য়ুনাইতেদ অরাব ইমিরেতসকী প্রেসিদেন্ত হিজ হায়নেস সৈখ মোহমদ বিন জায়েদ অল নাহয়ান অমদি ভারতকী প্রধান মন্ত্রী শ্রী নরেন্দ্র মোদী জুলাই ১৫, ২০২৩দা অবু ধাবীদা উনখ্রে‍।

হন্দক্কী অসিনা হৌখিবা চহি নিপানগী মনুংদা প্রধান মন্ত্রী শ্রী নরেন্দ্র মোদীনা য়ু.এ.ই.দা চৎপা মঙারক শুবা খোঙচৎনি হায়বা নাকল অনিমক্না থম্নখি‍। প্রধান মন্ত্রী মোদীনা অকোনবা ওইনা জুন ২০২২দা য়ু.এ.ই.দা চৎখি অমদি মফমদুদা মহাক্না ঐচ.ঐচ. সৈখ মোহমদ বিন জায়েদ অল নাহয়ানগা অবু ধাবীদা উনদুনা মহাক্না য়ু.এ.ই.গী প্রেসিদেন্সী পায়খিবদা য়াইফ-পাউজেল পীখি‍। ইং ২০১৫দা প্রধান মন্ত্রী মোদীনা চহি  ৩৪গী মনুংদা য়ু.এ.ই.দা চৎপা ভারতকী অহানবা প্রধান মন্ত্রী ওইখি‍। মহাক্কী খোঙচৎ মতুংদা ঐচ.ঐচ. সৈখ মোহমদ বিন জায়েদ অল নাহয়ান্না ২০১৬দা ভারত্তা লাকখি, অদুগা ২০১৭দা ঐচ.ঐচ. সৈখ মোহমদ বিন জায়েদ অল নাহয়ান্না ভারতকী রিপব্লিক সে সেলেব্রেসন্দা অথোইবা মীথুং ওইনা শরুক য়াখি‍। মসিগী মথক্তা ঐচ.ঐচ. সৈখ মোহমদ বিন জায়েদ অল নাহয়ান্না ভারত্তা ২০১৭দা লাকখিবা খোঙচৎ মনুংদা ইন্দিয়া-য়ু.এ.ই. মরীবু ফোর্মেল ওইনা কমপ্রিহেন্সিব স্ত্রেতেজিক পার্ত্নরসিপকী থাক্তা ওনখৎখি‍।

লুচিংবশিংনা হীরম খুদিংদা লৈনরিবা য়ু.এ.ই.-ইন্দিয়া মরী হেন্না খুমাঙ চাওশিনবদা অপেনবা ফোঙদোক্নখি‍। ইন্দিয়া-য়ু.এ.ই. ত্রেদসু ২০২২দ য়ু.এস.দি. বিলিয়ন ৮৫তা হেনগৎলক্তুনা, ২০২২-২৩গী ওইনা য়ু.এ.ই.বু ভারতকী অহুমশুবা খ্বায়দগী চাউবা ত্রেদিং পার্ত্নর অমদি ভারতকী অনিশুবা খ্বায়দগী চাউবা এক্সপোর্ত দেস্তিনেসন ওইহল্লি‍। ভারতনা য়ু.এ.ই.গী অনিশুবা খ্বায়দগী চাউবা ত্রেদিং পার্ত্নর ওইরি‍। ফেব্রুৱারী ২০২২দা, ভারতনা য়ু.এ.ই.গা কমপ্রিহেন্সিব ইকনমিক পার্ত্নরসিপ এগ্রীমেন্ত (সি.ই.পি.এ.) খুৎয়েক পীনবা অহানবা লৈবাক ওইখি‍। বাইলেতরেল ত্রেদসু মে ১, ২০২২দা সি.ই.পি.এ. চৎনবা হৌখিবা মতুংদগী ১৫% রোম হেনগৎলকখি‍।

লুচিংবশিংনা ভারতনা জি২০ প্রেসিদেন্সী পায়বা অমদি য়ু.এ.ই.না সি.ও.পি.২৮ পায়বগা লোয়ননা ২০২৩দা লৈবাক অনিমক্না মালেমগী থাক্তা লৌখিবা মশক থোকপা থৌদাংবু শিংথাখি‍। য়ু.এ.ই.গী মায়কৈদগী জনুৱারী ২০২৩দা ভারতনা ভোইস ওফ গ্লোবেল সাউথ সম্মিত পাঙথোকখিববু থাগৎখি‍। ভারতকী মায়কৈদগীসু সি.ও.পি.২৮তা গ্লোবেল সাউথকী ইন্তরেস্ত প্রমোত তৌবদা অমদি সি.ও.পি.২৮বু ‘সি.ও.পি. ওফ এক্সন” ওইহনবদা মরুওইবা থৌদাং লৌখিবগীদমক য়ু.এ.ই.বু থাগৎখি‍। নাকল অনিমক্না আই২য়ু২ অমদি য়ু.এ.ই.-ফ্রান্স-ইন্দিয় ত্রাইলেতরেল কোওপরেসন ইনিসিএতিবনচিংবা প্লুরিলেতরেল ফোরাশিংদা মখা তানা তেঙবাংনবগী লমদা মীৎয়েঙ থম্নখি‍। অসিগুম্বা ফম্পাকশিংনা খোঙবু অসিবু অনৌবা থাক অমদা থাঙ্গৎনবগীদমক লৈবাক অনিমক্তা হেন্না চাউবা খুদোংচাবশিং পীরি হায়বা মখোয়না য়ানখি‍।

ঙসি, অবু ধাবীদা, য়ু.এ.ই.গী প্রেসিদেন্ত ঐচ.ঐচ. সৈখ মোহমদ বিন জায়েদ অল নাহয়ান অমদি ভারতকী ইকায়খুম্নরবা প্রধান মন্ত্রী শ্রী নরেন্দ্র মোদীনা মখাগীশিং অসিদা শরুক য়াখি‍।

১. ক্রোস-বোর্দর ত্রাঞ্জেক্সন্দা লোকেল করেন্সীশিং (আই.এন.আর.-এ.ই.দি.) শীজিন্নবা য়োকখৎনবা ফ্রেম)র্ক অমা শেম্নবগী মেমোরেন্দম ওফ অন্দরস্তেন্দিং অমা নাকল অনিমক্কী সেন্ত্রেল বেঙ্কশিংগী গভর্নরশিংনা খুৎয়েক পীনবা‍।

২. পেমেন্ত অমদি মেসেজিং সিস্তেম ইন্তরলিঙ্ক তৌননবা মেমোরেন্দম ওফ অন্দরস্তেন্দিং অমা নাকল অনিমক্কী সেন্ত্রেল বেঙ্কশিংগী গভর্নরশিংনা খুৎয়েক পীনখিবা‍।

৩. অবু ধাবীদা ইন্দিয়ন ইন্সতিত্যুৎ ওফ তেক্নোলোজী – দিল্লী লিংখৎনবগী থৌরাং য়াৎনবগী মেমোরেন্দম ওফ অন্দরস্তেন্দিং অমা খুৎয়েক পীনখিবা‍।

লুচিংবশিংনা লৈবাক অনিগী মরক্তা বাইলেতরেল ত্রেদ সেত্তল তৌনবগীদমক লোকেল করেন্সী সেত্তলমেন্ত সিস্তেম অমা শেমগৎলিবসি অমনা অমবু থাজনবগী মমি তাই হায়না খন্নখি‍। মসিগী মথক্তা, মসিনা লৈবাক অনিমক্কী শেন্মিৎলোনগী পাক চাউববুসু উত্থোক্লি অমদি য়ু.এ.ই. অমদি ভারতকী মরক্তা শেন্মিৎলোনগী এঙ্গেজমেন্তপুসু হেনগৎহল্লি‍। য়ু.এ.ই. অমদি ভারতকী মরক্তা ক্রোস-বোর্দর ত্রাঞ্জেক্সন হেন্না ফবা মওংদা প্রোসেস তৌনবগীদমক নাকল অনিগী ইন্সতেন্ত পেমেন্ত সিস্তেমগী মরক্তা পুনশিন্নবা অমা পুরক্তুনা পেমেন্ত সিস্তেমগী লমদা তেংবাংনবগী থৌওং হেন্না মপাঙ্গল কনখৎহন্নিংবগী অপাম্বা লুচিংবশিংনা ফোঙদোক্নখি‍। অসুম্না তেংবাংনবসিদা নেস্নেল কার্দ স্বিতচশিং ইন্তরলিঙ্ক তৌদুনা দোমেস্তিক কার্দ স্কীমশিং নাকল অনিমক্না য়ানবগী ৱাফমসু য়াওরি‍। হায়রিবা সিস্তেমশিং অসিদা পুনশিন্নবা ফীভম পুরকপনা লৈবাক অনিগী মীয়ামদা কান্নহন্নবগীদমক পেমেন্ত সর্ভিস এক্সেসকী চাং হেনগৎহনগনি‍।

লৈবাক অনিগী মরক্তা লৈনরিবা ইনভেস্তমেন্তকী মরী হেন্না মপাঙ্গল কনখৎহন্নবা মখোয়গী ফিরেপশিংবু লুচিংবশিংনা অমুক হন্না ফোঙদোক্নখি‍। মসিগী মতাঙদা, মখোয়না বাইলেতরেল হায়-লেবেল জোইন্ত তাস্ক ফোর্স ওফ ইনভেস্তমেন্তনা হোৎনরিবশিংবু শিংথাখি‍। ইং ২০২১-২২দা তরেৎশুবা মফমদা লৈরম্বদগী ইং ২০২২-২৩দা য়ু.এ.ই.না ভারত্তা মরিশুবা খ্বায়দগী চাউবা ইনভেস্তর ওইরকপবু মখোয়না শকখঙখি‍। থা খরগী মনুংদা গুজরাতকী ফাইনেন্সিএল ফ্রী জোন অমা ওইণিবা গুজরাত ইন্তরনেস্নেল ফাইনান্স তেক-সিতী (গীফ্ত সিতী)দা অবু ধাবী ইনভেস্তমেন্ত ওথোরিতী (এ.দি.আই.এ.)না মখোয়গী মফম অমা শেমগৎনবা তৌরিবা থৌরাংবু মখোয়না শিংথাখি‍। মসিনা ভারত্তা য়ু.এ.ই.না ইনভেস্ত তৌবগী খুদোংচাবা মখা তানা লৈহল্লগনি‍।

লুচিংবশিংনা অবু ধাবীদা আই.আই.তি. দিল্লী লিংখৎনবা ভারতকী এজুকেসন মন্ত্রালয়, ইন্দিয়ন ইন্সতিত্যুৎ ওফ তেক্নোলোজী (আই.আই.তি. দিল্লী) অমদি অবু ধাবী দিপার্তমেন্ত ওফ এজুকেসন এন্দ নোলেদ্জ (এ.দি.ই.কে.)গী মরক্তা নাকল অহুমগী ওইবা এম.ও.য়ু. অমা খুৎয়েক পীনখিবগী মরুওইবা ৱাফমশিংসু খন্নখি‍। মমাঙ চহিগী ফেব্রুৱারীদা, লুচিংবা অনিগী মরক্তা পাঙথোকখিবা ভর্চুএল সম্মিসত অমদা, মখোয়না য়ু.এ.ই.দা ইন্দিয়ন ইন্সতিত্যুৎ ওফ তেক্নোলোজী লিংখৎনবা ৱাফম য়ানখি‍। নাকল অনিমক্না মঙলান অসিবু মঙফাওনহন্নবগীদমক হৌখিবা চহি অনিসিদা চোকথবা নাইদনা হোৎনখি‍। আই.আই.তি. দিল্লী – অবু ধাবী ইনর্জী ত্রাঞ্জিসন এন্দ সস্তেনেবিলিতীগী মাস্তর প্রোগ্রাম অমগা লোয়ননা জনুৱারী ২০২৪দগী মথৌ তৌবা হৌরগনি হায়বগী ৱাফমবু শৌগৎপা অমদি অয়াবা লুচিংবা অনিনা পীনখি‍। সস্তেনেবল ইনর্জী, ক্লাইমেৎ স্তদিজ, কম্প্যুতিং অমদি দেতা সাইন্সকী লমদা রীছর্চ সেন্তরশিং লিংখৎপগী মথক্তা অতৈ বেচলর, মাস্তর অমদি পি.ঐচ.দি. থাক্কী প্রোগ্রামশিং সেপ্তেম্বর ২০২৪দগী হৌরবা য়ানা লৈ‍।

থাউ, গ্যাস অমদি রিনিউএবল ইনর্জীগী ওইবা ইনর্জীগী লমদা নাকল অনিগী খোঙবু ওইবগী মরীবু মখা তানা ফগৎহন্নবগীদমক লুচিংবশিংনা লেপ্নখি‍। নাকল অনিমক্না গ্রীন হায়দ্রোজেন, সোলার ইনর্জী অমদি গ্রিদ কন্নেক্তিবিতীগী লমদা তেংবাংনবগী থবক খুমাঙ চাওশিলহন্নবা ৱাফমসু য়ানখি‍। নাকল অনিমক্না ভারতকী স্ত্রেতেজিক পোত্রোলিয়ম রিজর্ব প্রোগ্রাম য়াওনা ইনর্জী স্পেক্ত্রম পুম্বদা শেল থাদবা হেনগৎননবা ৱাফমসু য়ানখি‍।

লুচিংবশিংনা ক্লাইমেৎ চেঞ্জকী ইসুশিংদা, মরুওইনা ভারতকী জি২০ প্রেসিদেন্সী অমদি য়ু.এ.ই.গী সি.ও.পি.২৮ প্রেসিদেন্সী মনুংদা, নাকল অনিনা পুন্না থবক পায়খৎমিন্নরিববু শকখঙখি‍। সি.ও.পি.২৮পু পুম্নমক্কী ওইনা মায় পাকহন্নবগীদমক পুন্না থবক পায়খৎমিন্ননবা মখোয়না ৱারেপ্নখি‍।

ফুদ সিক্যুরিতীগী মরুওইবশিং শকখঙলদুনা, লুচিংবশিংনা ফুদ সপ্লাই চেনগী রিলাইএবিলিতী অমদি রেজিলিএন্স য়োকখৎননবা অমদি চীঞ্জাক অমসুং লৌউ-শিংউগী ত্রেদ, ভারত্তা পায়খৎপা ফুদ কোরিদোর প্রোজেক্তশিং য়াওনা, পাকথোক চাউথোকহন্নবা মখোয়গী ফিরেপশিংবু লুচিংবশিংনা অমুক নৌনা খোঙফম চেৎশিনহনখি‍। হীরম অসিদা পায়খৎলিবা প্রোজেক্তশিং অথুবা মতমদা থবক হৌনবগীদমক য়ু.এ.ই.গী মায়কৈদগী তোঙান তোঙানবা ভারতকী স্তেকহোল্দরশিংগা পাঙথোক্কদবা কন্সলতেসনগী থবক লোইশিল্লগনি‍।

লুচিংবশিংনা হেল্থ সেক্তরগী মরুওইবা ৱাফমশিং পুথোক্নরদুনা হৌজিক লৈরিবা হেল্থ কোওপরেসনবু মথৌ হাপ্তুনা অমদি মখা তানা দাইভরসিফাই তৌদুনা নাকল অনিগী ওইবা অমদি অতোপ্পা লৈবাকশিংদা লৈরিবা স্কোপ হেন্না পাকথোক চাউথোকহনবগী ৱাফমসু খন্নখি‍। লৈবাক অনিমক্তা লৈরিবা মালেমগী ভেক্সিন অমসুং হিদাক লাংথক্কী হেল্থ সপ্লাই চেনগী থাজবা য়াবা অতোপ্পা পাম্বৈ অমা ওইনবগী মতিংবু পুথোক্তুনা নৈনখি‍। য়ু.এ.ই. অমদি ভারত্তা খুমাঙ চাওশিল্লক্লিবা হেল্থ ইনফ্রাস্ত্রকচরগী মতাঙদা খুৎশম্ননা চৎমিন্নবগী লৈরিবা খুদোংচাবশিংসু খন্নখি‍।

চহিচা কয়াগী মমাঙদগী চৎনদুনা লাক্লবা মীগা মীগগী মরক্তা ঈ-পাউ ফাওনবগী থৌওং অসিনা পুৱারী ওইরবা ভারত-য়ু.এ.ই.গী মরীগী খ্বায়দগী মপাঙ্গল কনবা অমদি খ্বায়দগী মরুওইবা য়ুম্বীশিংনি হায়না লুচিংবশিংনা শিংথাখি‍। য়ু.এ.ই.না ভারত্তগী মশিং য়াম্লবা দাইস্পোরাশিংনা য়ু.এ.ই.গী খুন্নাই অমদি শেন্মিৎলোন্দা মরুওইবা থৌদাং য়ারিবা অমদি নাকল অনিগী ওইবা মরীবু হেন্না চেৎশিনহল্লববু শিংথাখি‍।

লুচিংবশিংনা ভারত, য়ু.এ.ই. অমদি অনিগী অকোয়বদা লৈরিবা মফমশিংদা নুংঙাই য়াইফবা ফীভম পুরক্নবগীদমক লমদম অসোমদা মেরিতাইম সিক্যুরিতী অমদি কন্নেক্তিবিতী হেন্না কনখৎহন্নবগীদমক নাকল অনিগী ওইবা খুৎশম্ননা চৎমিন্নবগী থৌওংবু মখা তানা মপাঙ্গল কনখৎহন্নবা ৱাফম য়ানখি‍। দিফেন্স এক্সচেঞ্জ, এক্সপিরিএন্স শেয়র তৌনবা, ত্রেনিং অমদি কেপাসিতী বিল্দিংগী থৌওং হেন্না ফগৎহন্নবগী ৱাফমসু মখোয়না য়ানখি‍।

লুচিংবশিংনা রিজনেল অমদি ইন্তরনেস্নেল থাক অনিমক্তা ক্রোস-বোর্দর তেরোরিজম য়াওনা মওং খুদিংগী এক্সত্রিমিজম অমদি তেরোরিজমগী মায়োক্তা লেপ্লিবা অপুনবগী খোঙফমবু অমুক্কা হন্না চেৎশিনহনমিন্নখি‍। তেরোরিজম, তেরোরিস্ত ফাইনান্সিং, অমদি এক্সত্রিমিজম থেংননবা মখোয়গী বাইলেতরেল কোওপরেসনবু হেন্না মরা চেৎশিলহন্নবা ৱাফমসু মখোয়না য়ানখি‍। হীরম অসিগী মতাঙদা, ইং-তপ্পা, ৱাতেম্বা, পুন্না হিংমিন্নবা, অমদি মীওইবশিংগী মরক্তা খাঙমিন্নবগী ভেল্যুশিংবু য়োকখৎপগী মরুওইবা ৱাফমশিং মখোয়না ফোঙদোক্নখি অমদি মওং খুদিংমক্কী এক্সত্রিমিজম, হেত স্পীচ, দিস্ক্রিমিনেসন, অমদি ইনসাইতমেন্ত থাদোক্নবা ৱাফম থমখি‍।

লুচিংবা অনিমক্না মল্তিলেতরেলিজমগী মরুওইবা ৱাফমশিং থম্নখি অমদি অচুম্বা, পথাপ্তা য়ুম্ফম ওইবা মালেমগী ওর্দর অমা পুরক্নবগী মতাঙদা পুন্না হোৎনমিন্নবা ৱাফম ফোঙদোক্নখি‍। লুচিংবা অনিনা য়ু.এন. সিক্যুরিতী কাউন্সিলগী ৱাফমশিংগী মতাঙদা, মরুওইনা ২০২২দা লৈবাক অনিমক্না য়ুওএন.এস.সি.গী নন-পর্মেনেন্ত মেম্বরশিং ওইনা লৈরিঙৈদা নাকল অনিগী মরক্তা লৈনখিবা কোওর্দিনেসন্দা অপেনবা ফোঙদোক্নখি‍। প্রধান মন্ত্রী মোদীনা য়ু.এ.ই.না সিক্যুরিতী কাউন্সিলগী ইলেক্তেদ মেম্বর অমা ওইনা লৈরিঙৈ মতমদা য়ু.এ.ই.না ফংবা ঙমখিবশিংবু শিংথাখি‍। য়ু.এ.ই.না শেমদোক্লবা য়ু.এন.এস.সি.দা ভারতনা পর্মেনেন্ত মেম্বরসিপ ফংনবা তান্নরিবা অসিদা শৌগৎনবা ৱাফম অমুক হন্না ফোঙদোকখি‍।

প্রধান মন্ত্রী  মোদীনা ঐচ.ঐচ. সৈখ মোহমদ বিন জায়েদ অল নাহয়ানবু মহাক্কী দেলিগেসনবু তরাম্না ওকপিবগীদমক থাগৎপা ফোঙদোকখি‍। প্রধান মন্ত্রী মোদীনা নই দিল্লিদা সেপ্তেম্বা ৯-১০, ২০২৩দা পাঙথোক্কদৌরিবা জি২০ লীদর্স’ সম্মিত্তা ঐচ.ঐচ. সৈখ মোহমদ বিন জায়েদ অল নাহয়ান্না শরুক য়ারক্কনি হায়বগী থাজবা ফোঙদোকখি‍।

লুচিংবা অনিমক্না কোলাবোরেসনগী নৌনা থোরক্লিবা হীরমশিং নেনদুনা অমদি ইং-তপ্পা, মরা চেৎপা, অমদি নুংঙাই য়াইফবা ফীভম লমদমসিদা অমদি মসিগী ৱাংমদা পুরক্তুনা কমপ্রিহেন্সিপ স্ত্রেতেজিক পার্ত্নরসিপ হেন্না মপাঙ্গল কনখৎহন্নবা মখোয়গী ফিরেপ্পু অমুক হান্না খোঙফম চেৎহনখি‍।

***