হকশেল অমদি য়াইফ-য়ুম্বালগী কেন্দ্র মন্ত্রী, দোক্তর মনসুখ মন্দাবিয়ানা জুলাই ১৪, ২০২৩দা উত্তরাখন্দগী দেহরাদুন্দা স্বস্থ্য চিন্তন সিবির হৌদোক্কদৌরি‍। নুমিৎ নিনি চত্থগদবা স্বস্থ্য চিন্তন সিবির অসি হকশেল অমদি য়াইফ-য়ুম্বাল মন্ত্রালয়না সেন্ত্রেল কাউন্সিল ওফ হেল্থ এন্দ ফেমিলী ৱেলফ্যারনা পুন্না পাঙথোক্কদবনি‍। থৌরম অসিদা হকশেল অমদি য়াইফ-য়ুম্বালগী কেন্দ্রগী রাজ্য মন্ত্রী দোক্তর ভারতী প্রবিন পৱার অমদি প্রোফেসর সিংহ বঘেল শরুক য়াগনি‍। তোঙান তোঙানবা স্তেত অমদি য়ুনিয়ন তেরিতরীশিংগী হকশেল মন্ত্রীশিং লোয়ননা হকশেল মন্ত্রালয় অমদি স্তেতশিংগী মকোক থোংবা ওফিসিএলশিংসু মরুওইবা থৌরমসিদা শরুক য়ারবা য়াই‍।

নুমিৎ নিনি চত্থগদবা থৌরম অসি ১৪শুবা কন্ভেন্সন ওফ দি সেন্ত্রেল কাউন্সিল ওফ হেল্থ এন্দ ফেমিলী ৱেলফ্যারগী এক্সন তেকন রিপোর্ত পুথোক্তুনা হৌদোক্কনি‍। মসিগী তুংদা, ঙসি ভারত্তা লৈরিবা হেল্থকেয়রগী তোঙান তোঙানবা মায়ওনশিংদা য়ুম্ফম ওইবা সেসনশিং পাঙথোক্কনি‍। সেসনশিং অসিনা অয়ুস্মান ভারত-প্রধান মন্ত্রী জন অরোগ্য য়োজনা (পি.এম.জে.এ.ৱাই.), অয়ুস্মান ভারত দিজিতেল মিসন (এ.বি.দি.এম.), হেল্থ এন্দ ৱেলনেস সেন্তরশিং, লোয়ননা প্রধান মন্ত্রী অয়ুস্মান ভারত হেল্থ ইনফ্রাস্ত্রকচর মিসন (পি.এম.-এ.বি.ঐচ.আই.এম.) হায়রিবা অয়ুস্মান ভারতকী মশা মরিগী মরমদা খন্নগনি‍।

থীম নাইবা সেসনশিংনা নেস্নেল ত্যুবরকুলোসিস ইলিমিনেসন প্রোগ্রাম, মীজল্স, রুবেলা মুত্থৎপা, অমদি ভারত্তা পি.সি.পি.এন.দি.তি. এক্ত চৎনহনবা হায়রিবশিং অসিদা মীৎয়েঙ থমগনি‍। সেসনশিং অসিনা পব্লিক হেল্থ মেনেজমেন্ত কেদরশিংগী থৌদাং, লোয়ননা লৈবাকসিগী মেদিকেল, নর্সিং অমদি এলাইদ হেল্থ এজুকেসনগী ফীভমশিং নৈনগনি‍।

নেস্নেল ওর্গান ত্রান্সপ্লান্ত প্রোগ্রাম, লোয়ননা দিস্ত্রিক্ত রেসিদেন্সী প্রোগ্রামগী মতাঙদসু খন্নগনি‍। মসিগী মথক্তা, সেসনশিং অসিনা লৌনগন্দবা লায়নাশিং অমদি সিকল সেল লায়নাশিংগী মতাঙদসু খন্নগনি‍।

স্বস্থ্য চিন্তন সিবির অসিদা লৈবাকসিগী হেল্থকেয়র চেলেঞ্জশিংগী পাম্বৈ পুথোকপা লোয়না মশা মউ হেন্না ফবা লৈবাক অমা শেম্নবগী খুদোংচাবশিং লোকশিনবগী পান্দমদা স্তেকহোল্দরশিংগা লোয়ননা ইন্তরেক্তিব সেসনশিংসু পাঙথোক্কনি‍।

******