Ka jingialang kaba 6 jong ka the Coordination Committee halor ka G20 Presidency jong ka India ka la long ha International Exhibition-cum-Convention Centre (IECC), Pragati Maidan, New Delhi mynta ka sngi. Ka jingphaikhmat jong kane ka jingialang ba la pyniaid da u Principal Secretary sha u Myntri Rangbah duh ka ri, u Dr. P.K Mishra, kalong ban peit bniah ia ki bynta jong ka jingpynkhreh ba iadei bad ka G20 Summit ban long ha New Delhi ha ka 9 bad 10 tarik Nailur, 2023.

Ha kaba iadei bad kane, ka Committee ka la lum jingtip halor ki jingpynbit jingpynbiang ha ka jaka ban pynlong ia ka Summit kumjuh ruh ki bynta baroh ba iadei bad ka kyndon, ka jingshngain, kad liengsuin, ki lad pathai khubor, ki jingkyntiew ia ki jingdon jingem bad ki jingpynkhreh ha Delhi bad ki jylla ba marjan bad kiwei kiwei. U Dr. Mishra u la kyntu ia baroh ki kynhun ban trei ha ka rukom treikam “ba kynthup lang baroh kawei ka sorkar” ban pynlong ia ka G20 Summit kaba jop.

Ki dkhot jong ka Committee ruh ki la leit jngoh ia ki jaka ba la tyrwa ban pynlong ia ki jingialang bapher bapher bad ki la peit ia baroh ki bynta kiba rit tam. La rai ruh ban don ia ki dry run/ mock exercise khnang ba ki kynhun bapher bapher kin lah ban treikam ha ka rukom kaba ryntih. Ka Committee ka la batai ia ka kam halor ki bynta jingpynkhreh bapher bapher na ka bynta ka G20 Summit ban wan bad rai ban sdang biang ia ka jingpeit bniah ha ki ar taiew ban wan.

Ka jingialang jong ka Coordination Committee ka la plie lad ruh ia ka jingpeit bniah jong ki jingialang G20 ba la long haduh mynta bad ki jingialang ba dang sah, ba la pynbeit hapoh ka G20 Presidency jong ka India. Ka Committee ka la kdew ba hapoh ka G20 Presidency jong ka, ka India ka la pynlong 170 tylli ki jingialang ha 55 tylli ki jaka ha ka ri haduh mynta. Ki jingialang jong ki Myntri kin long ha ki bnai Naitung bad Nailar 2023.

Ka Coordination Committee ka la ioh jingbit na ka kynhun Myntri ban peit ia baroh ki jingpynkhreh bad ki jingpynbit pynbiang ba iadei bad ka Presidency jong ka G20 jong ka India. Haduh mynta, la pynlong san tylli ki jingialang jong ka Coordination Committee. Nalor kane, la pynlong ia ki jingialang ban iakren shaphang ki kam bapher bapher ba iadei bad ka G20 Presidency jong ka India.

Kiwei kiwei ki heh ki hain bad ki heh ophisar ba la iadonlang ha kane ka jingialang kilong u Ajit Doval, NSA, u V.K. Saxena, Lt. Governor jong ka Delhi, u Rajiv Gauba, Cabinet Secretary, bad kiwei kiwei

*****