সাইন্তিফিক ওইনা থিজিনবা অমসুং তেক্নলোজি শীজিন্নবদগী হৌখিবা চহি খর অসিদা ঙা য়োকপা অমসুং ঙা ফাবগী থবকশিংদা শিংথাবা য়ানা খুমাঙচাউশিল্লে। নেসনেল ফিস ফারমর্স দে মীত-২০২৩ দা ঙামীশিংগী কৎথোকপা, স্তার্দঅপশিং, অনৌবা তেক্নোলোজিশিং শীজিন্নবা অমসুং ঙাগী পোৎথোক হেনগৎহন্নবগী মরুওইবা ফোঙদোকখি। ভারত সরকারগী ফিসরিজ দিপার্তমেন্ত, ফিসরিজ, এনিমেল হসবেন্দরি অমসুং দাইরিইং মিনিস্ত্রি অমসুং অতোপ্পা মরী লৈনবশিংনা মহাবলিপুরমদা নেসনেল ফিস ফারমর্স দে মীত-২০২৩ অমসুং ‘স্তার্দঅপ কনক্লেপ’ পাংথোকখ্রে। থৌরম অদু পুৱারি ওইরবা তামিল নাদুগী সহর মহাবলিপুরমদা জুলাই ১০দগী হৌখি অমসুং ঙসি জুলাই ১১, ২০২৩দা লোইশিনখি।

নেসনেল ফিস ফারমর্স দে-২০২৩ গী মীফম অদুদা লৈবাক অসি ঙামীশিংনা লৌরিবা মরুওইবা থৌদাংশিং অমসুং ফিসরিজ চাউখৎনবা মখোয়গী কৎথোকপশিং ইকায়খুম্নবা উৎনবা খুদোংচাবা অমা পীরে। দাইত্ব খঙনা থবক তৌদুনা অমসুং ঙা য়োকপগী হিরম অসিগী খুদোংচাবশিং লৌদুনা, ঐখোয়না নুংঙাই-য়াইফবা তুংলমচৎ অমা লৈহনগনি, চীঞ্জাক ৱাৎতবা হেনগৎহনগনি অমসুং হিরম খুদিংমক্ত লৈবাক চাউখৎহনবদা মতেং পাংগনি। নুমিৎ অসি পাংথোকপগী নুঙগী ওইবা ৱাখল্লোন্দি ঐখোয়গী ঙাগী পোৎথোকশিং তুংকোইনা শীজিন্ননবা ঙাক-শেন্দুনা থম্নবা খন্ন-নৈনবা অমসুং অপুনবগী ওইনবা ৱাখল খন্নবা ইকোসিস্তেম অমা শেম্বনি।

নিনী চনবগী থৌরম অদু ফিসরিজ, এনিমেল হসবেন্দরি অমসুং দাইরিইংগী য়ুনিয়ন মিনিস্তর শ্রী পরসোত্তম রুপালানা হৌদোকখি অমসুং ফিসরিজ, এনিমেল হসবেন্দরি অমসুং দাইরিইংগী রাজ্য মন্ত্রী দোক্তর এল মুরুগানসু শরুক য়াখি, লোয়ননা সরকারগী স্কিমশিং হায়বদি পি.এম.এম.এস.ৱাই, এফ.আই.দি.এফ অমসুং ঙামীশিংগী কে.সি.সিগী মতাংদা, তেক্নোলোজি শীজিন্নবা অমসুং ঙামীশিংগী অফবা তুংলমচৎ অমগীদমক অনৌবা থবকশিং পায়খৎনবগী মতাংদা রাজ্যশিং/য়ু.তিশিংগী ওফিসিএলশিংগা ৱা খন্নখি। ঙাগী লমদা থবক তৌরিবা মরী লৈনবা খুদিংমক শরুক য়াদুনা থৌরম অদু মাইপাকপা অমা ওইখি।

থৌরম অদুদা মিনিস্তর শ্রী পর্সোত্তম রুপালানা হায়খি নেসনেল ফিস ফারমর্স দে-২০২৩ থৌরমদা খন্নখিবা ৱাফমশিং অসিনা মখা তানা ঙা য়োকপা অমসুং ফাবগী হিরম অসি চাউখৎহনগনি অমসুং ঐখোয়গী তুংগী অপুনবা খোঙচৎ অমগী লম্বী শেমগনি। থৌরম অসিদা খন্নখিবা ৱাফমশিং পাক-শন্না শন্দোক্কনি অমসুং ৱাফমশিং অদু থবক্ত ওন্থোক্তুনা ঙামীশিংগী পুন্সিদা অফবা অহোংবা পুরকপা ঙমগনি। ঙামীশিং মতেং পাংবা ঙমগদবা অনৌবা থবকশিং অমসুং মতেং পাংনবা হেনগৎহন্নবা অনৌবা ৱাখল্লোনশিং পুথোকপগীদমক য়ুনিয়ন মিনিস্তরনা শরুক য়াখিবা মীওই খুদিংমক্তা য়াইফ-পাউজেল পীখি।

থৌরম অদুগী থাগৎৱাহৈ পীরদুনা, ভারত সরকারগী ফিসরিজ দিপার্তমেন্তগী জোইন্ত সেক্রেতরি(আই এফ) শ্রী সাগর মেহরানা হায়খি ঙা পুথোকপা হেনগৎহন্নবা, মগুন হেনগৎহন্নবা, লৈবাক মনুংদা ঙা চাবা অমসুং মপান্দা থাদোকপা হেনগৎহন্নবা, ললোন-ইতিক, অমাং-অতা হন্থহন্নবা অমসুং থবক ফংদ্রিবা নহারোলশিং মশানা মশাবু থবক পীজনবা ফিসরিজ সেক্তরনা পান্দম থম্লি। মসিগী অচৌবা থৌরম অসিনা ঙাগী লমদা থবক তৌরিবা মীওইশিংগা লোয়ন্না স্কিমশিং হায়বদি ব্লু রিভোলুসন, পি.এম.এম.এস.ৱাইগুম্বগী মতাংদা খন্ননবা মফম অমা পীরে অমসুং মসিনা মীওই কয়াগী পুন্সি মহিং ফগৎহনগনি।

অহানবা নুমিত্তা পাংথোকখিবা নেসনেল ফিস ফারমর্স দে মীত-২০২৩ হৌদোকপা থৌরমদা য়ুনিয়ন মিনিস্তর শ্রী পর্সোত্তম রুপালা, ভারত সরকারগী ফিসরিজ, এনিমেল হসবেন্দরি অমসুং দাইরিইংগী রাজ্য মন্ত্রী দোক্তর এল মুরুগান অমসুং দোক্তর সঞ্জিব কুমার বালয়ানগা লোয়ননা তোঙান-তোঙানবা রাজ্যশিং/য়ু.তিশিংগী ফিসরিজ মিনিস্তরশিং শরুক য়াখি।  নেসনেল ফিস ফারমর্স দে মীত-২০২৩ দা ঙামীশিংগী কৎথোকপা, স্তার্দঅপশিং, অনৌবা তেক্নোলোজিশিং শীজিন্নবা অমসুং ঙাগী পোৎথোক হেনগৎহন্নবগী মতাংদা খন্নখি। স্তার্দঅপ কনক্লেপ অদুদা থৱায় য়াওবা ওন্ত্রেপ্রেনিউয়রশিং অমসুং ফিসরিজগী স্তার্দঅপশিং মখোয়গী অনৌবা ৱাখল্লোনশিং, পোৎথোকশিং অমসুং তেক্নোলোজিশিং উৎনবা মফম অমা পীখি।

*****