেতরি দোক্তর পি.কে মিশ্রানা লুচিংখি অমসুং নিউ দিল্লিদা সেপ্তেম্বর ৯ অমসুং সেপ্তেম্বর ১০,২০২৩ দা পাংথোক্কদৌরিবা জি-২০ মীফমগী থৌরাং তৌরিবশিং হেন্না য়েংশিনখ্রে।
মীফম পাংথোকফমদা শেম-শারিবশিং অমসুং প্রোতোগোল, সেকুরিতি, এয়রপোর্ত, মেদিয়া, ইনফ্রাস্ত্রকচর ফগৎহনবা, দিল্লি অমসুং য়ুম্লোন্নরিবা রাজ্যশিংগী শেম-শাবগী মতাংদা হৌজিক ওইরিবা ফিবমশিং কম্মিতিনা য়েংশিনখি। জি-২০ মীফম মাইপাকপা অমা ওইনবা এজেন্সি খুদিংমক অমতা ওইনা দোক্তর পি.কে মিশ্রানা মরী লৈনবা এজেন্সিশিংদা তকশিনখি।
তোঙান-তোঙানবা মীফম পাংথোকফমশিং কম্মিতি মেম্বরশিংনা য়েংশিনখি। তোঙান-তোঙানবা এজেন্সিশিং মওং-মরীল তানা থবক তৌবা ঙম্নবা মীফম পাংথোকফমদা মোক এক্সরসাইজশিং পাংথোক্নবা ৱারেপ লৌখি। লাক্লিবা জি-২০ মীফমগী থৌরাং তৌরিবশিংদা কম্মিতিনা পাউতাকশিং পীখি অমসুং মথং চয়োল অনিদা মখা তানা অমুক হন্না য়েংশিনবা হায়না ৱারেপ লৌখি।
ভারতনা জি-২০গী প্রসিদেন্ত ওইবা অসিগী মখাদা হৌজিক ফাওবদা পাংথোকখিবা মীফমশিং অমসুং তুংদা পাংথোক্কদবা মীফমশিং হন্না য়েংশিন্নবা খুদোংচাবা অমসুং কম্মিতিগী মীফম অদুনা পীখি। ভারতনা জি-২০গী প্রসিদেন্ত ওইবা অসিগী মখাদা হৌজিক ফাওবদা তোঙান-তোঙানবা মফম ৫৫দা মীফম ১৭০ পাংথোকখ্রে। জুলাই অমসুং ওগস্ত ২০২৩দা মিনিস্তর থাক্কী মীফম কয়া পাংথোক্কনি।
ভারতনা জি-২০গী প্রসিদেন্ত ওইবা মরী লৈন্না থৌরা তৌরিবশিং য়েংশিনবগী থৌদাং লৌনবা মন্ত্রীমন্দলনা কোওর্দিনেসন কম্মিতিগীদা শীন্নখ্রে। হৌজিক ফাওবা কোওর্দিনেসন কম্মিতিগী মীফম ৫ পাংথোকখ্র। মসিগী মথক্তা, ভারতনা জি-২০গী প্রসিদেন্ত ওইবগী মতাংদা লোজিস্তিক্কী ৱাফমশিং মীফম অদুদা খন্নখি।
মীফম অদুদা শরুক য়াখিবা অতোপ্পা সেনিয়র ওফিসিএলশিংগী মনুংদা এন.এস.ই শ্রী অজিত দোবাল, দিল্লিগী লেপ্তনেন্ত গভর্নর শ্রী ভি.কে সক্সেনা, কেবিনেত সেক্রেতরি শ্রী রজিব গৌবা য়াওখি।
*****
(Release ID: 1940877)
Visitor Counter : 127
Read this release in:
Bengali
,
English
,
Khasi
,
Urdu
,
Marathi
,
Hindi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam