নেস্নেল মিসন ফোর ক্লিন গঙ্গা (NMCG)না ‘নহাওইবশিংগী ৱাখল্লোন্দা মৈরা চুবাঃ তুরেলশিংবু হান্না মতৌদা হঞ্জিলহনবা’ হায়বা ৱেবিনার অসিবু মালেমগী থাক্তা য়ৌহল্লে। ৱেবিনার অসিগী 13শুবা তাঙ্কক, হৌজিক্না ‘নহাশিংগী ৱাখল্লোন্দা মৈরী চুবাঃ মালেমগী কেম্পেন’ হায়না মিংথোল্লবা ৱেবিনার অসি ‘হয়েংগী মতমগী গ্লোবেল সস্তেনেবিলিতী লীদর শেম্নবা লৈরিবা নহা ওইরিবা ৱাতর সস্তেনর’শিংনা শরুক য়াহনবগী পান্দমগা লোয়ননা APAC ন্যুজ নেতৱর্ক্কা খুৎশম্নদুনা জুলাই 8, 2023দা ভর্চুএলগী খুত্থাংদা পাংথোকখিবনি। ৱেবিনার অসিগী থীম্না ৱাতর কঞ্জর্বেসন্নি। মসিগী অখন্নবা সেসন অসিদা, নোংগী ঈশিং য়োকশিনবা, য়ুনিভর্সিতীশিংগা মরী লৈনবা, অমসুং সস্তেনেবল ওইবা ৱাতর মেনেজমেন্ত অমসুং রিভর রিজ্যুবিনেসন শোইদনা পাংথোকহন্নবগীদমক্তা খুন্নাইশিংগা তেংবাংনবগী হৌজিক য়াম্না মথৌ তারিবা হীরমশিংগী মতাংদা খন্নখি।

NMCGগী দাইরেক্তর জেনেরেল, শ্রী জি. অশোক কুমারনা ৱেবিনার অসিবু লুচিংখি। পেনেলিস্তশিংগী মনুংদা IES য়ুনিভর্সিতীগী চান্সেল্লর, শ্রী বি.এস. য়াদব; মনিপাল একাদমী ওফ হাইয়র এজুকেসনগী ভাইস চান্সেল্লর, দাঃ নরায়ন শেনোয় এস.; ৱর্ল্স য়ুনিভর্সিতী ওফ দিজাইনগী প্রোফেসর অমসুং দীন একাদমিক্স, দাঃ নীনা সিংহ জুৎশি, অমসুং কিংদম ওফ বাহরেনগী অরাবিয়ন গল্ফ য়ুনিভর্সিতীগী ই-লর্নিং এক্সপর্ত, শ্রী অর্পন স্তিফেন য়াওখি।

NMCGগী DGনা মরু ওইবা ৱারোল থমখিবদা, মহাক্না ৱাতর কঞ্জর্বেসন অমসুং রিভর রিজ্যুবিনেসনগীদমক্তা হোৎনরিবশিং অসি হেন্না খোঙজেল য়াঙশিনহনবগী তঙাই ফদবা লৈবদা মিৎয়েং চঙখি। থৌওংশিং অসিদা মীয়াম্না শরুক য়াবগী তঙাই ফদবগী মতাংদা মহাক্না ৱাফম থমখি। মসিগীদমক্তা মীয়াম পুন্না হোৎনমিন্নসি অমসুং ঈশিং হৌরকফমশিংবু মীয়াম্না চেকশিন্না অমসুং ইকায় খুম্ননা থমসি হায়না মহাক্না ফোংদোকখি। লৈবাক অসিগী নোং তাবগী মতৌদা স্পাতিএল অমসুং তেম্পরেল ভেরিএসন লোইরিবা অসিগী খুদোংচাব লৌদুনা ঈশিংগী রিসোর্সশিং নীংথিনা শেন্নসি হায়না মহাক্না হায়খি। “নমামী গঙ্গাগী স্কোপ অসি গঙ্গা তুরেল অমসুং মসিগী মশাশিংবু কোল্লি অমসুং গঙ্গা বেসিন্দা তৌরিবা থবকশিংগী শাফু অসিনা ঈশিংগী মগুন অমসুং বাইওদাইবর্সিতীবু হেন্না ফগৎহল্লক্লি অমসুং মসিগী খুদম অসি গঙ্গেতিক দোলফিন অমসুং ওত্তর উবা ফংলক্লিবা অসিদা উবা ফংলে”। মহাক্না মখা তানা হায়খিবদা, “য়ুনাইতেদ নেসন্সনা NMCGগী হোৎনজমনশিংবু শকখঙবা অসিনা ৱাতর কঞ্জর্বেসনগী মতাংদা খোঙফম চেৎলিবা অসিবু হেন্না মপাঙ্গল লৈহল্লে। মালেমগী স্তেকহোলদরশিংদগী ফংলিবা পোজিতিব রেস্পোন্সশিং অসিনা নমামী গঙ্গেগী শাফুশিংবু ময়েক শেংহল্লে। কুম্ভ মেলা 2019দা মীওই করোর 20 হেনবনা শরুক য়াখিবা অসি থাজবা থম্লবদগী হেল্লিবনি, অমসুং মসিনা লৈবাকসিদা রিভর রিজ্যুবিনেসনগী মতাংদা পাংথোক্লিবা থবকশিং হেনগৎলে হায়বা তাকখি”।

5 R – রিদ্যুস, রিয়ুজ, রিসাইকল, রিচার্জ অমসুং রেস্পেক্তকী মরু ওইবশিং অসি ঈশিং ৱাৎপা, অখন্ননা লৌউবগী সেক্তরগা লান্থেংনবদা য়াম্না মরু ওই, অমসুং ঈশিং নীংথিনা শিজিন্নবা হায়বসিদা অহেনবা মরু ওইবা চঙনরি। লৌমীশিংনা গ্রাউন্দৱাতর কা হেন্না শিজিন্নবা অসিদা মহাক্না মিৎয়েং চঙলদুনা মসিদা ঈশিং চিংথোক্নবা পম্প শিজিন্নবদা মৈ য়াম্না চঙবগা লোয়ননা ইফিসিএন্ত ওইবা ইরিগেসনগী থৌওংগী মথৌসু তাই হায়বগী ৱাফম মহাক্না থমখি। পুন্সি হীরম খুদিংদা ঐখোয়না ঈশিং য়োকশিনবগী থৌওংগা মরী লৈনহনগদবনি, ঈশিং রিয়ুজ তৌববু পুক্নিং থৌগৎকদবনি। অহেনবা ওইনা, সিৱেজ ত্রিতমেন্ত প্লান্ত (STP)তগী থোক্লকপা ঈশিং অসি ইরিগেসন্দা শিজিন্নবা য়াই অমসুং ঈশিং লৌফমদগী ঈশিং লৌথোকপগী চাংসু মসিনা হন্থহনগনি। ঈশিং মাঙহনবগী মহুত্তা ঈশিং নৌনা লৌশিন্দুনা অমুক্কা হন্না শিজিন্নবা থৌওং মনুং চনবা ঈশিংগী সর্ক্যুলর ইকোনোমী অমা শিজিন্নদুনা মালেম্না সস্তেনেবল ৱাতর মেনেজমেন্ত পাংথোকপা য়াগনি হায়না মহাক্না ফোংদোকখি।

নহাশিংগী চারোন শুরোনবু তাকপীবগী মথৌ তাবা, মহৈরোইশিংগী মরক্তা এৱিয়র্নেস লৈহনবা অমসুং সস্তেনেবল ৱাতর য়ুসেজ প্রেক্তিস খুমাং চাউশিলহন্নবা থৌদাং লৌহনবগী মথৌ তাবদা মহাক্না মিৎয়েং চঙখি। মহাক্না সেফ সিৱেজ দিস্পোজেলদা মিৎয়েং অমুক্কা হন্না চঙলদুনা ঈশিং রিয়ুজ তৌবগী মরু ওইবগী মতাংদা মরু ওইবা পাউদমখি। “সিৱেজ দিস্পোজেল নীংথিজনা তৌদবনা ফ্রেশ ৱাতর সোর্সপু মাঙহনবা অমসুং মোৎশিলহনবগী থৌওং থোকহনবা য়াই, মসিনা মীয়ামগী হকশেলদা অকায়বা পীরকপা য়াই। NMCGনা সিৱেজ ৱাতর নীংথিনা দিস্পোজ তৌহন্দুনা নির্মল জল কেন্দ্র লিংখত্তুনা সিৱেজ ৱাতর ত্রিৎমেন্ত তৌবগী থবকশিং থৱাই য়াওনা পাংথোক্লি, অমসুং থবকশিং অসি শেল তানবগী থৌওংগা মরী অমত্তা লৈনদে”, মহাক্না হায়খি।

ঈশিং য়োকশিনবা অমসুং তুরেলশিংবু হান্নগী মতৌদা হঞ্জিলহনবগী থবকশিং অসিদা য়ুনিভর্সিতীশিংনা মরু ওইবা থৌদাং য়াবা য়াগনি হায়না মহাক্না ফোংদোকখি।

IES য়ুনিভর্সিতীগী চান্সেল্লর, শ্রী বি.এস. য়াদবনা গঙ্গা তুরেলনা লৈবাক্কী লাইফলাইন অমা ওইবগী থৌদাংগী মতাংদা হায়রদুনা ঈশিং নীংথিনা শিজিন্নদুনা ঈশিংগী রিসোর্সশিং কঞ্জর্বেসন তৌবগী মতাংদা মীয়ামদা খঙহন্নবা য়ুনিভর্সিতীশিংনা মরী লৈনবা এৱিয়র্নেস কেম্পেন পাংথোক্নবা পুক্নিং থৌগৎখি। মহাক্না জল জীবন মিসন্না অশেংবা ঈশিং পীনবা হোৎনবগী থবকশিংবু শকখঙদুনা মিসন অসিবুসু থাগৎখি। লোয়ননা, মহাক্না ভারত সরকারনা হৌদোকখিবা উন্নত ভারত অভিয়ানবু থাগৎখি। খোঙথাং অসিদা কম্ম্যুনিতী দিভেলপমেন্তকীদমক্তা মনাক নকপা খুঙ্গং 10বু কোনশিল্লি। খোঙথাং অসিদা থৱাই য়াওনা শৌগৎকনি হায়না শ্রী য়াদবনা ফোংদোক্লদুনা ঈশিং অসি তঙাই ফদনা চঙবা হীরম্নি হায়রদুনা অশেংবা ঈশিং ফংনবগীদমক্তা শেল তিংনরিবা অসিগী মতাংদা ৱাফম থমখি। মহাক্না নেস্নেল মিসন ফোর ক্লিন গঙ্গা (NMCG)না তুরেলশিংবু হান্নগী মতৌদা হঞ্জিলহল্লক্নবা অমসুং পোল্ল্যুসন থোকহন্দনবা মালেমগী খ্বাইদগী চাউবা কেম্পেন চত্থদুনা মরী লৈনবা এৱিয়র্নেস শন্দোকপগীদমক্তা থাগৎপা ফোংদোকখি।

দাঃ নরায়ন শেনোয় এস.না ঈশিং য়োকশিনবা অমসুং তুরেলশিংবু চেকশিন্না ঙাক শেনবগী তঙাই ফদবগী মতাংদা ৱাফম থমখি। স্তেতিস্তিক্স কয়া পল্লদুনা, মহাক্না হায়বদা ভারত্তা তুরেল মশিং য়াম্না লৈ অমসুং নোংসু য়াম্না তাই হায়খি। দাঃ শেনোয়না হায়খিবদা, গঙ্গা তুরেলনা লৈবাক্কী রাজ্য 11 ফাওদুনা চেল্লি, অপুনবা মীশিংগী চাদা 30 অমসুং লৌ-উনবা লমগী চাদা 40 কোল্লি। “মনিপাল একাদমী ওফ হাইয়র এজুকেসন অসিনা রিভর রিজ্যুবিনেসন এফফোর্ত্তা থৱাই য়াওনা থবক তৌরি, তুরেলবু লিভিং নেচরেল রিসোর্স ওইনা উদুনা নহা চারোন শুরোন্দা হোলিস্তিক ওইবা মিৎয়েং য়েংহনবা স্বর্ন অরাধনা প্রোজেক্তকুম্বা প্রোগ্রাম কয়া পায়খৎলি”, দাঃ শেনোয়না হায়খি। “ঈশিং থোকফমশিং ঙাক শেনবা অমসুং সস্তেনেবল ফ্যুচর অমা লৈহনবগী চাউরবা খোঙথাংদা অপীকপা খোঙথাং অমনসু মতেং পাংবা ঙমগনি”।

NMCGনা য়ুনিভর্সিতী কন্নেক্ত প্রোগ্রামদা য়ুনিভর্সিতীশিংগা তেংবাংনরিবা অসিগী মতাংদা দাঃ নীনা সিংহ জুৎশিনা পাউদম থমখি। ক্লাইমেত চেঞ্জ অমসুং মসিনা খুন্নাইদা হকথেংননা পীরিবা শাফুগী মতাংদা পল্লদুনা, দাঃ জুৎশীনা ঈশিংনা লিভিং এন্তাইতী ওইদুনা মরু ওইরিবা অমসুং শিংনবশিং অসিগা মাইয়োক্নবদা নহাশিংনা শরুক য়াবগী মথৌ তাবদা মিৎয়েং চঙখি। মসিগুম্বা তেংবাংনবগী থবকশিংনা স্কুল ওফ আর্কিতেকচর অমসুং প্লান্নিংনা ওন-কেম্পস কঞ্জর্বেসন এফোর্ত্তা মিৎয়েং চঙদুনা য়ুনিভর্সিতীগী করিকলমদা ঈশিং য়োকশিনবগী ৱাখল্লোন মনুং চলহনবগী পান্দম থম্লি। স্কুল ওফ কম্ম্যুনিকেসন্না শাফু লৈবা ভিদিওশিংগী খুত্থাংদা এৱিয়র্নেস পীনবা হোৎনরি, অদুগা স্কুল ওফ ফেশন্না সস্তেনেবল প্রেক্তিসশিংদা অহেনবা মিৎয়েং থম্নরি। মখা তাবা ওইনা, স্কুল ওফ পর্ফোরমিং আর্ত্না ঈশিং য়োকশিনবগা মরী লৈনবা পরফোর্মেন্সকী খুত্থাংদা মরী লৈনবা হীরমশিংদা মহৈরোইশিংগী পুক্নিং থৌগৎনবা হোৎনরি। দিসিপ্লিন কয়া অসিগী করিকল্ম শেম্বদা ঈশিংগী মরী লৈনবা হীরম মনুং চলহনগদবনি হায়রদুনা তেক্নোলোজী অমসুং AI শিজিন্নদুনা ঈশিংগী মরু ওইবা হীরমশিংগী ৱারোইশিন পুরকপগী মরু ওইবদা মহাক্না মিৎয়েং চঙদুনা মহাক্কী ৱারোল লোইশিনখি।

অরাবিয়ন গল্ফ য়ুনিভর্সিতীগী মমিং লৈরবা ই-লর্নিং এক্সপর্ত, শ্রী অরপন স্তেফেন্না বাহরেন্না থেংনরিবা ঈশিংগী শিংনবা কয়াদা মহাক্কী ৱাখল্লোন ফোংদোক্লদুনা লমদমসিদা মহৌশাগী ওইবা পাৎ নত্ত্রগা তুরেল লৈতবা অমসুং সমুদ্র ঈশিংবু থকপা য়াবা ঈশিং ওন্থোক্নবগী থৌওংদা কা হেন্না মখা পোল্লিবা অসিগী মতাংদা ৱাফম থমখি। গ্রাউন্দৱাতর লোইশিল্লকপগী অরুবা ফীভম অমসুং মসিবু এজুকেসন সেক্তরনা মিৎয়েং চঙবা ৱাৎপা, মসিবু করিকলমদা মনুং চলহনবগী তঙাই ফদবা লৈবগী মতাংদসু মহাক্না পনখি। ঈশিং ৱাৎপগী শিংনবা অসিদা মীয়াম্না অচৌবা মিৎয়েং চঙফম থোকই হায়না মহাক্না ফোংদোকখি। নহা ওইরিবা মীওইশিংদা K12 থাক্তগী হৌদুনা তাকপী তম্বীবগী থৌওংনা খ্বাইদগী হকথেংনবা থবক ওইগনি হায়না মহাক্না হায়খি। প্রোফেস্নেল দিগ্রী খক্তমক তান্নবগী মহুত্তা মখোয়গী মহৈ তম্বগী অপুনবা খোঙচৎ অসিদা ঈশিং য়োকশিনবগী হীরমদা অকুপ্পা লৌশিং তাকপা অমসুং মিৎয়েং চঙহনবা হায়বসিদা প্রাইওরিতী পীফম থোকই হায়না মহাক্না হায়খি। ইনভাইরনমেন্তকী মতাংদা খনবা মীওই শেমগৎপা অমসুং সস্তেনেবল ওইবা থৌওং পাংথোকপগী তঙাই ফদবা লৈরক্লিবা অসিবু শকখঙদুনা ৱাতর এজুকেসন এজুকেসনবু ভারতকী এজুকেসন সীস্তেমগা মান্ননা চৎহনবগী মথৌ তাবসিদা শ্রী স্তেফেন্না মিৎয়েং চঙখি।

***