রোদ ত্রান্সপোর্ত অমসুং হায়ৱেজগী কেন্দ্র মন্ত্রী শ্রী নিতিন গদকরীনা ঙসি আন্ধ্র প্রদেশকী তিরুপতিদা নেসন-ৱাইদ প্লান্তেসন দ্রাইব হৌদোকখ্রে।

 ‘অজাদী কা অমৃত মহোতসব’কী মখাদা এন.ঐচ.এ.আই.না এন.ঐচ.এ.আই. লেন্দ পার্সেলশিং, তোল প্লাজাশিং অমসুং অমৃত সরোবরশিং য়াওনা নেস্নেল হায়ৱেশিংগী মতায়দা মশক খংদোক্লবা লোকেসন ৩০০ হেনবদা অমুক্তংদা উ থাবগী খুত্থাংদা নোংমদা উ চারা লাখ ২.৭৫ হেন্না থানবগীদমক খোংথাং অসি লৌখৎপনি। এনভাইরনমেন্ত সস্তেনেবিলিতীগী পাউজেল শন্দোক্লদুনা দ্রাইব অসিদা পব্লিক রিপ্রজেন্তেতিবশিং, সিভিল সোসাইতী, এন.জি.ও.শিং অমসুং মহৈরোইশিংনা শরুক য়াখি।  

মহাক্কী ৱারোলদা শ্রী গদকরীনা হায়খি মদুদি খোংথাং অসি ঐখোয়গী নেস্নেল হায়ৱেশিংবু এনভাইরনমেন্তেলি সস্তেনেবল গ্রীন হায়ৱেজশিং ওন্থোক্নবা পান্দমদা প্রধান মন্ত্রীগী মীৎয়েং মখাদা হৌদোকপা গ্রীন ইন্দিয়া মিসনগী শরুকনি।

শ্রী গদকরীনা হায়খি মদুদি খোংথাং অসি ক্লাইমেত চেঞ্জনা ওইহনবা মায়োক্নরিবশিংগীদমক অচেৎপা উপায় অমনি, মরমদি মসিনা কার্বোন ইমিসন হন্থহল্লি অমসুং ইনভাইরনমেন্তেলি ফ্রেন্দলি ইনফ্রাস্ত্রকচর দিবলপ তৌহল্লি। মহাক্না হায়খি মদুদি উ প্লান্তেসন অমসুং ত্রান্সপ্লান্তেসন তৌবা অসি নেস্নেল হায়ৱে দিবলপমেন্তকী শরুক অমা ওইরে।

রোদ ত্রান্সপোর্ত অমসুং হায়ৱেজ অমসুং সিভিল এভিয়েসনগী রাজ্য মন্ত্রী জেনরেল (রিতয়ার্দ) দা. ভি.কে. সিংহ অমসুং এন.ঐচ.এ.আই. চিয়ারমেন শ্রী সন্তোশ কুমার য়াদবনসু ঘাজিয়াবাদকী দাসনাদা ইস্তর্ন পেরিফেরেল এক্সপ্রেসৱে ইন্তরচেঞ্জ ময়াদা উ চারা থাখি।

প্লান্তেসন এক্সন প্লান অসি হায়ৱে দিবলপমেন্ত প্রোগ্রামগী ফোকস এরিয়ানি মদুগী মখাদা লোকেল ইন্দিজেনস শর্বশিং অমসুং উশিং লম্বী মতায়গী সরপ্লস লেন্দ অমসুং মেদিয়ান লেন্দ নত্রগা আর.ও.দবল্যুদা থাজিল্লি। এম.ও.আর.তি.ঐচ.না গ্রীন হায়ৱে পোলিসী-২০১৫ প্রোমুলগেত তৌখি, মেন্দেত অসিগী মখাদা এন.ঐচ.এ.আই.না এনুএল প্লান্তেসন এক্সন প্লানগী শরুক ওইনা ২০১৬-১৭দগী ২০২২-২৩ ফাওবদা উ চারা করোর ৩.৪৬ থাখ্রে। চৎলিবা চহি অসিদা উ চারা লাখ ৫৬ হেন্না থাগদবনি হায়না প্রপোজ তৌরি মদু মোন্সুন সিজন খক্তদগী হৌখ্রে।

এন.ঐচ.এ.আই.না পায়খৎলিবা উ থাবা অমসুং অতোপ্পা মরী লেনবা থবকশিং অসি প্রধান মন্ত্রীগী মিসন লাইফ, লাইফস্তাইল ফোর এনভাইরনমেন্তগী মীৎয়েংগী শরুক্নি। মসিগী হোৎনরিবশিংগী খুত্থাংদা এন.ঐচ.এ.আই.না সেল্ফ-সস্তেনেবল ওইগদবা রিইনফোর্স অমসুং এনেবল এনভাইরনমেন্ত ফ্রেন্দলী বিহেবিয়র ওইগদবা ইকোসিস্তেম অমা শেমগৎপদা থৌদাং লৌরি।

এন.ঐচ.এ.আই.না ইকো-ফ্রেন্দলী নেস্নেল হায়ৱেশিং দিবেলপ তৌনবা মতম মতমগী ওিনা প্লান্তেসন দ্রাইবশিং পাংথোক্লি। মসিগী পান্দমদি রুরেল লাইবলিহুদ মিসনশিং অমসুং ফোরেস্ত অমসুং হোর্তিকলচর এক্সপার্তশিংগী খুত্থাংদা কন্সেসন ফংবশিং, রাজ্য সরকার এজেন্সীশিং, প্রাইবেত প্লান্তেসন এজেন্সীশিং, সেল্ফ-হেল্প গ্রুপশিং য়াওনা পুন্না নেস্নেল হায়ৱেশিংদা উ থাবা মপুং ফাহনবনি।

       ******