য়ুনাইতেদ নেসন্স ফ্রেমৱার্ক কনভেন্সন ওন ক্লাইমেত চেঞ্জ(য়ু এন এফ সি সি সি) অমসুং পেরিস এগ্রিমেন্তগী মখাদা মালেমগী অপুনবা থবক্কী খুৎথাংদা মালেমগী অইং-অশাগী খল কায়রকপা থেংনবগী তঙাইফদবা অদু ভারতকী প্রধান মন্ত্রী শ্রী নরেন্দ্র মোদী অমসুং য়ু.এ.ইগী প্রসিদেন্ত সৈখ মোহমদ বিন জয়েদ অল নাহয়াননা য়ানখ্রে। ক্লাইমেতকী পান্দম, কার্বোন থাদোকপা হন্থহনবা অমসুং মৈখু থাংদবা ইনর্জি শীজিন্নবা হেনগৎহন্নবা মতেং পীনবা হেগৎহনবা অমসুং য়ু.এন.এফ.সি.সি.সি কোপকী ২৮শুবা মীফমগী পান্দমশিং থবক ওইনা পাংথোক্নবা পুন্না থবক তৌমিন্নবা হায়না লুচিংবশিংনা য়ানখি।

২০২৩দা কোপ২৮ য়ুম্বু ওইনবা খনবগীদমক প্রধান মন্ত্রী নরেন্দ্র মোদীনা য়ু.এ.ই থাগৎপা ফোঙদোকখ্রে অমসুং য়ু.এ.ইনা কোপ ২৮গী প্রসিদেন্ত ওইগদৌরিবা অসিদা মহাক্না মপুংফানা শৌগৎপা ফোঙদোকখি। জি-২০দা ভারতনা লৌরিবা থৌদাং অসিদা প্রসিদেন্ত সৈখ মোহমদ বিন জয়েদ অল নাহয়াননা ভারত থাগৎপা ফোঙদোকখি।
 

লৈবাক অমনা পাংথোকফম থোকপা থবকশিং পাংথোক্তুনা অমসুং অমতা ওইবা উত্তুনা পেরিস এগ্রিমেন্তগী পান্দমশিং ফংনবা মালেমগী লৈবাকশিংনা য়াংনা থবক পাংথোক্নবা লুচিংবা অনিনা অমতা তকশিনখি। য়ু.এন.এফ.সি.সি.সি অমসুং পেরিস এগ্রিমেন্তগী পান্দমশিং অমসুং ৱারেপশিং চেৎনা ঙাক্তুনা লৈবাক অমমম্না থেংনরিবা তোঙান-তোঙানবা ফিবমশিং থেংননবা থবক পায়খৎকদবনি।

মালেমগী অইং-অশাগী খল কায়রকপা থেংননবা য়ুম্বী ওইরিবা অমাং-অতা হন্থহন্নবা হোৎনবা, চুশিন্নবা, ক্লাইমেত ফাইনান্স থবক ওইনা পাংথোকপা য়াওনা কোপ ২৮গী পান্দমশিং থবক ওইনা পাংথোকপা লুচিংবা অনিনা তকশিনখি। হায়রিবা কোপ ২৮গী পান্দমশিং থবক ওইনা পাংথোক্নবা লৈবাক খুদিংমক্না অমতা ওইনা থবক তৌনবা লৈবাক খুদিংমক্তা লুচিংবা অনিনা তকশিনখি।

মীফমশিং অমসুং পেরিস এগ্রিমেন্তগী পান্দমশিং ফংনবা মালেমগী ওইনা পাংথোক্লিবা থবকশিংগী ফিবম য়েংশিন্নবা পায়খৎলিবা অচৌবা থবক গ্লোবেল স্তোকতেক(জি এস তি) অমসুং মসি মাইপাক্না কোপ ২৮দা য়াওহনখিবা অসিগী মরুওইবা অদু লুচিংবা অনিনা থাগৎখি। কোপ ২৮দা গ্লোবেল স্তোকতেক থবক ওইনা পায়খৎপা অমসুং চাউখৎলক্লিবা লৈবাকশিংদা মতেং পাংনবা লৈবাকশিংনা জি.এস.তিগী পান্দমশিং থবক ওইনা পাংথোক্নবা মখোয়না তকশিনখি। কনভেন্সন অমসুং পেরিস এগ্রিমেন্তগী প্রোভিজনশিংগা লোয়ননা অইং-অশাগী খল হোংলকপা থেংননবা চাউখৎলক্লিবা লৈবাকশিংদা মালেমগী ওইনা মতেং পীনবগী মরুওইবা অদু মখোয়না তকশিনখি।

অইং-অশাগী খল হোংলকপনা পীরিবা চৈথেং থেংননবা চাউখৎলক্লিবা লৈবাকশিংগী তৌবা ঙম্বা হেনগৎহনবগী মরুওইবা অদু লুচিংবা অনিনা থমখি। চীঞ্জাক ফংহন্নবা থবকশিং, ঈশিং ফংহনবা, বাইওদাইভর্সিতি ঙাক-শেনবা অমসুং মীয়ামগী হকশেলগী থবকশিং ফংহনবা য়াওনা মরুওইবা হিরমশিংদা মীৎয়েং থমদুনা গ্লোবেল গোল ওন এদাপতেসন(জি জি এ) থবক ওইনা পাংথোকপা হায়বসি তঙাইফদবনি।

অইং-অশাগী খল হোংলকপা থেংননবা পেরিস এগ্রিমেন্তগী মতুংইন্না খুদোংথিনিঙাই ওইবা ফুরুপশিং মালেমগী ওইনা মতেং পাংনবা লুচিংবা অনিনা তকশিনখি। হিরম অসিগী মতাংদা, অইং-অশাগী খল হোংলকপনা থোকহনবা অমাং-অতাশিং থেংননবা কোপ ২৮গী ফন্দ শীজিন্নদুনা থবক পাংথোকপগী তঙাইফদবা অদু লুচিংবা অনিনা ফোঙদোকখি।
রিনিউএবল ইনর্জি, গ্রিন হায়দ্রোজেন, স্তোরেজ তেক্নোলোজিশিং, ইনর্জি শীজিন্নবা অমসুং কার্বোন য়াম্না থাদোকপা হন্থহন্নবা পাম্বৈশিংদা শেন থাদবা হেনগৎহনবা অসিনা শেন-থুম চাউখৎহনবা হেনগৎহনগনি অমসুং থবক ফংবসু হেনগৎহনগনি হায়না লুচিংবা অনিনা ফোঙদোকখি। মৈখু থাদোকপা হন্থহন্নবা তেক্নোলোজিশিং শীজিন্ননবা অমসুং মতেং পাংনবা অমসুং তুংকোইনা লৈহৌগদবা চাউখৎ-থৌরাংগী থবকশিং পায়খৎনবা লুচিংবা অনিনা খন্নখি। চাউখৎলক্লিবা লৈবাকশিংদা মরুওইবা তেক্নোলোজিশিং য়াম্না লাইনা অহোংবা মমলদা ফংহন্নবা থবক পায়খৎনবা লুচিংবা অনিনা মালেমগী লৈবাকশিংদা খঙহনখি।
মরুওইবা য়ুম্বী অহুম- ইনর্জি সেকুরিতি অমসুং ফংহনবা, শেন-থুমগী চাউখৎপা অমসুং গ্রিনহাওস গ্যাস ইমিসনশিং থেংনবা অসি ফংবা ঙম্নবা অইং-অশাগী খল হোংলকপগী ফ্রেমৱার্ককী মনুংদা ইনর্জি শীজিন্নবগী অওনবা পুরকপগী মরুওইবা অদু লুচিংবা খন্নখি। মীওই মিল্লিয়ন কয়া ইনর্জ শীজিন্নবা ফংদনা লৈরিবা অদু খঙদুনা, মীওই খুদিংমক্তা মমল হোংবা, অফবা অমসুং তুংইকোইনা শীজিন্নবা য়াবা ইনর্জি ফংহন্নবা ভারত অমসুং য়ু.এ.ইনা অমতা ওইনা শৌগৎখি।

হৌজিক মায়োক্নরিবা অইং-অশাগী খল হোংলকপা অসি থেংননবা চাউখৎলক্লিবা লৈবাকশিংদা শেন্থং পীনবা ২০২৩দা পান্দমশিং ফংবা ঙম্নবা চাউখৎলবা লৈবাকশিংনা য়ু.এস দোল্লর বিল্লিয়ন ১০০ পীনবা থৌরাং অদু অথুবা ওইনা থবক ওইনা পাংথোক্নবা লুচিংবা অনিনা তকশিনখি। চাউখৎলক্লিবা লৈবাকশিংনা অইং-অশাগী খল হোংলকপা থেংননবা পান্দমশিং ফংনবা ক্লাইমেত ফাইনান্স শরুক অনিদা হেনগৎহন্নবা লৈবাকশিংদা তকশিনখি অমসুং য়ু.এন.এফ.সি.সি.সি অমসুং পেরিস এগ্রিমেন্তগী নিয়মশিং ইন্নবা তকশিনখি।

চাউখৎলক্লিবা লৈবাকশিংনা অইং-অশাগী খল হোংলকপা থেংনবা ঙম্নবা শেন-থুমগী থবকশিংদা অওনবা পুরক্নবা অমসুং লৈবাকশিংগী পান্দমশিং ফংবা ঙম্নবা অহেনবা প্রাইভেদ কেপিতেল লাক্নবা ইন্তরনেসনেল ফাইনান্সিএল ইন্সতিতুৎ (আই এফ আই)শিং অমসুং মলতিলেতেরেল দিবলপমেন্ত বেঙ্কস(এম দি বি)দা লুচিংবশিংনা তকশিনখি। চাউখৎ-থৌরাংগী শেন থাদবা মখোয়না লৌরিবা থৌদাং অদুদগী নাথৈবা তৌদনা ২১শুবা চহিচাগী খুদোংচাদবশিং থেংননবা এম.দি.বিশিংনা থবক তৌগদবনি।

মালেমগী অইং-অশাগী খল হোংলকপা থেংননবা মালেমগী ওইনা পায়খৎলিবা থবকশিং অসিদা লনাই মীওইশিংগী মহৌশাগী অকোয়বগী ফিবম শোকহন্দবা লমচৎ-শাজৎশিংনা য়াম্না চাউনা মতেং পাংগনি হায়না লুচিংবা অনিনা থাজবা থমখি। মহৌশাগী অকোয়বগী ফিবম শোকহন্দবা লমচৎ-শাজৎশিং অমসুং হৈনবীশিং লৈহনবগী মরুওইবা অদু লুচিংবশিংনা য়ানখি। হিরম অসিগী মতাংদা, ভারতকী মিসন লাইফকী থবকশিং লুচিংবা অনিনা থাগৎপা ফোঙদোকখি। কোপ ২৮ এজেন্দানা মীয়ামদা ৱাখল তাহনবা ঙমগনি হায়না লুচিংবা অনিমক্না থাজবা ফোঙদোকখি।

ভারতনা জি-২০গী প্রসিদেন্ত ওইবগী কান্নবা অমসুং মরুওইবা অদু লুচিংবা অনিনা চেৎনা থাজখি অমসুং  মালেমগী অইং-অশাগী খল হোংলকপা থেংননবা মতেং পাংনবা হেনগৎনবা জি-২০গী থৌদাং অদু লুচিংবা অনিনা য়ানখি। মরুওইনা শেন থাদবা,তেক্নোলোজি অমসুং অকোয়গী ফিবম শোকহন্দবা ইনর্জি শীজিন্নবদা মাই ওনশিন্নবা খন্নখি।

মালেমগী মতেং পীনবা হেনগৎহন্নবা, লৌশিং পীথোক-পীশিন তৌননবা অমসুং অইং-অশাগী খল হোংলকপনা পীরিবা চৈথেং থেংননবা অনৌবা অমসুং অফবা থবক পায়খৎপা হেনগৎহন্নবা য়ু.এ.ইনা কোপ ২৮ য়ুম্বু ওইবগী মরুওইবা অদু লুচিংবা অনিনা খঙখি।

য়ু.এন.এফ.সি.সি.সি অমসুং পেরিস এগ্রিমেন্তগী পান্দমশিং খুমাঙ চাউশিনবা ঙম্নবা অমসুং মালেমগী মতেং পীনবা অমসুং ক্লাইমেত এক্সনদা অনৌবা ইনোৎ অমা পীবা ঙম্নবা অপুনবা অমসুং থবক ওইনা পাংথোকপা ঙম্নবা কোপ ২৮দা মাইপাক্না পান্দমশিং ফংনবা য়ু.এ.ই অমসুং ভারতনা মখোয়গী অমতা ওইবা অদু উৎখি।

***