সাইন্স অমসুং তেক্নোলোজী মন্ত্রালয়
বাইওতেক স্তার্তঅপশিং অসি ভারতকী তুংগী শেন্মিৎলোন্দা য়াম্না মরু ওইগনি, দাঃ জিতেন্দ্র সিংহনা হায়খ্রে
চাউরাকপা চহি 8/9দা লৈরম্বা বাইওতেক স্তার্তঅপ 50গা চাংদম্নবদা হৌজিক চাউরাক্না 6000 মুক লৈরে, অদুগা ঐখোয়না মসিদগী হেন্না তঙাই ফদরি, দাঃ জিতেন্দ্র সিংহনা হায়খ্রে
প্রধান মন্ত্রী শ্রী নরেন্দ্র মোদীনা ভারত্তা বাইওতেক্নোলোজী অমসুং বাইওইকোনোমীগী কান্নবশিং খঙহনখিঃ দাঃ জিতেন্দ্র সিংহ
ভারতকী বাইওইকোনোমীনা ইং 2014দা বিলিয়ন $8 ওইরম্বদগী বিলিয়ন $100দা য়ৌখি, অদুগা ঐখোয়না ইং 2025 ফাওবদা $150 য়ৌবগী পান্দম থম্লি হায়না S&T মন্ত্রীনা হায়খ্রে
“ভারত্তা হিমালয়দগী হৌরগা সমুদ্রশিংদগী ফংবা য়াবা বাইওরিসোর্সকী য়াম্লবা লন লৈরি, রিসোর্সশিং অসি শিজিন্নবীনবা ঙাইদুনা লৈরি”
Posted On:
08 JUL 2023 2:40PM by PIB Imphal
সাইন্স অমসুং তেক্নোলীজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ), MoS PMO, এতোমিক ইনর্জী অমসুং স্পেস বিভাগ, পর্সোন্নেল, পব্লিক গ্রাইবেন্স অমসুং পেন্সনগী MoS, দাঃ জিতেন্দ্র সিংহনা বাইওতেক স্তার্তঅপশিং অসি ভারতকী তুংগী শেন্মিৎলোন্দা য়াম্না মরু ওইগনি হায়খ্রে।
“চাউরাকপা চহি 8/9দা লৈরম্বা বাইওতেক স্তার্তঅপ 50গা চাংদম্নবদা হৌজিক চাউরাক্না 6000 মুক লৈরে, অদুগা ঐখোয়না মসিদগী হেন্না তঙাই ফদরি”, দাঃ জিতেন্দ্র সিংহনা হায়খ্রে। ৱাফম অসি নই দিল্লীদা পাংথোকপা বাইওতেক্নোলোজী বিভাগ (DBT)গী বাইওমেন্যুফেকচরিং ইনিসিএতিব খুমাং চাউশিলহনবগী মীফম হৌদোকপদা থমখিবনি।
প্রধান মন্ত্রী শ্রী নরেন্দ্র মোদীনা ভারত্তা বাইওতেক্নোলোজী অমসুং বাইওইকোনোমীগী কান্নবশিং খঙহনখি হায়না দাঃ জিতেন্দ্র সিংহনা হায়খি।
“ভারতকী বাইওইকোনোমী অসি ইং 2014দা শুপ্নগী বিলিয়ন $8 ওইরম্মি অদুবু প্রধান মন্ত্রী শ্রী নরেন্দ্র মোদীগী লুচিং মখাদা হৌজিক্তি ঐখোয়না বাইওতেক্নোলোজী অমসুং বাইওইকোনোমীগী কান্নবশিং খঙলে। মসিনা হৌজিক বিলিয়ন $100 ওইরে অমসুং ঐখোয়না ইং 2025 ফাওবদা $150 য়ৌবগী পান্দম থম্লি। লাক্কদৌরিবা চহিশিংদা মসিনা ভারতকী শেন্মিৎলোনগী ‘ফ্যুচর ভেল্যু এদিসন’ ওইগদৌরি”, মহাক্না হায়খি অমসুং “ঐখোয়না বাইওইকোনোমীগী মতাংদা হৌজিক মালেমগী 12শুবা অমসুং এসিয়া পেসিফিক্কী ওইনা 3শুবা থাক্তা লৈরি অদুগা ভেক্সিন শাবগী হীরমদা খ্বাইদগী মকোক্তা লৈরি” হায়না মখা তাখি।
সাইন্স অমসুং তেক্নোলোজী মন্ত্রীনা বাইওতেক্নোলোজীনা গ্লোবেল ত্রেদকী খুৎলায় অমা ওইবগী মতিক লৈ হায়না ফোংদোকখি।
“ভারত্তা বাইওরিসোর্সকী য়াম্লবা লন লৈরি, রিসোর্সশিং অসি শিজিন্নবীনবা ঙাইদুনা লৈরি। মসিগী মপুং ওইবা মরমদি ঐখোয়গী চাউরবা বাইওদাইবর্সিতী অমসুং হিমালয়গী তোপ তোপ্পা বাইওরিসোর্স অনিননি। মসিগী মথক্তা, ঐখোয়গী নাক্তা কিলোমীতর 7500 শাংবা সমুদ্র তোর্বান লৈরি অমসুং ঐখোয়না মমাংগী চহিদা সমুদ্রয়ান লোঞ্চ তৌখ্রে অমসুং মসিনা সমুদ্র মখাদা লৈবা বাইওদাইবর্সিতী থীদোক্কনি”, মহাক্না হায়খি।
বাইওতেক্নোলোজী অসিনা নহাশিংগী মরক্তা ত্রেদিং কেরিয়র ওপ্সন অমা ওইরক্লি হায়না দাঃ জিতেন্দ্র সিংহনা হায়খি। ক্লাস 12গী মহৈরোইশিংগী মরক্তা পাংথোকখিবা হন্দক্কী সর্ভে অমদা বাইওতেক্নোলোজী অসিনা খ্বাইদগী পাম্নবা স্ত্রীমগী লমদা 4/5 থাক্তা লৈখি, অদুবু মমাংগী মতমশিংদা মসিদি পাম্নবা কেরিয়র ওপ্সনগী মনুংদা চল্লমদবনি হায়না মহাক্না হায়খি।
“অদুনা, মসিদি য়াম্না পাক শন্না খঙনদবা হীরম অমনি, মসিদা নহাশিংগী পুক্নিং চীংশিনবদা মতম য়াম্না চঙখ্রিবা অসিসু মসিগী মরম অসিননি”, দাঃ জিতেন্দ্র সিংহনা হায়খি। “সীন্থেতিক তেক্নোলোজী, জিনোম ইদিতিং, মাইক্রোবিএল রিসোর্স অমসুং মেতাবোলিক ইঞ্জিনিয়রিংগুম্বা খুৎলায়শিং অসি হৌজিক্তি য়াম্না তোয়না পন্নরে। অখন্নবা ওইনা, ঐখোয়না মসিগা (জেনেতিক ইঞ্জিনিয়রিং) লাইনা শেন্নবগী মতাংদা মরী পুশিল্লকপা মতমদা, মীয়াম্না মসিদা থৱাই য়াওবগী চাং হেনগৎলক্লি”, মহাক্না মখা তাখি।
বাইওতেক্নোলোজী স্তার্তঅপ হায়বসি বাইওলোজীগী অনৌবা রিসর্চ অমসুং মেন্যুফেকচরিং, মিং ওইনা পল্লবদা, মাইক্রো ওর্গানিজম, সেল্ফ কলচরগুম্বা লিভিং সীস্তেম্নচিংবা কয়া পুনশিনবা তোপ-তোপ্পা জোনর অমনি হায়না দাঃ জিতেন্দ্র সিংহনা হায়খি। মসিনা মেন্যুফেকচরিংগী খুৎলায় অমসু ওইবা য়াই।
“অদোমগী নুংঙাই য়াইফবগা হেন্না চুনবা ক্লীন, গ্রীন ওইবা ইনভাইরনমেন্ত অমা বাইওতেক্নোলোজীনা পীবা ঙম্মি, মসিনা মরম ওইরগা অদোমগী অপাম্বগা মসিগা মরী লৈনগনি। মতম হৌখিবগা লোয়ননা, মসিনা পুন্সি মহিংগী কান্নবা পাম্বৈ অমা পীরক্কনি। লোয়ননা, ফুদ এদিতিব, বাইওইঞ্জিনিয়রিং তাইস, এনিমেল ফীড প্রদক্তকুম্বা বাইওদা য়ুম্ফম ওইবগুম্বা পেত্রোকেমিকেলদা য়ুম্ফম ওইবা মেন্যুফেকচরিংগী অতোপ্পা মহুৎশু মসিনা পীবা ঙমগনি”, মহাক্না হায়খি।
দাঃ জিতেন্দ্র সিংহনা ‘মালেমগী বাইওপ্রদক্ত নুমিৎ’ শকখঙবা ওইনা বাইওমেন্যুফেকচরিং খুমাং চাউশিলহন্নবা অমসুং বাইওপ্রদক্ত শিজিন্ননবগীদমক্তা DBT সোসিএল মীদিয়া কেম্পেন #IChooseLiFE লোঞ্চ তৌখি।
DBTগী সেক্রেতরী অমসুং বাইওতেক্নোলোজী ইন্দস্ত্রী রিসর্চ এসিস্তেন্স কাউন্সিল (BIRAC)কী চেয়রমেন, দাঃ রাজেশ এস. গোখলে; BIRACকী মেনেজিং দাইরেক্তর দাঃ জিতেন্দ্র কুমার অমসুং ইন্তর্নেস্নেল সেন্তর ফোর জেনেতিক ইঞ্জিনিয়রিং অমসুং বাইওতেক্নোলোজী (ICGEB)গী দাইরেক্তর, দাঃ রমেশ ভি. সোন্তীনা অতোপ্পা মীথুংলেনশিংগা লোয়ননা ঙসিগী মীফমদা শরুক য়াখি।
*****
(Release ID: 1938250)
Visitor Counter : 114