রেলৱে মন্ত্রালয়
প্রধান মন্ত্রীনা গোরাখপুর রেলৱে স্তেসন্দগী অনৌবা বন্দে ভারত এক্সপ্রেস ত্রেন অনি লমথাখ্রে
গোরাখপুর-লখনৌ- অয়োধ্যা অমসুং জোধপুর-অহমেদবাদ(সবরমাতি) বন্দে ভারত ত্রেনশিং হৌদোক্লে
হৌজিক লৈবাক অসিদা বন্দে ভারত রুত ৫০ মথৌ পাংথোক্লে
হৌজিক রুতশিংদা চেল্লিবা ত্রেনশিংগা চাংদম্নবদা হায়রিবা ত্রেনশিং অসিনা চৎথোক-চৎশিনগী মতম কনবা ঙম্লে
বন্দে ভারত এক্সপ্রেসনা পেসেঞ্জরশিংদা মালেম থাক্কী খুদোংচাবশিং পীরে অমসুং তুরিজম চাউখৎহল্লে
Posted On:
07 JUL 2023 6:32PM by PIB Imphal
ঙসি ভারত রেলৱেগী পুৱারি ওইরবা নুমিৎ অমা ওইনা, প্রধান মন্ত্রী শ্রী নরেন্দ্র মোদীনা উত্তর প্রদেসকী গোরাখপুরদা অনৌবা বন্দে ভারত এক্সপ্রেস ত্রেন অনি লমথাখ্র। থৌরম অদুদা উত্তর প্রদেসকী রাজ্যপাল শীমতি অনন্দিবেন পতেল, উত্তর প্রদেসকী চীফ মিনিস্তর শ্রী য়োগি অদিত্যনাথ, খোরাখপুরগী এম.পি রবি কিষন সুক্লা অমসুং মীয়ামগী মীহুৎশিং শরুক য়াখি।
অনৌবা বন্দে ভারত এক্সপ্রেস ত্রেন অনি অসিনা গোরাখপুর-লখনৌ- অয়োধ্যা অমসুং জোধপুর-অহমেদবাদ(সবরমাতি) শম্নহল্লে। ঙসি লমথাখিবা বন্দে ভারত ত্রেনশিং অসিনা চৎথোক-চৎশিনগী মতম হন্থহনগনি অমসুং নুংঙাইনা চৎহনগনি। হায়রিবা বন্দে ভারত এক্সপ্রেস ত্রেনশিং অসিনা লৈবাক্কী মফম খুদিংমক্তা অনৌবা ভারত-চাউখৎলবা ভারত অমগী পাউজেল পুরি।
গোরাখপুর-লখনৌ বন্দে ভারত এক্সপ্রেস
উত্তর প্রদেসকী অনিশুবা বন্দে ভারত এক্সপ্রেস ত্রেন অসি গোরাখপুরদগী লমথাগনি অমসুং বাস্তি অমসুং অয়োধ্যাদা খাম্লবা মতুংদা নুমিৎ অদু মক্তদা লখনৌদা থুংগনি। বন্দে ভারত এক্সপ্রেস ত্রেনশিং য়ৌবা অসিনা গোরাখপুর অমসুং লখনৌ শম্নবা অমসুং অনকপা লাইখুরুমফমশিং অমসুং লমকোয়ফমশিংদা চৎথোক-চৎশিনগী খুদোংচাবা হেনগৎহল্লগনি অমসুং লমদম অসি হিরম খুদিংমক্তা চাউখৎহল্লগনি। মসিগী লম্বী অসিনা লাইনিংগী মফমশিংগী মরক্তা শম্ননবা মতম কয়াগী মমাঙদগী তকশিন্দুনা লাকপা অদু ফংহল্লগনি।
জোধপুর-অহমেদবাদ(সবরমাতি)
রাজস্থানগী জোধপুর-অহমেদবাদ(সবরমাতি) বন্দে ভারত এক্সপ্রেস ত্রেন জোধপুর রেলৱে স্তেসন্দগী লমথাগনি অমসুং পালি মারৱার, রনাকপুর অবু রোদতা খাম্লবা মতুংদা নুমিৎ অদুদা অহমেদবাদ য়ৌগনি। মসিনা লমদম অসিগী কলচর, তুরিজম অমসুং লাইখুরুমফমশিংদা চৎথোক-চৎশিন লাইহনগনি অমসুং য়াংনা অমসুং নুংঙাইনা চৎপা ফংলগনি। বন্দে ভারত এক্সপ্রেস ত্রেন্না নুংঙাইনা অমসুং য়াংনা চৎনবগী খুদোংচাবা অমা পীগনি।
প্রধান মন্ত্রীনা গোরাখপুর রেলৱে স্তেসন অমুক হন্না শেমগৎনবা উরেপ-উয়ুংসু তমখি। স্তেসন অসি লুপা করোর ৪৯৮ চঙনা শেমগৎকদবনি অমসুং মসিনা মালেমগী থাক্কী খুদোংচাবশিং পেসেঞ্জরশিংদা ফংহনগনি।
বন্দে ভারত এক্সপ্রেস ত্রেনশিংদা মালেম থাক্কী খুদোংচাবশিং য়াওরি অমসুং মসিনা কভাচ তেক্নোলোজি য়াওনা অশোই-অঙাম থোক্তনবা অৱাংবা থাক্কী তেক্নোলোজিশিং শীজিন্নরি। ত্রেন অমদা পুং অমদা কিলোমিতর ১৬০ য়াংনা চেনবা য়ারবা সস্পেন্দেদ ত্রেক্সন মোতোরশিং য়াওরি। অৱাংবা থাক্কী সস্পেসন সিস্তেমশিং অসিনা পেসেঞ্জরশিং নুংঙাইনা চৎপা ফংহনগনি।
ত্রেন অসি ভারত রেলৱেনা মৈখু থাদোকপা হন্থহন্নবা মওংদা দিজাইন তৌদুনা পৱার কারশিং শীজিন্নরি অমসুং অৱাংবা থাক্কী ব্রেক্কিং সিস্তেমশিং শীজিন্নদুনা মৈ চাদা ৩০ কনবা ঙম্লে।
****
(Release ID: 1938241)
Visitor Counter : 91