U Vice President, u Jagdeep Dhankhar mynta ka sngi u la kyntu ia ki ophisar ba thymmai ban pyni ia ka jingshim khia, ka thong bad ka jingsngewlem ban pynkylla ia ka jingim jong ki briew. “Ym don kaei kaei kaba kham sngewhun ban ia ka jingai jingkmen sha kito kiba la duh jingkyrmen,” u la ong ia ki probationer jong ka Batch 2021 bad 2022 jong ka Indian Postal Service kiba la leit iakynduh ia u ha Upa-Rashtrapati Nivas mynta ka sngi.

Da kaba ong ba ka Bharat ka don ha ka jingkiew kaba ym pat iohi mynshuwa, u Dhankhar u la ong ba ka jingkiew jong ka India kadei kaba iaineh namar ka jingnohsynniang ki jaka nongkyndong bad ki sienjam jong ki nongrep bad ki nongtrei kiba trei shitom. Da kaba ong ba ka jingkiew ka India ha ka pyrthei kadei kaba ym lah ban pynsangeh, u la ong ba “tang shiphew snem mynshuwa, ngi don ha ka kyrdan ba 10 ha kaba iadei bad ka ioh ka kot ha kylleng ka pyrthei bad mynta ngi long kaba san ha ka jingheh tam ka ioh ka kot.”

U la khot ia ki Ophisar ba dang shah hikai kum ki ‘ambassadors of growth’ bad ‘warriors of Amrit Kaal’ bad u la bthah ia ki ban pynlong ia ka jingkiew sted ka India da ki jingsaindur thymmai jong ki & ki sap treikam. Da kaba ban jur ba ka ri ka don ha ka por jong ka jingkylla, u kwah ba ki ophisar kin pynthikna ka jingkiew shaphrang, ka jingiadon bynta ha ki kam pisa bad ka jingpynsuk ia ka jingpynpoi ia ki jingai jingshakri.

U la kyntu ia ki ba kin wanrah ia ka jingryntih bad ka jingieid ri hapdeng ki briew bad u la ai jingmut ba man ka post office kadei ban buh bad pynbna paidbah ia ki kamram ba ki briew ki dei ban pyndep; kane kan wanrah jingkylla ha ka jinglong jong ki briew.

Haba ong ba u Dakia (nongrah shithi) kum u briew uba kongsan tam, bad uba tip bad leit sha man ka bynta jong ka ri, u Vice President u la ong ba ki jingdon jingem bad ka jingdon ki nongtrei jong ka Tnat iing dak bad ki briew jong ka, ka dei kaba dei ban pyndonkam ban pynthikna ia ka jingpynpoi ia ki jingai jingshakri sha baroh ki jaka. Haba kynmaw ia ki sngi jong u ha Sainik School Chittorgarh, u Dhankhar u la ong ba u ju thoh shithi man ka sngi sha ka kmie jong u.

Ka (Dr.) Sudesh Dhankhar, u Sunil Kumar Gupta, Secretary sha u Vice President, u Alok Sharma, Director General (Postal Services), u Ambesh Upmanyu, Director, Rafi Ahmed Kidwai National Postal Academy (RAKNPA), ki nonghikai jong ka RAKNPA bad kiwei kiwei ki la iadonlang ha kane ka jingialang.

Ki dur jong kane ka jingialang –

*****