শীজিন্নবগী চাং নেম্বা অমসুং চাইখায়গী চাং য়াম্না ৱাংবা শিঙ্গল য়ুজ প্লাস্তিক পোৎলমশিং থিংবা য়াওনা শিঙ্গল য়ুজ প্লাস্তিক পোৎলমশিংনা থোকহনবা পোল্লুসন থিংনবা ভারত অমসুং ফ্রান্সনা থাজবা পীরে।

চাইখায়বা অমসুং প্লাস্তিক অমোৎপশিং মফম চানা লোইশিন্দবদগী প্লাস্তিক্কী পোৎলমশিং পোল্লুসন থোকপা অসি মালেমগী অকোয়বগী ফিবমদা অচৌবা শিংনবা অমা ওইরে। মসিনা সাধারন অমসুং সমুদ্রদা য়াম্না চাউনা অকায়বা পীরে। সমুদ্রদা থেংনরিবা প্লাস্তিক অমোৎপশিংগী চাদা ৮০ কংফালদা লাকপনি। ১৯৫০দগী হৌজিক ফাওবদা প্লাস্তিক তন বিল্লিয়ন ৯.২ পুথোক্লে, মসিদগী অমোৎপা তন বিল্লিয়ন ৭ পুথোক্লে। চহি অমদা প্লাস্তিক তন মিল্লিয়ন ৪০০ পুথোক্লি, মসিগী মনুংদা শরুক অহুমগী মনুংদা শরুক অমা শিঙ্গল য়ুজ প্লাস্তিক পোৎলমশিংনি অমসুং তন মিল্লিয়ন ১০ রোম সমুদ্রদা থাদৈ।

য়ু.এন ইনভাইরোনমেন্ত প্রোগ্রামগী মতুংইন্না শিঙ্গল য়ুজ প্লাস্তিক পোৎলমশিং অসি অশুম্না মশক তাক্লি-“ লংথোক্ত্রিঙৈদা নত্ত্রগা রিসাইকল তৌদ্রিঙৈদা অমুক্তং ওইরবসু শীজিন্নহৌবা তোঙান-তোঙানবা মখলগী পোৎলমশিং হায়বদি চীঞ্জাক য়োম্বা, বোত্তলশিং, স্ত্রোশিং, পাত্রশিং, কপশিং, কতলেরি অমসুং পোৎ লৈবগী খাউশিং য়াওনা কোনশিনবা  তার্ম অমনি”।

মালেমগী থাক্তা প্লাস্তিক পোল্লুসন থেংননবা থবক পায়খৎলে। ঙমখৈশিং লান্না প্লাস্তিক অমোৎপা পুবা থিংনবা অমসুং জহাজশিংদগী অমোৎশিং চাইখায়বা থিংনবা ইন্তরনেসনেল মেরিন ওর্গনাইজেসনগী থবকশিং য়াওনা মশক থোকপা থবক কয়া মালেমগী লুপশিংনা পায়খৎলে। ২০১৪দগী হৌনা য়ু.এন ইনভাইরোনমেন্ত প্রোগ্রামগী ৱারেপশিংনা শিংনবা কয়া মায়োক্নরে অমসুং থবক ওইনা পাংথোকপা য়াগদবা পাম্বৈশিং খঙদোক্নবা য়ু.এন.ই.এ-৩না ২০১৭দা এদ-হোগ ওপন-ইন্দেদ এক্সপার্ত গ্রুপ ওন মেরিন লিত্তর( এ ঐচ ই জি) লিংখৎলে। শিঙ্গল য়ুজ প্লাস্তিক য়াওনা দরকার ওইদবা অমসুং শীজিন্নদ্রবসু য়াবা প্লাস্তিক্কী দিফিনিসন পুথোকপা য়াওনা মসিগী থবক নবেম্বর ১৩,২০২০দা লোইশিনখ্রে।

শিঙ্গল য়ুজ প্লাস্তিক পোৎলমশিংনা পোল্লুসন থোকহনবা থিংনবা মার্চ ২০১৯দা য়ু.এন.ই.এ-৪না ৱারেপ অমা লৌখি।  শিঙ্গল য়ুজ প্লাস্তিক পোৎলমশিংনা পোল্লুসন থোকহনবা থিংনবা মেম্বর লৈবাকশিংনা চুনবা থবক পায়খৎকদবনি,   শিঙ্গল য়ুজ প্লাস্তিক পোৎলমশিংগী মহুৎশিনবা য়াবা অতোপ্পা পোৎলমশিং মশক খঙদোক্কদবনি হায়বা ৱারেপ অমা লৌখি। শিঙ্গল য়ুজ প্লাস্তিক পোৎলমশিংনা পোল্লুসন থোকহনবা থিংনবা আই.য়ু.সি.এন্না ৱারেপ অহুম (WCC 2020 Res 19 & Res 69 & 77) লৌখ্রে। ৱারেপ ৬৯না হায়খি, “ঙাক-শেন্দুনা থম্লিবা মফমশিংদা শিঙ্গল য়ুজ প্লাস্তিক পোৎলমশিংনা পোল্লুসন থোকহনবা থিংনবা মেম্বর লৈবাকশিংনা ২০২৫ ফাওবদা থবক পায়খৎকদবনি”।
 

ফজনা শীজিন্নদবা অমসুং চাইখায়বগী চাং য়াম্না ৱাংবা শিঙ্গল য়ুজ প্লাস্তিক পোৎলমশিং তাঙ্কক নাইনা থিংগদবনি অমসুং অমুক হন্না শীজিন্নবা য়াবা পোৎলমশিংনা মহুৎ শীনগদবনি। মসিগী পাম্বৈশিং মখাদা পীরি:

মমল হোংবা অমসুং মহুৎ শীনবা য়াবা মরাং কাইনা লৈরবা মশক খঙলবা শিঙ্গল য়ুজ প্লাস্তিক পোৎলমশিং থিংবা;

এক্সতেন্দেদ প্রদুসর রেসপোন্সিবিলি( ই পি আর) হায়বদি অমোৎপা লোইশিনবগী থৌদাং পোৎথোক পুথোক্লিবশিংদা লৌহনবা;

অমুক হন্না শীজিন্নবা পুক্নিং থৌগৎপা, রিসাইকল প্লাস্তিক কন্তেন্ত শীজিন্নবা অমসুং প্লাস্তিক পেকেতকী অমোৎপা রিসাইক্লিং তৌনবা থাক অমা শেম্বা;

এক্সতেন্দেদ প্রদুসর রেসপোন্সিবিলি( ই পি আর) থবক ওইনা পাংথোকপরা হায়না য়েংশিনবা;

শিঙ্গল য়ুজ প্লাস্তিক পোৎলমশিংগী মহুৎ শীনবা য়াবশিং দিজাইন তৌনবা প্রদুসরশিংদা মতেং পাংবা;

কমদৌনা অমোৎপশিং লোইশিনগনি হায়বগী মতাংদা দরকার ওইবা ৱারোলশিং ইবা;
 

মীয়াম ৱাখল তাহন্নবা থবকশিং;

শিঙ্গল য়ুজ প্লাস্তিক পোৎলমশিং পুথোকপা অমসুং শীজিন্নবা হন্থহন্নবা অমসুং থিংনবা ভারত অমসুং ফ্রান্সনা মখোয়গী থাজবশিং অমুক হন্না পীরে অমসুং প্লাস্তিক পোল্লুসন হন্থহন্নবা মখাগী থবকশিং অসি পায়খৎলে:

জনুৱারি ২০২১দগী হৌনা ফ্রান্সনা শিঙ্গল য়ুজ প্লাস্তিক পোৎলমশিং শীজিন্নবা থিংখ্রে। ২০৪০ ফাওবদা শিঙ্গল য়ুজ প্লাস্তিক পেকেজিং থিংনবা ফ্রান্সনা পান্দম থম্লি।
শিঙ্গল য়ুজ প্লাস্তিক পোৎলমশিং শীজিন্নবা থিংনবা ওগস্ত ১২,২০২১দগী ভারতনা নিয়মশিং পুথোক্লে অমসুং জুলাই ১,২০২২গী য়াম্না য়াংবা প্লাস্তিক খাউশিং, বেলুনগী প্লাস্তিক মচৈশিং, প্লাস্তিক ফিরালশিং, মীথাই মচৈশিং, আইস-ক্রিম মচৈশিং, প্লাস্তিক প্লেতশিং, গ্লাসশিং, প্লাস্তিক্কী কতলরিশিং শীজিন্নবা থিংলে।

য়ুমদা পোৎ-চৈ য়োম্বদা শীজিন্নবা পোৎলমশিংগী ওইনা ১৯৯৩দগী ফ্রান্সতা এক্সতেন্দেদ প্রদুসর রেসপোন্সিবিলি( ই পি আর) থবক ওইনা পাংথোকপা হৌখ্রে। ২০২৩দগী অচাপোৎ য়োম্বগী মতাংদা এক্সতেন্দেদ প্রদুসর রেসপোন্সিবিলি( ই পি আর) থবক ওইনা পাংথোক্লগনি অমসুং ২০২৪দগী চেৱিং গুম অমসুং ২০২৫দগী ইন্দস্ত্রি অমসুং ঙাগী পেকেজিংদা চৎনবা হৌরগনি।

২০১৬দগী হৌনা প্লাস্তিক পেকেজিং অমোৎপতা প্রদুসরশিং, ইমপোর্তরশিং অমসুং ব্রান্দ মপুশিংদা ভারতনা এক্সতেন্দেদ প্রদুসর রেসপোন্সিবিলি( ই পি আর) থবক ওইনা পাংথোকপা হৌরে।

প্লাস্তিক পেকেজিংগী মখাদা ফেব্রুৱারি ২০২২দা ভারতনা এক্সতেন্দেদ প্রদুসর রেসপোন্সিবিলি( ই পি আর) গী চৎন-কাংলোনশিং ফোঙলে। পুৱারি ওইরবা য়ু.এন.ই.এ-৫গী ৱারেপশিং মতুংইন্না, প্লাস্তিক পোল্লুসন লোইশিন্নবা আইনগী ওইবা ঙাক্লৌ পীবা মালেমগী  ওইবা থবক অমা পায়খৎনবা ৱাখল মান্নবা লৈবাকশিংগা অপুনবা ওইনা থবক তৌমিন্নবা ভারত অমসুং ফ্রান্সনা কন্না হোৎনরি।

***